雲南之旅Day3.5 麗江古城

Day3 30May2011(Mon)

麗江古城

幾時先到麗江古城的中心? 依個水車就係地標!

前文講過, 麗江古城有800年歷史, 被列入世界遺產之一!
不過隨住科技發達﹑社會進步, 曾經來過麗江o既人都話「今非昔比」!
麗江變左好多﹑古城都變左好多, 變得商業味濃, 已失去了舊日的味道...
再過多幾年, 真的不敢想像!

其實中國發展一日千里, 唔只麗江, 仲有桂林﹑北京﹑山東﹑長江三峽等...都不斷變緊, 過多10年, 可能中國已經唔係以前果個樣貌......一方面登佢開心, 因為證明國家開始富強起來, 人民生活改善; 但另一方面又覺得好可惜......

五星級洗手間

被譽為「五星級的廁所」, 導遊興奮地帶我地o黎依度, 算係一個「景點」! 佢話入面非常乾淨冇臭味, 仲有VCD睇。廁所入面睇VCD? 唔係~~原來係門口等緊o既時候可以睇住電視o者。

見到依個標誌, 開心到似執到金!
在五星級廁所入面, 座廁只有一格, 都好珍貴架~

如廁後感想: 在這個「五星級廁所」裡面, 我找到座廁, 好感動! 雖然係冇味, 係幾乾淨, 但導遊未必誇張左少少...如果依個係「五星級廁所」, ​ 咁IFC果個應該係「七星級」。

見到好多靚披肩, 好想買!!!
不過導遊話聽晚仲有時間行, 叫我地而家跟住佢行先!

行到一半, 天色越來越差!
有舊大黑雲, 似乎即將落大雨!

冇耐, 就巴啦巴啦落勁大雨!
當時雨勢凶狠, 好似香港黑雨咁! (有片為證)
但係導遊同領隊仍然叫我地繼續向前行...



仲有幾耐呀? 唔知呀, 只見到不停向前行, 鞋子都入滿水﹑褲管都濕透了!
行行下, 仲要上山!? (有一堆石級)
已經開始有團友鼓譟了!
但係導遊同領隊沒有理會, 仍然叫我地繼續行~

盡管雨下得那麼凶, 我仍然把握每一個snap shot o既機會!

d鞋好似幾暖, 但唔知幾多錢

一班麗江小朋友在看卡通

東巴觀景台

明明話好快, 行左15分鐘, 我地終於上到o黎東巴觀景台。

依度環境唔錯

我地被帶到上層的房仔, 安頓休息

來依度o既目的係嘆下午茶, 不過大家都勁鼓譟, 批評導遊及領隊判斷力差, 安排失當等, 邊有心情嘆茶? 年長的團友們都好嬲! 你一句﹑我一句, 都明o既...因為大家淋濕晒, 又冇衫換, 大家都怕冷親。不過我地幾個後生女, 就比較平靜。出o黎玩大家都唔想天氣差, 只不過我地揀錯月份o黎, 又唔可以怪人...看得出導遊同領隊經驗不足, 又沒有默契, 不過嬲咪箋令自己唔開心, 不如用另一心情去享受下周圍環境。
正所謂:「天不轉, 人轉; 人不轉, 心轉」

依個東巴觀景台景色真係好靚!!! 可以望到成個麗江古城全景!

麗江古城全景

如果要行晒整個麗江古城, 足足要行「三日三夜」先行得晒!
證明依度有幾大! 同埋好易蕩失路!

如非落雨, 在這裡嘆茶一定更好feel~~

坐左一陣, 大家嚷著要離開。
經商討後, 我地先行去食飯, 再返酒店!

超大雨

四方街有間郵局, 可以在此寄明信片返香港

記得大理有間櫻花屋嗎? 麗江依間就係總店喇

自己很喜歡的一張相, 很有feel......

導遊話我地知, 5-10月係麗江o既雨季, 幾乎每天都會下雨, 而且下午下得比較多。




如果不想下雨, 可以選擇12-4月來, 幾乎天天都是天晴, 藍天白雲。



七星庭風味餐

今餐叫做七星庭風味餐, 在新天地酒樓內享用。

今餐飯係大家食得最沉默的一餐。
冇胃口左全日, 我反而覺得今餐好好味, 食左好多。







((待續......))