北歐極光夢想之旅@Day16.1 Copenhagen 旅遊中心

Day 16.1 (2013-2-18 Mon) Copenhagen

〔行程：信不信由你博物館 –> Strøget大街 –> 健力士世界紀錄博物館 –> 神秘探險 –> 圓塔 –> Tiger –> Netto 超市 〕

〔住宿： Clarion Collection Hotel Mayfair〕

今早第一站先去Tourist Information Centre先。
除了有免費旅遊資訊及地圖派發外，仲有住宿、購物、餐廳介紹。

再見，Yahoo Blog

今日同友人回到家，打開 facebook,，駭見「Yahoo Blog 將要執笠」的消息瘋傳。
我多麼希望今天是愚人節

其實我知道這個消息，心裡是非常非常傷心......
立即要開返首 ”每當變幻時" 嚟聽下，頂！好應景......

雖然我明知依一日始終都會來臨，要走的始終都會走，逝去感情如何留得住，半點痴情遺忘殊不易，更多悽悽慘慘的遭遇，我不知道......
但我真係接受唔到「呢一日」竟然咁快......

北歐極光夢想之旅@Day16.0 早晨！哥本哈根

Day 16.0 (2013-2-18 Mon) Copenhagen

〔行程：信不信由你博物館 –> Strøget大街 –> 健力士世界紀錄博物館 –> 神秘探險 –> 圓塔 –> Tiger –> Netto 超市 〕

〔住宿： Clarion Collection Hotel Mayfair〕

尋晚抵達Mayfair，食完個晚餐就休息。
介紹完房間篇及晚餐篇，今日該介紹早餐了。

今早天氣似乎麻麻地呢，有雨粉

北歐極光夢想之旅@Day15.2 丹麥 Clarion Collection Hotel Mayfair

Day 15.2 (2013-2-17 Sun) Stockholm to Copenhagen

〔行程：Stockholm Lidl超市 –> 中央火車站 –> Stockholm to Copenhagen by SJ Train –> Clarion Collection Hotel Mayfair 〕
〔住宿： Clarion Collection Hotel Mayfair〕

丹麥，全球最快樂既城市。踏足第一天，即感受到丹麥人的熱情與快樂！酒店職員非常健談，跟我們談論起北歐文化，看得出他們都好快樂，真心熱愛自己的工作。Mayfair是一間好好的Boutique Hotel，雖然房間面積不大，房裡冇雪櫃又冇熱水壺，但精緻的裝修，細心的服務與窩心的小細節，都令人印象深刻。位置非常好，從中央車站步行過來只需5分鐘，是旅程中最方便的酒店。晚餐食品精緻又好味，侍應非常細心又健談，讓我們渡過了一個愉快的晚上。

北歐極光夢想之旅@Day15.1 搭火車去丹麥 (Stockholm to Copenhagen by SJ Train)

Day 15.1 (2013-2-17 Sun) Stockholm to Copenhagen

〔行程：Stockholm Lidl超市 –> 中央火車站 –> Stockholm to Copenhagen by SJ Train –> Clarion Collection Hotel Mayfair 〕
〔住宿： Clarion Collection Hotel Mayfair〕

一早食完早餐，出去Lidl超市買少少乾糧，返酒店Check-out後就準備離開。

到達中央車站時，突然下起大雪。好彩我們早出門，又避了一劫。過境火車是SJ，不是T，不過由metro central station也可以從站內通往。火車站有得寄行李，每次最少24小時，由65Kr up。最大的locker看似不夠放兩個喼，自己衡量值唔值喇。由Stockholm去Copenhagen，沿途風景的確不錯，有湖泊，山坡，平原，小木屋，配上白雪，有點北芬蘭的感覺。不過我相信夏天來應該會更靚，因為冬天整個色tone也是黑白灰，望得久會感覺差不多！

北歐極光夢想之旅@Day14.4 斯德哥爾摩最後晚上

Day 14.4 (2013-2-16 Sat) Stockholm

〔行程：斯坎森戶外博物館–>北歐民族博物館 –> 華沙戰船博物館 –> 中央火車站 –> Drottninggatan 大街〕

〔住宿： Tegnerlunden Hotel〕

已經來到Stockholm最後的晚上，時間過得真係好快。

之前諗到好耐，究竟應該在瑞典過2晚還是3晚？好多前輩話丹麥surprisingly咁多野睇，值得逗留長ｄ時間，所以計劃就定為：瑞典3日2夜，丹麥4日3夜，然後就搭飛機返香港。因為我地比較遲起床，所以早上的時間都不撥入玩樂時間中，係少左時間玩的。暫時感覺瑞典玩3日2夜都勉強夠，正確ｄ嚟講應該係Stockholm，因為地鐵方便，景點集中，尚算能去晒所有重要地標及博物館。但是如果時間充裕，建議可以Spend多一次兩日去下外島，即係尋日Tourist Centre的姐姐介紹的Vaxholm，真係好吸引。至於丹麥，玩埋之後再報告吧。

返到中央車站，我地在地鐵站裡的店舖行左一陣。

北歐極光夢想之旅@Day14.3 華沙戰船博物館 Vasamuseet

Day 14.3 (2013-2-16 Sat) Stockholm

〔行程：斯坎森戶外博物館–>北歐民族博物館 –> 華沙戰船博物館 –> 中央火車站 –> 中央火車站〕

〔住宿： Tegnerlunden Hotel〕

斯德哥爾摩博物館之旅：第三站 華沙戰船博物館 （Vasamuseet）

又是說西史的時間，以前西史唔合格，什麼十字軍、咩國家打咩國家等等，我通通都已忘記。追溯到十七世紀，1626年，有位好英明嘅國王古斯塔夫二世，深明海軍的重要，下令建造「華沙號」超級戰船。

北歐極光夢想之旅@Day14.2 北歐民族博物館 Nordiska museet

Day 14.2 (2013-2-16 Sat) Stockholm

〔行程：斯坎森戶外博物館–>北歐民族博物館 –> 華沙戰船博物館 –> 中央火車站 –> Drottninggatan 大街〕
〔住宿： Tegnerlunden Hotel〕

斯德哥爾摩博物館之旅：第二站 北歐民族博物館 Nordiska museet

北歐的冬季博物館很早關門，所以要好好分配時間。
參觀 斯坎森戶外博物館 Skansen 大概用了2小時，跟住我地就搭電車過一個站來到 北歐博物館。

一到步，超宏偉啊！是文藝復興的建築風格。佢令我諗起 Harry Potter 的魔法學校。

北歐極光夢想之旅@Day14.1 斯坎森戶外博物館 Skansen

Day 14.1 (2013-2-16 Sat) Stockholm

〔行程：斯坎森戶外博物館–>北歐民族博物館 –> 華沙戰船博物館 –> 中央火車站 –> Drottninggatan 大街〕
〔住宿： Tegnerlunden Hotel〕

斯德哥爾摩博物館之旅：第一站  斯坎森戶外博物館（Skansen）

斯坎森戶外博物館（Skansen）是全世界第一個體驗戶外生活的主題公園，座落於瑞典斯德哥爾摩動物園島上，是歷史最悠久的戶外民俗博物館。博物館於1891年由亞瑟·哈茲里烏斯成立，旨在展示瑞典各地在工業前的生活，過百棟北歐傳統的平房，有民居、農舍、磨坊、學校、教堂等等，全部都係真實「遺址」。還有一些小屋展示及介紹傳統手工藝如「吹玻璃」、織布、印刷等等，非常有教育意義，值得一看。

北歐極光夢想之旅@Day14.0 美味的早餐

Day 14.0 (2013-2-16 Sat) Stockholm

〔行程：斯坎森戶外博物館–>北歐民族博物館 –> 華沙戰船博物館 –> 中央火車站 –> Drottninggatan 大街〕
〔住宿： Tegnerlunden Hotel〕

今日係Stockholm博物館日，將會遊覽3個著名博物館！
出發之前，先在Tegnerlunden Hotel享受了一頓令人滿足的早餐。

其實早餐係唔洗特登開一篇寫嘅，不過B小姐是很重視早餐這一環的，因為這個早餐給我們的印象很深刻，至少到現在都大半年了，仍然記得那蒸蛋的味道，諗起都想食

大坳門上的銀河

B小姐自從買了一部微單眼之後，開始享受攝影的樂趣。
雖然技巧非常幼嫩，都是亂來，但每次完成一張自己覺得滿意的相片都很有成功感。
尋日天清氣朗 (其實這幾天都係)，跟一班志同道合的新朋友一齊去影銀河

放工趕去將軍澳，快速食個便飯之後就打的入西貢大坳門。
一到達，wow！抬頭望即看見滿天星斗，已經好耐冇在香港見過咁靚嘅星空了。



自小對星空有一份「情意結」，特別是流星、銀河，令人著迷！
可以靜靜地看星其實是一件很幸福的事情。

北歐極光夢想之旅@Day13.8 斯市遊地鐵河

Day 13.8 (2013-2-15 Fri) Stockholm

〔行程：Stockholm Terminal –> Tegnerlunden Hotel –> Drottninggatan 大街 –> 舊城區Gamla Stan –> 諾貝爾博物館 –> 皇宮 Kungliga Slottet  –> 斯德哥爾摩大教堂 Storkyrkan –>  觀景台〕

〔住宿： Tegnerlunden Hotel〕

Day13 都幾長，寫到第八篇都未完。
因有太多細節位想詳細ｄ紀錄，所以唔想在一篇內概括晒。

上回講到九點幾唔想返屋企，然後提議「遊地鐵河」。
原因是：據聞斯德哥爾摩ｄ地鐵站設計好特別，每個站都有其「主題」。
最出名的有分別以天堂跟地獄為主題的 Vreten站 & Solna Centrum站。
所以我地決定要走訪各個斯德哥爾摩地鐵站，拍攝各個不同地鐵站的景緻。

橫掂我地買左Stockholm Card可以免費搭地鐵，梗係用盡佢唔好嘥＄，大拿拿七百幾蚊架
Ａ先生反對我做此無聊行為，但短期內都唔會再嚟，就俾我放肆一次啦。