馬爾代夫出差記@Day2.1 早晨的 Amari Addu Maldives

Day2 (24 Aug 2011)

瞓醒了~ 咁就過左第一晚, 係咪好蝕呢?
所以我會建議, 如果你要去馬爾代夫係夜機到達嘅話, 即使即晚快艇可以到, 都在馬里住返晚先!
抖足精神, 第二朝先入去resort, 咁你就可以玩盡每一分每一秒!

尋晚好似行雷閃電落大雨, 但我瞓到隻豬咁乜都聽唔到!
尋晚黑媽媽, d相都睇得唔清楚, 再影一批日抖嘅! 下晝我會再影第三輯, 仲靚d架~

Amari Addu Maldives (舊名: Herathera Island Resort)
以下相片都係未裝修之前, Amari會將d房進行大翻新, 陣間有示範單位睇~

房間可以直接出露台, 原來一出去就係沙灘喇~

露台有兩張沙灘椅, 兩張坐椅, 不過私隱度唔算太高

沙灘望返間屋, 門口有個好似winnie the pool嘅蜜糖兜, 其實係裝左d清水, 俾你去完沙灘入屋前洗腳嘅~

今日天色麻麻地, 太陽都冇

沙灘好污糟, 好多海草呀!

無論係望左

定望右, 都係圍晒海草! (遠處果個就係尋晚落船嘅碼頭喇!)

每間房門口都泊左部單車, 俾住客隨時用。
因為依個島好大, 好長, 如果靠行路, 真係會腳軟架~
單車上面仲有埋房號, 你鍾意踩去邊都得, 嫌攰唔想踩? 求其放喺一邊, 就有人幫你送返去間房架喇, 超貼心~

尋日講過餐廳其實好近, 所以我地沿著沙灘慢慢行去餐廳食早餐。
餐廳附近有好多day bed, 好正呀.....

尋晚見到嘅泳池

餐廳裡面, 基本上全程早午晚3餐都在此解決

同尋晚個景一樣, 只係光左, 同食嘅嘢唔同咗。早餐都係好少選擇, 今日都係唔記得咗影食物相!

食完早餐再出海灘行陣, 見到一班婦女在打掃, 清潔海草。

跟住我地就要開始 Island Tour, 遊覽成個島一圈!
在餐廳旁的area集合, 準備出發!


下一篇

馬爾代夫出差記@Day2.2 Amari 環島遊 (上) - 餐廳﹑酒吧﹑Water Sport Center