新加坡航空公司「6星級優質服務」

前幾個月去新加坡，順道探望一位住在新加坡的朋友，聽他分享星航(新加坡航空)Singapore Airlines的成功之道。星航一向出名服務好、舒服，但係好在哪裡呢？親身感受過就會明白。

我朋友說：「星航的空姐有年齡要求，只會請20-25歲的，一超齡就會調佢去其他崗位工作；所有飛機機齡都係5年內；空服人員一定要笑容好，EQ高。」其實唔單止係星航，新加坡政府都要求市民所有嘅車齡都唔可以超過5年，盡量將碳排放減到最低。如果超過5年，就要賣左架車買新車，舊車會被賣去其他亞洲國家。

星航空姐出名EQ高，舉個例子，朋友說他曾經在飛機上看到一名空姐不小心倒瀉杯水落一位男乘客身上，那名乘客大發雷霆，無論空姐怎樣道歉都無用。最後主管要求該名空姐跪低向佢道歉，仲幫男乘客洗乾淨件西裝外套，第二朝送返去男乘客入住的酒店。聽完我都嘩嘩聲，其實佢地冇必要咁做，只係倒瀉杯水......同埋個空姐都唔係有心嘅，但係星航又真係做到依種質素嘅服務，真心令人佩服。難怪佢越做越好，成為最受歡迎嘅亞洲航空公司，已經聽過唔只一個人話星航好坐。

今日在facebook上看到這篇讚賞文，再次回憶起朋友說的故事，所以想同大家分享。做得好嘅值得廣傳，希望其他航空公司都可以效法，令航空事業更上一層樓。(利申: 小妹搭過一次，覺得架機幾新淨，空姐服務唔錯，同埋RQ seafood meal條魚好好味，杯白酒好好飲。如果有機會都想再坐)

分享完畢，謝謝觀看。
明天出發去台南3日，回來再發文。Bye Bye~

有關「飛行里數免費Upgrade」的懶人包

因為工作關係，經常遇到客人問有關「飛行里數」upgrade的問題，每次聽到都覺得好頭暈，咁多間公司，真係好難記得晒邊間訂咩Class的Econ位可Upgrade做Business。

雖然我地沒有責任為客人查詢及處理 有關「用飛行里數 Upgrade Business」的問題，除非客人有俾服務費我地幫佢做。但由於太多人會多口問，而這絕對是一門非常高深的學問，去年我把心一橫一次過將有關資料整理好，希望這個懶人包可以幫大家更快搵到答案 (例如要訂咩Econ Class可以upgrade到Business)。**資料只供參考，一切以航空公司官網公佈為準**

布吉我來了^3^

上個月 Hong Kong Express 做 MEGA Sale $32優惠，順勢買左布吉嘅機票1月同男友慶祝周月紀念！

去程  UO1765  HKG-HKT  01:50-04:35
回程  UO764    HKT-HKG  02:55-07:20

講真，時間真係麻麻地，每日兩班機都係凌晨機去凌晨機返，辛苦到嘔......
不過兩張機票包埋去程1 x 25KG，回程1 x 30KG行李，盛惠$1945，二千蚊有找，算係咁啦。

上次去過布吉只係做嘢，都冇出去玩過，今次一定要玩返夠本^^

已經Confirmed左酒店喇，兩間都係新開嘅精品酒店，非常期待！

Kata Rocks Resort & Residences

http://www.katarocks.com/

Keemala

http://www.keemala.com/

新居買床褥記

很快便搬新居，在考慮該買哪一款床褥。
咁啱今期《選擇》月刊講床褥，正呀！

朋友介紹海馬，亦有人講金美夢，聽講雅蘭都唔錯，睇完消委會做嘅測試報告之後，我地最後買左宜家IKEA嘅【HYLLESTAD 獨立袋裝彈簧乳膠床褥, 特級承托】由而家至10月26日做緊優惠床褥有85折，折左之後5呎售價$4326.5。

揀佢嘅原因係：

帶媽媽遊台東宜蘭花蓮 - 網誌全記錄

帶媽媽遊台東宜蘭花蓮 - 網誌全記錄
行程日期: 2014年6月28日至7月1日

行程準備篇

沒有。第一個沒有怎樣計劃的旅程，因為4天都包車，所以只是訂好了酒店，路線及景點都交給司機導遊安排，很爽啊！

住宿篇

花蓮 - 阿魯娃藝宿館 http://www.aluwa.com.tw/
宜蘭 - 晨露庄 http://www.thedew.com.tw/
台北 - In House Hotel 薆悅酒店 http://inhousehotel.com/zh-tw/

遊記篇

Day1.0  重新出發！
Day1.1  出發！五個女人一個墟
Day1.2  花蓮清水斷崖/七星潭/洋基牧場餐廳
Day1.3  花蓮民宿「阿魯娃藝宿館」
Day2.1  花蓮太魯閣國家公園
Day2.2  花蓮「明山餐廳」農家風味及手工桂花雪糕
Day2.3  宜蘭人氣「羅東夜市」
Day2.4  宜蘭超讚民宿「幸福三百米．晨露庄」
Day3.1  宜蘭梅花湖
Day3.2  宜蘭傳藝中心
Day3.3  宜蘭伯朗咖啡館
Day3.4  台北精品酒店 In House Hotel 薆悅酒店 (西門町)
Day4.1  台北伴手禮「香帥蛋糕」

消失了的灣仔「飯堂」

B小姐好為食，對食有一點要求，雖然自問唔係咩專業食家，唔識好似蔡生咁用好豐富嘅形容詞來描述ｄ食物，但舌頭最誠實，好食就好食，唔好食就唔好食，冇下次。多年來累積了心目中的「飯堂」List，試過好食會翻兜，仲會介紹俾朋友。

自2010年起五年來一直都在灣仔返工，見證著這區的食店變化&興衰起伏。睇住好味的飯堂執了一間又一間，真係好心酸......最初係在地鐵站隔離的嘉華茶餐廳，裝修好陳舊，睇佢個樣都應該做左好多年。佢個早餐同午餐都好抵食，最愛佢的肉餅飯餐，夠正氣又有住家飯嘅感覺，自從佢執左之後暫時都搵唔到代替品，好可惜。後來在某次機緣巧合下，找到友膳坊，係蘭杜街一間標榜全無味精嘅小菜館，佢個每日老火例湯真係令人回味，迅速成為中式飯堂首選，可惜丫，今年都頂唔住執左，可能該區鬼佬多，唔鍾意食中餐啦。三滝海鮮刺身丼專門店，我&同事都一致認為佢係灣仔最好的日式刺身飯便當專門店，唔記得2011定2012年開，刺身飯由$5X蚊至$7X蚊，便當包裝精美，壽司飯軟硬及酸度適中，刺身非常新鮮，後來加價加到$6X蚊起，仍然覺得物有所值。跟住係一間壽司店，叫Yuyu Sushi，位於灣仔船街，係一間好出色嘅壽司店，魚生新鮮，款式特別！自從試過一次之後便愛上左，大時大節喜慶日就會去幫襯，每次水準都Keep住，店員又友善親切。記得最後一次幫襯係2013年中，果次食完臨埋單，個店員話好彩你嚟得早，下星期我地唔做喇。「下？唔做？係執定搬呀？」「我地會搬呀，搬去中環」「中環邊度呀？」「近威靈頓街果頭」聽到佢搬真係好可惜呀......咁以後灣仔去邊度食壽司呀？不過都好彩係搬啫。今日突然想食壽司，上Openrice搵下香港區的壽司店，見有d Comment好好，但係好多都係新晉食家、入門食家寫，有d假假地......當一個平台變得商業化，公信力就會大大減低。即係好似果d乜乜頒獎禮，乜乜乜十大最佳乜乜食店等等，都係Marketing作怪。唔係一定唔好，可能間公司只係透過依ｄ方法而令更多人知道佢嘅好，只不過未必係真「十大」囉，可能有更多用心經營嘅小店沒有budget宣傳，堅持默默做好本份。每當遇上了這些「清泉」心裡就會覺得好感動，同埋希望佢地可以繼續做落去，唔好執，please！

曾經聽過一句說話：「真正好味嘅食店只會在朋友間口耳相傳」，本人很是認同。如果信網上平台，不如信朋友。

好喇，聽我發完一輪up風，都只係一時間有感而發啫。仲未諗到今晚食乜好......(sad)
下一回談論下灣仔嘅拉麵店先。

「北海道人氣芝士撻」BAKE！

「北海道人氣芝士撻」BAKE

上星期五放工去銅鑼灣SOGO Nine West 買鞋，再順便去試近期最Hit的「北海道人氣芝士撻」BAKE！本來諗住過左一個月，又係放工時間，應該冇咁多人喇卦......點知條隊都仲係水蛇春咁長，搵左一陣先搵到龍尾。