顯示具有 12 台北新竹雪霸遊 標籤的文章。 顯示所有文章
顯示具有 12 台北新竹雪霸遊 標籤的文章。 顯示所有文章

2012年5月6日 星期日

台北之旅-Day4【西門町爽按腳仔店】

Day4 (15 Apr 2012)

行完師大, 快快回西門町按腳仔!
Y小姐話有間好正o既按摩店, 價錢合理, 服務好~



成都楊桃冰, 創於1966年
堂食一碗上有桃肉, 買走一杯上, 用飲管飲。
飲落酸酸甜甜, 有D似沙巴桔仔冰, 但係佢酸好多, 我飲唔慣...





成都楊桃冰
地址: 台北市萬華區成都路三號(捷運6號出口旁)
營業: 不祥
電話: (02) 2381-0309
休息: 年中無休
推薦: 楊桃冰、李梅冰、鳳梨冰

一出捷運站, 落大雨...
依個時候, 我們帶的傘子終於大派用場了!
落雨都冇乜心機行, 拿拿聲返酒店CHECK-IN再出去按腳。







在幸福旅店渡過最後一晚, CHECK-IN時, 那個人又安排左棟樓層給我, 202房, 我話要非吸煙及安靜一點的房間, 佢就改左俾305我。



 


一開門, 同第一晚嘅感覺天壤之別@@ 間房超細, 基本上一行入去已經係床, 走廊窄到唔放送行李...
算啦, 都係瞓一晚。但係我地發現冷氣開唔到...叫人來換左個遙控, 都係唔WORK。
職員話因為房間已滿, 暫時換唔到房俾我, 要等晏d先。
冇辦法, 唯有出街先返o黎先算。





Y小姐帶左我去一間好正嘅按摩店: 皇家峇里健康養生會館
環境唔錯, 我地揀左65分鐘 腳底按摩+精油足浴+肩頸放鬆 NT$850





 


首先被安排去浸腳, d水起碼四十幾度, 超熱@@
忍一忍, 放入去, 去除疲勞勁放鬆~






浸左大概15分鐘之後, 有兩位師傅幫我地鬆骨5分鐘, 然後就帶我地去按腳部。



師傅好後生, 不過手勢幾好! 佢地仲同我地談笑風生!
Y小姐試過忠孝復興店, 皇家巴黎健康養生會館, 佢話手勢仲好, 不過網上面多人讚西門依間。

皇家峇里健康養生會館
地址: 台北西門町昆明街82號 (誠品武昌店/日新威秀旁)
營業: 上午10:00~凌晨03:00
電話: (02) 6630-8080
休息: 年中無休
網址: www.royalbali.com.tw/

按完腳, 我地要分別了......
Y小姐送完我去7仔之後就走, 再見, 多謝你陪左我幾日, 希望下次可以再相約在第二個國家再旅遊^^
去7仔, 順便買左少少宵夜返酒店食。


一邊食宵夜一邊等換房

 

執好房, 轉左隔離果間306俾我, 依間大少少, 但係一入去, 超大陣煙味...係濃烈!!!
明顯係剛剛食完煙...因為已經調完又調, 況且又冇房...唯有頂住先。



先噴止汗劑, 開窗, 開大冷氣, 然後去沖涼。
好彩, 沖完涼出o黎陣味散左好多, 今晚有覺好瞓喇~

 

 

 

講返間房, 依間房設施同之前兩間好唔同, 依度有電腦mon, keyboard, 雪櫃, 點解呢?
連個廁所都大過人

 

 


上一篇
台北之旅-Day4【快消失的師大夜市】
下一篇
台北之旅-Day5【橫掃手信街】




2012年5月5日 星期六

台北之旅-Day4【快消失的師大夜市】

Day4 (15 Apr 2012)

返到台北, 只係5點半左右, 比原定時間早左好多!!
最後一晚與Y小姐共聚, 去邊好呢? 本來想去士林夜市, 但係師大夜市即將消失, 同埋果度多D街行, 啱女仔d, 所以Y小姐帶我去師大夜市。
師大夜市在台電大樓站, 由台北車站坐過去4個站, NT$20


望住地下, 留意到依個排隊設計幾好, 右面排隊, 咁就唔會阻住車箱?乘客出來。
台北人普遍都幾守秩序, 佢地唔會衝紅燈, 搭車都係, 會讓人出先。(唔知返工放工時間係咪都係一樣)

捷運車箱每卡都設有4個「博愛座」, 禮讓給老幼傷殘嘅人坐。
Y小姐話, 即使在繁忙時間, 這4個位置都冇人坐的, 真係「合資格」
嘅人先會坐落去。
偶然都會見到後生仔坐, 但係多數都係香港人, 有次佢見到一對香港情侶坐低, 仲要講野大大聲, 成個車箱嘅人都鄙視佢地。

仲有垃圾分類, 台灣人都做得好好!
佢地會將廚餘同垃圾分開, 可燃燒和不可燃燒垃圾, 相比起香港只有藍廢紙黃鋁罐啡膠樽更高層次。
原因好簡單, 因為佢地從小學讀書已經要學垃圾分類, 咩垃圾燒得, 咩垃圾可循環, 佢地自細就曉。
嗯...香港發展得太發達, 反而公民教育方面仲有好多進步空間。






到左台電大樓, 這把頭盔造形的雨傘, 一看便非常喜歡!!!!!
因為B小姐係電單車迷, 所以特別鍾愛與電單車有關的產品~
不過佢唔係縮骨傘, 難返香港好麻煩, 所以最終都冇買到...




我唔帶腦袋跟住Y小姐行, 去到師大路105巷, 依條街都有d似前日去過的敦化南路一段161巷, 一樣好多時裝店, 精品店。






然後轉入師大路93巷, 有間精品首飾店都幾靚, 手工精細, 最緊要係價錢又唔貴, 值得一逛!




依間飾物店非常得!!! 賣的首飾好精緻, 連我那麼不喜歡戴首飾的都忍不住買了一隻戒指及一條頸鏈。
facebook.com/mangoccc


除左買野小店, 餐廳都好多間, 有異國風情的, 有台式地道的, 難怪她成為台灣人最喜愛的夜市啦!

Y小姐話依間鐵板餐好食




燈籠滷味, 係台灣年青人最鍾意嘅滷味店, 特別係師大學生啦~
老規矩, 先揀餸, 後付錢。我又擔當霸位的重任!


燈籠滷味內用得在裡面的紅茶店消費先得 樓上雅坐設最低消費NT$30/人, 不包括滷味~
飲品款式都幾多~
順便點了一杯我愛的胚芽奶茶, 好好飲! 


登登...滷味到! 超大盤呀!!!
味道不錯的, 想介紹兩種特別食物 1)豬血糕 2)芋頭糕(不確定是否叫這個名字)
豬血糕係台灣人最愛小吃, 但多年前試過一啖好難食之後就唔敢再試。
Y小姐叫我試多次, 
聞落好臭, 咬一口, 又係喎...口感似糯米, 唔係想像中咁難食。
芋頭糕, 晶瑩剔透的芋頭, 係由芋頭製成, 味道好特別, 唔知邊度食過, 但講唔出, 有芋頭香又有嚼頭, 好味, 好味!

 


燈籠滷味
地址: 台北西寧南路153號
營業: 17:00-02:00
電話: 不詳
休息: 年中無休



雲和街75巷 

也是逛街好地方




其實師大夜市還有好多好吃的, 順便上網search下都找到不少有用資料!

Q版立體地圖  由 逛街樂網站提供
超人氣!師大夜市美食地圖
[美食] 師大夜市美食地圖Part1



師大夜市交通資訊

公車路線:
可搭 3、15、18、74、235、237、278、662、663、672、907、和平幹線,在和平東路上的「師大」站或「師大一」站下車。

捷運路線:
1.搭至古亭站,從 4 號出口沿和平東路往師大方向走,步行約 10 分鐘即可到達師大夜市路口。 
2.搭至台電大樓站,從 3 號出口右轉往師大路方向走,步行約 5 分鐘即可到達師大夜市。


為甚麼師大夜市會消失??
出發之前已經見到最新o既旅遊書話師大夜市快消失, 已經cut左其內容。
咁問解會消失呢??依個問題真係眾說紛紜, 居住台北的Y小姐話我知, 原本台電大樓站附近係低密度式住宅區, 好寧靜。但係唔知幾多年前, 政府開始鼓勵帶動該區經濟及旅遊發展, 所以就批准小商販/小商戶進駐該區。 由於近大學, 近水流臺, 所以漸漸成為年輕人喜愛的夜遊景點, 越做越旺! 問題就來了, 因為名氣過大, 連遊客都連綿不絕, 該區o既住客就投訴太多人太嘈, 完全破壞了寧靜氣氛, 及打擾左佢地o既生活, 所以......政府就開始「做野」, 慢慢逼佢地遷離該區。
暫時師大夜市都仲存在, 不過唔知過幾耐之後佢會真正「消失」, 或者在新地方另起爐灶。