青島之旅 Day1.1 出發喇！

Day1.1 (2011-4-8)

行程: 香港機場-->青島機場-->海爾洲際大酒店-->花石樓-->八大關-->公主樓-->雲霄路美食街-->酒店

一個青島賞櫻之旅, 因為依篇報導 青島：櫻花花期再推遲, 晴天霹靂, 變左青島「冇」櫻之旅。算啦, 反正已經係不能改變o既事實, 只怪同櫻花冇緣份。於是乎...今次o既青島之旅就變得更加冇壓力, 係真正隨心o既自由行~

4月8日, 班機10:40起飛, 過往o既經驗話我知, 唔洗咁早到機場都得! 所以今次我就遲半個鐘出門口。點知, 搭車途中收到港龍個sms, 話班機要delay半個鐘。Oh!

去到機場, 大概9點鐘左右, 我地第一件事就去check-in。
正當排緊隊之制...有個服務大使走埋o黎教我地用自動check-in系統, 幫我地撳
點知......竟然冇晒連位! 係竟然!
真係咁耐以o黎從來未試過......仲要我地係咁早去到機場喎......

後來個姐姐安慰我, 叫我去左櫃檯睇下地勤同事可唔可以幫我地轉到孖位
結果...梗係唔得啦! Sigh......好彩上到機上面咁o岩搵到人肯同我地調位乍!

登機同起飛都幾準時!

新台中旅遊書！

好耐之前, 有間出版社問我可唔可以借出台中的旅遊相片版權,
佢地會送返本書俾我地以示答謝。事隔幾月, 我今日, 終於收到本書喇\(^o^)/

好開心, 本書印刷好精美, 裡面o既資料亦非常詳盡!!!!!!
雖然我冇份寫, 但係我都要忍唔住幫手介紹一下~

望著漂亮的圖片, 詳盡的旅遊攻略, 不禁令我回味返台中遊的快樂時光~
拿起書本, 好想而家就再去一次台灣!

相片授權提供, 係由無數個單位合力慷慨解囊,
AABB有幸成為其中一個, 真係覺得好榮幸, heehee~
如果大家對依本書有興趣, 就去各大書局搵下啦~~


書名: <<優悠活力闖蕩Easy GO! - 台中>>
作者: 高俊權
出版社: 跨版生活
定價: HK$68 NT$340
http://hk.myblog.yahoo.com/crossborder-book

$18,760起馬爾代夫5日3夜套票

<旅遊編輯評語>


賣點：酒店於4月初全新開業，屬頂級Resort品牌。家入住不但可搶飲頭啖湯，更有3送1優惠，價錢仲平過其他舊 Resort，有機場至酒店接送，另包每日早、晚兩餐，再慳多三千五﹗

---

住宿：3晚5星級Six Senses Laamu


航班：新加坡航空


膳食：包每天早餐及晚餐


出發日期：4月29日至5月11日


機票有效期：3個月


稅項及雜費：約$2,500


備註：4月22日至5月2日出發，機票附加費$400


查詢：安達旅運 2316 1600

A201開學, 新老師Joëlle Marie

話咁快, A201又開學!
估唔到今次唔係Eric教, 係新老師教
oh...Eric係一個好好的老師, 有d唔捨得tim~
不過換個角度睇, 我地聽慣左Eric o既口音, 如果轉下其他老師, 可以聽多d唔同口音, 對聽力都有幫助啊!

新老師叫做Joëlle Marie, 係一個女人。學左咁耐法文, 第一次係女Miss教~
佢把聲幾清脆, 可以清楚地聽到佢o既說話, 只係有d生字唔明白o者。
佢講野盡量九成法文, 一成英文, 不過佢會講得好慢o黎就我地, 而且某d字眼仲會重覆1~2次。整體感覺幾好~~

同學方面...有幾個同學冇報到, 但係就多左好多新同學加入!
聽聞6:30pm果班開唔成, 可能因為咁, 所以其他同學轉晒o黎依一班~
同學一共12個人, 6個係原班升上去, 6個插班生~

青島自由行3天行程

青島之旅仲有幾日就出發, 真係話咁快! 依幾日我都好努力, 在網上不停搜尋資料。得3日咁少, 今次依個自由行應該真係幾「自由」。

由於未去過當地, 又未知天氣情況, 所以都行程只係保守估計, 結果編左以下依個行程:

青島3天行程：

Day1 10:40起飛﹑13:50到達青島﹑洲際酒店Check-in﹑八大關(花石樓﹑公主樓)
Day2 中山公園﹑小魚山﹑信號山﹑迎賓館(5:30pm close)
Day3 啤酒博物館(8:30am-5:30pm)﹑14:55回程

青島賞櫻攻略

青島的中山公園據說是國內櫻花種植最密集的一個地方

說起櫻花，據稱青島是除日本之外，櫻花種植最密集的一個地方，有兩萬多株。

中山公園至今已有90餘年的歷史。原址為會前村村址，有村民360餘戶，多以漁業為主。其中最富特色的是從日本移植的2萬株櫻花，形成了此園特有的景色，並逐漸成為以樹林、果園、花木為主的公園，後取名為“森林公園”。為紀念中國民主革命先驅孫中山先生，於1929年5月更名為“中山公園”，沿用至今。

置身粉色童話世界

青島主要旅遊景點概覽（超詳細，必睇）

青島之旅下星期便出發, 由於坊間的青島旅遊書實在太貧乏了, 所以我在網上不停搜尋資料。花了一整天時間, 終於嘔心瀝血集結了以下景點! 我會繼續努力增加多 d 架喇~希望幫到自己之餘...又幫到大家啦~
P.S.我特地為以下的景點加了星星評分, 顯示它們的「必去」程度! 這不能代表所有人, 但也應該貼近香港人的口味吧! 若然我去完返o黎發覺有變, 我會更改返星星的數目。



青島主要旅遊景點概覽

青島的交通非常發達，只要你想去的地方，就會有公交車。因為青島的景點基本上是沿著海岸線的。以下是順次序排出來的景點：

棧橋》天主教堂》總督府》基督教堂》迎賓館》信號山》海軍博物館》魯迅公園》小青島公園》青島海底世界》青島水族館》康有為故居》第一海水浴場》匯泉廣場》中山公園》青島山炮台遺址》八大關風景區》湛山寺》五四廣場》海豚表演館》海濱雕塑園》石老人觀光園》雨林谷動物園

1. 花石樓 ★★★★1/2

花石樓又稱「蔣介石公館」、「提督行宮」，是八大關中最著名也是最有代表性的一棟別墅，據說是1932年由一位俄羅斯人修建，用花崗岩和鵝卵石建成，故得名花石樓。
 
票價：8.5元。開放時間：8：00~18：00
※ 地址：青島市市南區黃海路18號 (第二海水浴場東端)。※ 交通：乘公車26、31、206、223、304、311、312、316、317、321、501、604、801、802號「武胜兰路」站 下車。