2009年5月10日 星期日

台中11天環島遊@Day 7 【台南嘔到七彩,趕去高雄跨年】(上集)

2008年12月31日

第二朝一早,身體很不適,很想嘔。
其實臨出發來台灣之前我已經唔舒服,帶病出發。
可能食得太雜,感冒菌又未清,所以導致嘔吐大作。
已經延遲到1:00pm才出發,但下的士後,我便在附近坑渠嘔吐~_~
嘔完整個人虛脫了,面青口唇白,胃又痛...
但是一場來到,不可能因為我一個人,而連累A先生冇得食的!





望著這個蝦卷和魚丸湯,我真是一點胃口都沒有
不過,A先生對蝦卷的評語是:「沒有特別,不吃也沒損失」


圓了周氏蝦卷夢,下一站便是「依蕾特布丁」,在周氏蝦卷隔離。
書中形容布丁非常軟滑,有保溫袋可以保存8小時,是港人近期喜愛的手信之一。


都幾多人排隊呢~~
發現有好多人更是專程駕車過來買,一買便是一打or兩打,很大手筆!


布丁有好多口味,分奶酪系列及田園系列


我們買了鮮奶原味及可可味,不過因為我嘔到「死死下」,不能即時品嚐。
支撐不了,所以需要終止行程回酒店拿藥及休息。



運河區美食圖,心水就是這兩間。
不過周氏蝦卷不推薦,就剩下依蕾特這間。值不值得去,視乎你是否喜歡吃布丁。
我和A先生覺得超好吃,若有機會再來,我們還是會專程去買的!
況且運河區在赤崁區&安平區中間,附近也有不少特色食店,有時間路經這站也是一個好選擇。








返回酒店,因已check out,所以只能坐在大堂的沙發上休息。
先是吃止嘔藥,就這裡閉目養神,不知不覺睡了個多小時,醒後感到好一點,但是胃仍十分痛,於是吃多一粒止痛藥。

感覺好一點,A先生問我吃不吃布丁,「當然吃!」我答得非常肯定。
就算嘔到死,我都要吃,我這個貪吃豬應該是無藥可救了,哈!





大概3時半,我們再次出發!
時間無多了,我們要爭取最後機會前往景點~還有怒吃小食

台南的士有GPS衛星導航系統,真係先進@@


「呷霸白北魚羹」,在台南很出名的。

白腹魚羹,清甜味美,B小姐頗喜歡這個味道 (NT 50)


喝完魚羹,我們到隔離店飲冬瓜茶。
「義豐冬瓜茶」,又是另一必到的老店。

冬瓜茶很清熱,味道有點像涼茶。吃得多熱氣野,買杯降下火也不錯。


第3站,就是「石精臼點心城」,我們專程來喝排骨湯的


看看餐牌,其實有很多特色美食,而且價錢超便宜


店內的環境殘舊,吊扇,摺檯,摺椅,十分大排檔 feel~



冬瓜排骨酥湯,排骨果然很鬆化,一咬即化開,但略嫌多左d油 (NT 40)


來到台南,不能不吃棺材板!
不過這家的棺材板,味道太甜,「棺材」倒炸得很脆 (NT 45)

胃口不太好,很怕再嘔,所以只是淺嚐。
食飽飽,我地就去台南最出名的文化古蹟 - 赤崁樓

赤崁樓是荷蘭人於明代所建的普羅民遮城遺址,
是現時台南最具代表的名勝,現已列為國家一級古蹟。


入場費:NT50/位

步進赤崁樓,看見一個鯉魚池。
我發現凡是富有中國特色的建築物,都會伴有一個鯉魚池。


對歷史建築沒甚研究的我,只覺得這座赤崁樓很美麗。
細看之下,才知道它的歷史故事。
不過我已經把歷史忘記得一乾二淨,哈!
好似是跟鄭成功有關的


反之,A先生就好用心地探討當中的故事,男孩子都是對中國歷史文化有較深的興趣吧上圖是打仗時不同的戰船模型,每種船都有不同作用的啊,可以運用不同戰術~(如果我有講錯,有請A先生出來更正)


我不懂建築美學,總之覺得好美便是了!


從赤崁樓上望下來,是一片綠油油的園景



我們沒有吃赤崁樓擔仔麵,看旅遊書知道那裡裝修很有特色,很值得去。
位置就咫尺之距,大家去赤崁樓的同時不妨順道尋訪一下。
其實附近還有很多「好野」食,在旅遊書應該不難找到的~

探訪完赤崁樓這個必遊點,我們便要趕著去下一個「景點」
就是大名鼎鼎的「度小月擔仔麵」


原來餐牌價錢唔貴,台南俾我地感覺都係食野好平,所以真係好抵玩!


他是度小月第二代傳人,擔仔麵是在現場即叫即整的 :D


擔仔麵的建議食法是:先聞其香,飲一啖蝦湯,然後再把湯料跟麵條撈均
跟住已經唔洗講,梗係食緊啦~
d湯有好濃郁o既蝦味,秘製肉燥又好味,後悔冇買一樽返香港


老闆仲送左隻魯蛋俾我地食,真係抵晒哪

其實,台南景點豈止那麼少?
還有安平古堡,延平老街等...
我們沒有到安平區,因為我今早做了嘔吐寶寶...  (想一睹嘔吐寶寶的風采,請到AABB真心畫)



食完擔仔麵,我們又要趕路!
我們要趕去高雄,迎接2009的來臨^o^

台中11天環島遊@Day 7 【台南嘔到七彩,趕去高雄跨年】(下集)



2009年5月9日 星期六

尋幽探秘在中環


今日陪A先生去中環剪髮, 因為我地對中環o既路都唔熟悉, 順便o黎個尋幽探秘旅程。


出發前, 已經背晒地圖。話你知, B小姐有「人肉地圖王」之稱, 對於地圖, 望下就會入腦。而且任何地方, 去一次就記得, 去兩次就已經好熟。

首先第一站係去剪頭髮先, 上網搵左好多, 聽人介紹中環Oscar剪得幾好, 好多人都大讚, 所以我地就試一試! 去到睇個裝潢同價目表, 好似好貴咁喎......死啦, 之前冇問定幾多錢tim! 死就死, 剪完先算! Oscar係一個後生仔, 講野好有禮貌又斯文, 佢剪得好細心, 當A先生個頭係藝術品一樣。剪左一個鐘左右, 就剪完了。剪得好好睇喎~~更surprise o既係, 佢只係收$108乍! 超抵~~


剪完頭髮, 我地就去tea一tea。我地去左士丹利街的檀島咖啡, 叫左蛋撻, 一個tea set, 加多一杯奶茶。A先生係奶茶怪,

佢對奶茶o既要求好高! 每次去食野, 佢就會品評d奶茶沖得好唔好。而我, 都鍾意飲奶茶,

但我條舌頭就冇佢咁勁了。我覺得大快活o既奶茶已經好好飲。依度o既奶茶好好飲, 有茶味又有奶味, 口感好濃, 入口好厚好滑,

大快活果d根本比唔上, 同埋佢落一包糖已經好夠味。我係糖怪, 從來飲熱飲都會落超過兩包糖, 但係依度竟然唔洗~~蛋撻酥皮o黎講幾好~~不過因為我同A先生都係鍾意曲奇皮多d, 所以冇話特品鍾意。


至於個tea set, 叫左雞扒撈一丁。d蔥油好正, 令到d丁麵好香。我覺得好好味, 唔覺唔覺就食晒! 雖然好多人都讚蘭香園, 我地都食過, 但我覺得依度好似好味d喎~~

食飽飽, 我地就開始我地o既探險旅程。


一定唔少得行石板街啦, 這裡是遊客區, 有好多得意野賣。
估唔到連夏威夷o既草裙都有, heehee。


依度有好多攝友專登o黎取景影相。


不知不覺就行到中環警署


我地向左不斷行~


行完又兜返落去, 哈, 我地已經唔知行左去邊了~~


來到了酒吧區


畫廊


依間餐廳叫「撒哈拉沙漠」, 唔通係食非洲菜?

常常覺得香港人好幸福, 只要有錢, 哪個國家的菜都可以食到。中環有好多特色餐廳, 畫廊, 酒吧等, 充滿異國文化色彩。


除左異國靚餐廳, 中環又有舊式鐵皮麵檔, 真係新舊文化交融之地。


行返落山, 我地看到一間專賣刺繡的店舖, 可以用針線繡出一幅畫, 有d老虎被繡得栩栩如生, 真係好勁!




拉斯維加斯之狂想曲



2009年5月8日 星期五

入選大富翁2009香港區選拔賽

今日收到個電話...佢話我被抽中參加大富翁2009香港區選拔賽^___^
好開心呀!!!
聽到依個消息果一刻...我個心卜卜咁跳
入選就有機會架哪, 雖然機會只係1/150...
要成功淘汰咁多個參賽者, 過五關斬六將都唔係易事!

5月17號
我會努力比賽架哪!
如果嬴左, 就可以代表香港去拉斯維加斯參加世界大賽...
再嬴埋, 就可以得到十六萬獎金...
(腦海不停幻想中...)
哈哈...我真係發緊夢

大富翁我玩過幾次, 印象中賽果成績都幾好
不過我地個玩法有少少唔同...例如...坐緊監係唔可以收租等
但係原來正宗玩法係可以架!
要刨下參賽規則先得哪

大家祝我好運啦^_^