上個月已經知道眾安街開左新甜品鋪, 前幾日去開荃灣, 同A先生入左去試
我地去之前只係食左個麵線仔，正餐冇食就食甜品，好似有d本末倒置喎
可能晚飯時間, 所以唔係好多人
個餐牌都幾多野食
我地叫左招牌甜品：甜心同法式焦糖燉蛋，老闊介紹的
法式焦糖燉蛋, 以為係熱食, 原來係凍的~
小B覺得個焦糖層做得又薄又脆, 燉蛋甜度適中, 夠軟滑，好有蛋味，好好味
另外有一兜生果, 店員話, 食完燉蛋食生果, 感覺清新d
生果都ok新鮮, 不過同張相比, 細兜左少少bor...
甜心其實係椰皇椰汁西米湯圓~
椰皇裝住椰汁西米露, 配合熱辣辣的花生芝麻餡湯圓
配搭得好好, 出奇地好味~
依度o既湯圓係兩種餡都有, 味道異常出色
而且湯圓皮十分軟滑, 煙煙un un, 講真, 真係好耐未食過咁好味o既湯圓
椰皇都係好野, 椰肉好鮮甜
總括o黎講味道好好, A先生好鍾意, 佢話甜度夠, 果肉新鮮
唯一美中不足o既係個椰皇是凍的, 所以上桌時入面d椰汁唔夠熱, A先生都係彈依樣囉
但係同左老闆講之後, 佢都即刻叫廚房拎番d椰皇出雪櫃
接受意見願意改變, 值得加分~推！
今餐食左$50蚊，咁o既質素我地認為係好抵的！
其他野都好似好好味咁, 下次會再試
希望佢能夠keep住水準啦～
明師傅有電話外賣服務的，住荃灣區的朋友真係有福哪
不過我偷聽老闆娘同客人講，好似夜晚過12點後唔送的
記住打電話去問清楚哪！
沒有留言:
張貼留言