2010年3月30日 星期二

新西蘭工作假期增200名額





整篇文章最重要就係紅色字果段:D
真係令人好開心o既消息!


【明報專訊】香港將與新西蘭加強經貿合作,一方面香港/新西蘭工作假期計劃的名額,4月1日起將由每年200個倍增至 400個,另方面香港昨與新西蘭簽訂了首份自由貿易協定,新西蘭將在6年內撤銷所有香港原產貨物出口至新西蘭的關稅,每年可為香港出口公司節省700萬港元。

港紐簽首份自由貿易協定

香港在2001年開始與新西蘭合辦工作假期計劃,至今已有約1000名香港青年參與,大約300名新西蘭青年亦透過這計劃到香港。政府昨表示,由於反應熱烈,香港/新西蘭工作假期計劃的名額將由每年200人增至400人。

另一邊廂,香港亦與新西蘭簽訂自由貿易協定,這是香港首份與外國簽訂的協定,協定涵蓋貨物、服務業、商務人員流動、投資、電子商貿等範圍,其中在貨物貿易中,新西蘭在6年內撤銷所有香港原產貨物徵收進口關稅。去年香港與新西蘭的雙邊貿易總額約達65億港元,香港出口新西蘭的貨物主要是通訊、錄音、音響設備等,新西蘭則主要向香港輸出海產。

免港貨6年進口關稅

服務貿易方面,兩地同業在外來資金、交易價值等不受任何形式限制,兩地自動享有對方日後與其他貿易伙伴訂立自由貿易協定中所作的進一步開放承諾。協定亦包括了香港6個優勢產業,其中教育方面會訂立一個相關安排。投資方面則訂立《投資議定書》,保護雙方的投資。商務及經濟發展局    長劉吳惠蘭表示,這次協議非常全面和高質素,讓香港和新西蘭企業再沒後顧之憂。





垃圾留言又再肆弱!

自從返左新工之後, 我完全冇時間寫Blog!
新工作雖然辛苦, 卻令我獲益良多, 遲d有時間我會慢慢再同大家分享

最近垃圾留言又再肆弱, 用了「禁留言」的置頂post都冇用, 真係令人好火滾!!!
究竟要點先可以杜絕呢?


2010年3月22日 星期一

喜歡講笑的法文老師

學左法文3個月, 話咁快就來到考試的一天......
阿sir上堂成日講廢話, 又講歷史, 又講笑, 又唱歌, 又唸詩...
因為佢講中文唔正的, 唔知邊度鄉下, 常常搞到我地哭笑不得!
最深刻係問我地識唔識「買雪」, 買雪? 買咩雪呀?
原來係米雪......
仲有教到睇咩magazine o既時候, 就講到「忽人一周」...
又話江澤民係佢同學, 又話自己見過貂嬋, 真係吹水唔抹嘴!
雖然佢係一位幾可愛o既伯伯, 亦無可否認, 上佢堂係幾開心o既,
而佢亦教得幾有心機, 上堂有好多notes抄(<--我就唔係咁鍾意哪, 抄得o黎又聽唔到),
但係......可唔可以係未教完書之前唔好講咁多題外話呢?
平時掛住講笑教唔切, 到臨尾果幾堂就教得好趕!
最後苦了的還是我們v_v

今晚就考試了, 升唔升到班就睇今晚
所以我特登請左假o黎溫書!

希望我能夠順利升班啦!



2010年3月14日 星期日

北京凍到震之旅 Day4c (前門大街)

Day4 (2009.12.27)





(嘩...依篇遊記, 嘔呀嘔呀, 咁耐都未嘔到出o黎! 可能過得太耐, 熱情冷卻左, 記憶也開始模糊......對唔住大家>.<)











上回講到, 行完前門西河沿西街之後, 就走左過o黎依邊好出名o既「前門大街」作最後o既衝刺! 最後一日, 都係想慢慢舒舒服服咁行下, 漫無目的, 其實咁, 先至似旅行家ma。











前門大街有兩架觀光車, 不定時交替開出, 由街頭開至街尾。


一架叫前門一號, 一架叫前門二號, 像左右門神般守護著前門大街。








前門大街的「前門二號」








前門大街的「前門一號」











因為正門背光關係, 我地鑽左去背面影, 前門大街牌坊同箭樓都望得清清楚楚








這條街出奇地乾淨, 估唔到!


地上竟然一d痰積都冇

















好西化的街道, 佈滿外國的大小名店, 擺明做出來俾遊客行的。









































轉去橫街有好多老北京的特色小吃, 但係我地完全冇試到^^"








大柵欄, 當地人讀做「大石爛兒」, 是前門大街區域內的一條著名的商業街。











前門大街44~46號, 是兩間相連的土產手信舖。


北京景泰藍&北京土特產


我誠意向大家介紹!


依度賣o既手信品質好, 最值得一讚是有試食服務, 試過好食先買。


曾經在不少國內城市買過手信, 每次都是「膽搏膽」, 好食與否機率是一半半,


常常被同事埋怨的!


如果來北京旅遊又煩惱該在哪兒買手信, 就記著這個地址吧!


前門大街44~46號^^








誠意推薦, 「依之班」!








依個人攞過獎架, 銅人大賽冠軍


咁巴閉囉喎, 我梗係要同佢影番張啦!








又見到佢! 在國內, KFC的受歡迎程度等如香港的麥當奴, 梗有一間係左近。


相反, 麥記就好難搵到。

















除左外國商店之外, 這條街還有一些國家文化遺產的店舖(好似王府井咁), 以下依間就係賣茶葉o既!








我買左包茉莉花毛尖茶, 18.5蚊乍, 都幾好飲











見到郵局, 諗住寄番張postcard, 但係發現都冇咩靚o既








依個靚o既, 但係唔出postcard










前門二號剛剛駛過





雖然依條街商業味重, 翻新過後變左遊客區, 欠缺左d「老北京味」,


不過我倒是欣賞佢的細心裝飾, 小至一個垃圾桶, 都經過精心設計。








連個井都靚過人








垃圾桶的設計很有心思








雖然是假花, 卻令整條街生色不少








連街燈的設計都別出心裁, 富有中國特色, I like it!








除左正牌外國貨, 仲有祖國冒牌貨


這條鱷魚, 也未免翻得太「樣衰」吧!XD








兩點幾, 肚子餓, 原本訂左今日食大董烤鴨作為行程結尾最壓軸的活動,


因為早餐食得太飽, 我book左12點, 而大董亦說, 只有12點前來才有位, 打後來的,

要等1小時或以上......因為我地冇咁多時間...一來一回, 唔知等到幾時。有了「海底撈」的教訓後, 我們決定放棄。來北京, 沒有吃過烤鴨,

簡直就像來香港不吃雲吞麵一樣! 太不像樣了! 所以我們揀左網上傳言名過其實的全聚德, 睇下係咪真係咁差。








周圍都有o既全聚德, 好有排場o既門面








因為食唔到大董, 冇得揀之下...唯有一試








烤鴨好一般, 只有快餐店的水平


深井燒鵝好味d喎








依碗鴨丁麵...超難食


隔離個鴨湯...冇味又油






炸鴨脾, 冇味的, 肉又鞋








見到果pat油, 真係冇晒胃口~_~








未去過總店唔知點, 不過分店俾我們感覺就好差! 好快餐店式








歡迎光臨「全聚德快餐店」








烤鴨可以外賣回家慢慢嘆, 試過一次之後, 送俾我都唔食








黃昏了








今次輪到前門一號出場








每個遊客區都有o既星巴克, 行到累了, 就上去嘆返杯咖啡, 慢慢享受埋最後的1小時








買咖啡的時候...店員問我們試唔試新鮮出爐的muffin


我見佢樣子幾討好, 要左一件, 店員仲幫我地焗返熱tim


嘩...唔食由至可, 一食. 好味到停唔到口!


外脆, 朱古力味香濃, 內軟, 鬆軟得o黎又有入口即溶o既感覺


朱古力粒特多, 簡直一啖一幸福!


依個muffin係我食過o既最好味的!








我同A先生搶食, 唔捨得放口




















前門一二號其實有得搭的, 不過單程票價¥20/人, 好貴o者!








大家估下依堆LOGO代表乜?


有d會笑死你





走了, 步行過對面箭樓, 參觀下先!








箭樓又叫正陽門











原來冇得參觀架, 只係可以穿過去














這個畫面, 如果配合埋雪景會更好








黃昏的日落很美麗








在隧道中有個叔叔擺檔幫人設計簽名, 我見王菲個簽名都有, 係咪真係佢設計架?














又是北京"特色"的LOGO








北京「特式」的設計, 只求實用, 不求美觀











((待續.....))