Airasia又有平機票：香港飛曼谷／吉隆坡

今朝睇報紙，Airasia又有平機票，香港飛曼谷／吉隆坡
每程連行政費都只係二百幾蚊，出發日期由１０月至到明年４月
又係時候搶票了！

訂位日期	: 2009年6月24日 - 2009年6月28日
出發日期	: 2009年10月1日 - 2010年4月30日

立即訂票：
http://www.airasia.com/site/ch/tc/home.jsp

國際旅遊展：世界各地的表演

之前說過我們在今屆國際旅遊展中，看過很多精彩表演，movie已經整理好了^^
錯過了的朋友，可以補睇番　已經看過的朋友，可以再回味啊^o^

最穩定的電訊公司「山」

自從「星期日」同「人仔」之後，已經好耐冇想掟電話的感覺
但今次，是有過之而無不及！
我唔明白．．．點解你收我咁貴，但係接收得咁差？
所以話，依個世界唔洗質素高，marketing 先係最 powerful o既賺錢工具

DIY 行程免費遊台灣 台中加碼送大獎

(資料來自: http://www.travelusb.com/DetailNews.php?id=AD4RZhEu)

自已 DIY

台灣夢想行程，就有機會有人請你去實現？台灣觀光局現正舉行「世界最棒的旅遊」徵選活動，自行組隊規劃超值、創意的旅行台灣 4

日遊行程，如成為獲選團隊，即可在暑假期間前往台灣旅遊，然後上傳遊記及精采影片，可領取觀光局提供的零用金，等同免費和你的隊友免費遊台灣！此外，更有

機會贏取「百萬獎金遊台灣」大獎，於下年再到台灣玩！

台中市政府更加碼送出獎金獎品，只要把台中市列入行程之內，即有機會贏獎金新台幣 10 萬元及住宿券。有體力與耐力、愛攝影、寫 Blog、當然還愛台灣的朋友，記得 6 月 30 日前在網上報名參加！

日期	6月30日前報名參加
日期提示	50 名錄取團隊於 7 月 10 日公布。獲選團隊需於 7 月 11 日至 8 月 31 日完成自己規劃的台灣行程，並於 9 月 30 日前上傳相關遊記及影片至活動網站，可領取觀光局提供每天新台幣 7000 元、最多新台幣 28000 元的零用金。「百萬獎金遊台灣」錄取優勝團隊於 11 月 15 日公告。
收費	參賽者不限年齡，需擁有個人Blog，每組最少兩個人，其中一位為台灣以外國籍身份。
連結	「世界最棒的旅遊」徵選活動

愉快的周末(旅遊展+挪亞)

周末的旅程真的非常快樂^^
天公非常的造美，令我們感到驚喜

旅遊展的表演很精彩，埃及的轉裙舞及肚皮舞，捷克的童話音樂演奏，北海道的肚臍祭表演，蒙古歌舞表演，菲律賓歌曲唱奏等。一個旅遊展，好像去了一個精華遊。

埃及的轉裙舞

捷克的童話音樂演奏，很美妙的旋律

北海道的肚臍祭表演

我拍了許多表演片段，有機會再找時間和大家分享。
另外，還聽了許多講座，用耳朵遊世界。

第二天去柏麗灣挪亞方舟，為免唔知醒，所以我們一早訂了如心海景酒店，距離前往柏麗灣的碼頭只需５分鐘路程。我們透過agoda訂房，扣除積分，一晚只需$370左右，真係抵。

我在要求欄寫了幾項要求：single bed，high floor，better view，non-smoking room
竟然由普通的double bed低層標準客房，榮升至60樓大床高級商務豪華客房
60樓...我們還是第一次住咁高......
仲高過萬景峰，有「大地在我腳下」的感覺。
今次真係賺晒！

當晚半夜俾雷嚇醒，外面雷雨交加，仲以為去馬灣實變落湯雞
點知．．．

第二日，天氣竟然異常地好！
這一刻我才知道，太陽伯伯原來好愛我的，曬到我怕左佢
搵日再同大家詳細介紹下挪亞方舟遊的感想

新航線：香港<－>斐濟(Fiji) $4888

Air Pacific由本年十二月開始新香港直航斐濟的航班。
逢星期四, 星期六對開一班。
$4888 香港<－>斐濟
此價錢已連稅, 比起以前先飛澳洲再轉機, 確實慳左好多!

Vaild for Sales:  form Now to 30 June 2009


Vaild for Travel: 03 Dec 2009 tp 31 May 2010



航班資料:


逢星期四 FJ317 HKG<->NAN 1705/0705*1


逢星期六 FJ318 NAN<->HKG 0855/1510

http://www.airpacific.com/

Fiji 斐濟群島共和國座是落於南太平洋的一個群島國家, 位於澳洲東面。
該國有許多島嶼, 賣點是陽光與海灘, 水清沙幼。
每年五月到十二月是旅遊旺季, 特別多澳洲人前往度假。

其實我都係最近先至認識這個國家, 仲有東加王國(Tonga), 都係南太平洋上一些很美麗的國家~ 因為偏僻, 可能對於香港人來說比較陌生, 世界真的很大呢!

舞照跳，馬照跑

幾番掙扎下...最後決定所有活動如期進行

6月13日, 國際旅遊展, 聽講座, 睇表演
6月14日, 挪亞方舟一天遊

網上買了方舟套票 $100

(可遊覽方舟花園、方舟多媒體博覽館、




珍愛地球館及方舟生命教育館)

希望一切順順利利 ^o^

去玩先o黎落大雨

本來打算星期六去旅遊展, 星期日去挪亞方舟玩, 但係......
一望個天氣表, 我呆左
點解??點解??點解...
點解個天要作弄我......嗚......

還記得今年生日的迪迪尼之旅......雨是大到不得了, 很多戶外遊戲都關閉了
卡通人物都全部休息, 冇得影合照
雖然我都過得很難忘, 很開心
但是......如果有太陽伯伯會更好啊......

寶石方塊

平時我好少打機的，每當我沈迷一隻GAME的時候......我都覺得自己非常浪費時間

打機方面我唔敢認叻，因為我真係好屎．．．
唯獨是這一隻，我真係未逢敵手（何來的自信？）

記者：「請問你憑咩咁大口氣呢？」
Ｂ小姐：「就憑我的１２５，３００分」
Ａ先生：「你好彩ｏ者」
Ｂ小姐：「比賽丫拿？=.=」

Ａ先生：「喂．．．你好似寫錯字bor！望o下上面」
Ｂ小姐：「唔．．．好意思，小女子不才」『是燃「燒」不是燃「消」...』

＊＊＊＊＊＊＊＊＊＊＊＊＊＊＊＊＊＊＊＊＊＊

我很喜歡玩寶石方塊的，ＭＳＮ　ｇａｍｅ的最愛！
反而我玩旋轉泡泡球是很弱的．．．（腦筋的問題）
最近facebook game有寶石方塊玩，我當然要湊下熱鬧啦～
不過這個１分鐘版本，難度超高呢．．．
應該話，要嬴，已經唔係靠實力，而係靠運氣
我還是喜歡玩msn版的Time mode

美味金枕頭

前幾日Ａ先生來我家探我，買左榴槤俾我食
係金枕頭，正呀．．．
人稱果王ｏ既榴槤，但係Ａ先生對榴槤係非常抗拒，
仲竟然用屎ｏ黎形容，真係不敬！
唔識欣賞ｏ既人，人生一大憾事也！
「嗚呼哀哉」我為他感到惋惜

第23屆香港國際旅遊展

ITE 2009 - 第23屆香港國際旅遊展
將會在本月舉行, 愛旅遊的你, 千祈唔好錯過呀~

日期:	2009年6月11至12日 (業界日)
	2009年6月13至14日 (公眾日)
地點:	香港會議展覽中心1號展館

開放時間：　　　　　　　　　　　　　　　　票價：


６月１３日（星期六）１０００－１９００　　＄１５


６月１４日（星期日）１０００－１７００　　＄１０

除了一次過獲得許多旅遊資訊或優惠外，最精彩的還有旅遊講座。
去年Ｂ小姐和Ａ先生去，偶然經過聽到芬蘭北極光之旅講座，聽得津津有味。

兩天都有不同類型講座設於不同時段，可以選擇心水的去聽啊！

詳情請瀏覽官方網址：
http://www.itehk.com/ITEHK/index.php?option=com_content&task=view&id=1&Itemid=2〈=tc

遲來的生日禮物

今早收到一個包裹，第一個反應是：「咦～邊個寄ｏ黎ｏ既呢？」
當我一看到熟悉的字體，便知道是好朋友Ｃ小姐寄來的了，
是Ｂ小姐的生日禮物呢^v^　我立即急不及待打開一看

嘩～～是一個顏色鮮艷的旅行袋，我非常非常喜歡呢～～

Ｃ小姐早前都透露過生日禮物是同旅行有關，真係好適合我去旅行用呀

我最喜愛是這個小鞋子，超可愛，是旅行牌來的^^

謝謝妳，我最好的朋友

西貢半天遊

今朝起身見幾好天, 下午4點幾, 突然提議同A先生去西貢逛逛~~

去到西貢已經6點, 天色漸漸昏暗

我地行下海旁, 玩下狗仔, 話咁快個天就黑晒!

今晚個月光好明亮!

我地肚仔餓, 進入海鮮區搵食

西貢海鮮好出名, 不過我地唔知邊間先至好食。
所以只好周圍行, 格下價, 睇下邊間合眼緣。

依間洪記犀利囉! 門面超大!
仲有一個勁大魚缸, 好似水族館咁!

門口放左d 史前生物, 供遊人參觀。其實我真係唔知依d係咩o黎......

千揀萬揀, 揀左依間「世興」, 就係因為佢平d同埋佢話自己有大蟶子。

龍蝦伊麵, 普通啦, 唔夠熱o者

扇貝得兩隻, 味道ok

所謂o既「大蟶子」, 原來只係個殼大! 俾人昆左。
雖然佢d蟶子係幾好食, 但係都感覺被騙!

椒鹽賴尿蝦, 我好少食, 因為我唔識剝殼架>.< A先生話好味~~

食完仲有飯後果, 都幾甜丫~

埋單$220左右, 算係咁啦~~

行返出去, 又見到依d「史前生物」, 今次多左好多人圍觀。

小朋友們都十分好奇要看看裡面, 好似裝人裙底咁

隔離個小朋友, 見到又有樣學樣
當A先生拎起條尾o既時候, 小朋友又伸頭去裝, 哈

食飽飽, 我們手拖手散步。沿著海旁, 一直朝碼頭反方向走, 看到遠處盡頭燈光閃閃, 想睇下係咩o黎, 所以我地決定行過去。

沿路行有一點微風, 有不少途人放狗。其實西貢都幾舒服的, 如果唔係遠d, 都幾好住架~~

行行下....我地竟然見到一堆唔應該出現o既野@@
估下係咩...?

係......「牛呀」!

點解無啦啦路中心會有牛架? 仲要唔止一隻, 係一群!
有公牛, 母牛, 牛仔, 一家大細坐係度抖涼。
隻牛個口仲o趙o趙下, 好似o趙緊香口膠咁! 好好笑

此班牛群, 引來好多人駐足觀看。實在有趣!

再向前行, 越過一條陰暗的小徑後, 就到左我地o既目的地。
原來依度叫「海灣燒烤大王」, 有得BBQ架!

出面有個私人沙灘, 環境唔錯

我見食物種類都幾多, 有人燒蝦tim!

行到尾, 終於找到收費表
其實都唔貴喎~~~
以咁o既價錢, 咁o既環境

依度仲可以帶狗狗入場架, 不過狗狗當然唔可以食入面o既野啦

本來仲想食糖水, 但係已經好夜了
我地即刻行返出去搭車
有時咁樣行下即使半日都幾好架~