「北海道人氣芝士撻」BAKE！

「北海道人氣芝士撻」BAKE

上星期五放工去銅鑼灣SOGO Nine West 買鞋，再順便去試近期最Hit的「北海道人氣芝士撻」BAKE！本來諗住過左一個月，又係放工時間，應該冇咁多人喇卦......點知條隊都仲係水蛇春咁長，搵左一陣先搵到龍尾。

BAKE起源於北海道札幌市一間洋菓子老店KINOTOYA，軟心之士餡料由三種芝士配搭而成，當中包括北海道函館產輕味芝士、別海產濃味芝士及法國產鹽味忌廉芝士。撻皮方面，BAKE用上港人喜愛的牛油曲奇餅底，為了讓它更鬆脆，師傅特意用上「二重燒製法」，先燒脆曲奇餅底，後加入芝士慕絲再燒焗。

我地由7:30pm排到9:00pm，足足排左1小時30分鐘，買了半打試，一打開已經聞到好香芝士味，個餅皮烤得好脆，芝士味好濃，非常軟滑，不過要好小心食如果唔係好易流到周圍都係。同美心果個比，依個Size細個小小，但好食好多，芝士層次豐富d，而且唔覺得漏，如果熱小小仲好味。

BAKE
地址：銅鑼灣祟光百貨地庫B2
價錢：$20/1, $110/6

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

平價版 美心「芝士撻」

美心集團近日在灣仔開左間 Cake Lab，是高級版的「美心西餅」。已經好耐無食過美心d包，又貴又唔好食，d包又凍冰冰，同十幾年前個味道差太遠了......但係依間 Cake Lab 有驚喜，因為佢地有開放式工場即製新鮮麵包糕點，當中大受歡迎就係「芝士撻」。

芝士撻賣$14個，新張期內買五送一，即係$70半打。買過半打請同事食，大家都一致好評，個餅皮夠脆，芝士餡好流心，味道不錯，但略嫌多左少少檸檬味。有同事話好漏，食完一個好飽，anyway，唔洗點排隊，又平平地試下過口癮都Okay。

Maxim s Cake Lab
地址：灣仔安康商業大廈地下2號舖
電話：2529-4249
價錢：$14/1, $70/6