禦寒裝備: 雪褸篇

關於禦寒裝備, 除左裡面保暖, 外面擋風都好重要!! 尤其去落雪o既地方, 如果唔小心俾d雪滲左入內層衣物, 就算你著幾多衫都會寒入心。

雪褸篇

成日聽人講「哥踢屎」, GORE-TEX® 其實係乜?? 

GORE-TEX®是一種獲得專利技術製造的布料, 許多戶外休閒品牌都會生產這個技術製造的外套、褲或鞋。GORE-TEX 布料的防水程度可以承受每平方英吋達六十五磅的水壓、這種水平已超越了美國和英國軍用防水衣物標準。更重要的是這種防水能力能長久保持。保護功能在一平方英吋的GORE-TEX布料（薄膜）上就有90億個微細孔。水分子比這些微細孔大2萬倍，因此水不能穿過布料。

記住! GORE-TEX 係唔保暖架, 佢只係防風防水! 真正保暖的, 來自 羽絨 / 綿 / 抓毛 內膽, Trap住你D體溫。至於3合1, 2合1, 即係一件褸由幾層組成, 外層防風, 內層保暖。

本來都掙扎左好耐究竟買唔買GORE-TEX!

但有親GORE-TEX物料做o既衫, 價錢都會超貴...

跟不是GORE-TEX®的價錢可相差一千以上。

牌子有好多, 究竟有咩分別? 唔同國家出, 同埋唔同布料囉。

除左GORE-TEX之外, 查實仲有n咁多o既技術都一樣係做到防風防水!

其他品牌的分別

9月頭上戶外城睇, 下面係從sales口中得知的知識 (純粹分享)

法國品牌Eider, GORE-TEX羽絨膽賣緊$22xx

Columbia自家研發的"Omni-heat"系列雪褸, 款式多, color靚, 但標價$2999, 即使買滿三千蚊八折左之後都要$2400

另外一件芬蘭牌子o既Naall, 都唔係GORE-TEX, 賣$17xx。

Traveler係加拿大牌子, 戶外城獨家代理, 佢介紹左件, $12xx。

(仲有好多好多好多, 世界各地牌子多到數唔晒!)

唔同牌子, 唔同布料, 但功能一樣!

其實我自己鍾意Naall多d, 因為顏色靚d, 佢質地仲挺身d, 但係價錢差五舊...

Traveler果件, 摸上手好薄, 質地好似唔覺佢防到水咁!

我問Sales, 可唔可以倒d水落去試下, 佢話可以, 仲真係搵左少少水倒落去俾我睇@@

d水珠真係在上面流動!! 勁sin水, 當然, 佢o既防水功能主要係靠底層果塊膠, 所以即使面頭塊布真係有少少濕, 都唔會入水的

上網睇睇, Traveler依件係由"TORAYDELFY"物料做o既!

日本TORAY公司 "TORAYDELFY" 防水防風防寒透氣衣料

乃美國/加拿大滑雪隊，官方指定用衣料

防水度及透氣度都10000mm

一般防水尼龍的防水度只有1000-2000mm，只能承受一般驟雨；較佳者5000mm，可以承受豪大雨
裡面件羽絨仲可以拆出來當另一件衫著，一物兩用。

$12XX, 算係幾抵玩

如果屋企已經有羽絨褸，可以齋買一件有防風防水功能o既外套，幾舊水有交易，一樣可以做到保暖效果。

所以話, 唔理黑貓、白貓, 捉到老鼠就係好貓; 唔理GORE-TEX唔GORE-TEX, 保到暖就係好褸XD

即場買, 仲做埋VIP。

大出血.....

但買唔到喜愛的紫色, 只有黑色

除左雪褸, 我仲買左Magic Cap, 依個聽網友介紹超好用, 可以當圍巾保暖, 又可當面罩擋風! 雪地凍唔緊要, 但如果凍+大風就大鑊! 寒風吹面係刺痛的。百幾蚊一個, 買埋A先生果份。

阿Boo做model示範其中一個戴法

因為入會送$150 coupon, 而且要下次買滿$300先用得, 搞到買埋其他野即時用左佢。除左Magic Cap, 另外仲配左幾對羊毛襪。