行程: 天安門->故宮->王府井大街->花家怡園->鳥巢+水立方->煙袋斜街->什剎海
上回講我地坐北京tuk tuk來鬼街, 唔洗10分鐘就到, 證明個司機真係呃我地錢呀!
上次我地塞左9個字車都只係三十幾個大洋, 但係佢渣10分鐘就有三十大洋
咁正o既水魚邊度搵? 咪我地囉!
今日晚餐係鬼街o既花家怡園(四合院)店。
其實鬼街又叫簋街,位置於東直門內大街地鐵站。
簋街是北京最長、最著名的食街。
鬼街,係俾「夜鬼」食宵夜o既地方,長1500公尺的街上,兩旁90%以上都是各式餐飲店,蔚為奇觀,而且大部份都通宵營業,晚上11點過後最熱鬧,是北京夜生活最旺的地方。因為鬼鬼聲唔好意頭,所以取同音字「簋街」,又有美食的意思。
四合院店o既意思, 係因為入面真係由一個四合院改建而成!
首先要經過一條長長的走廊
這就是四合院的平面圖
活海鮮o既臨時居所
因為早o黎同埋我地訂左位o既關係...所以仲有位
不過因為我地太遲打o黎book(其實我已經早一星期book),所以冇得坐四合院中間, 不能清楚地睇表演
四周都散發著四合院的味道,不過那些聖誕快樂的裝飾掛牌好像有點煞風景
碗筷都很精緻呢~~
菜單印刷很精美
因為遊客好多,所以不單此圖文並茂,連菜名都有中英文對照
餐牌有好多野揀,碟碟都好吸引,仲有d好得意o既tim
以上依碟雞仔點心就是了
真係可愛到唔捨得食佢落肚
首先我地叫左壺水仙嘆下 ¥40/壺
跟住我地就一邊嘆茶,一邊等食!
「花家菜」屬於新派北京菜,集各省之長於一身
可以在這品嘗到川、魯、淮、粵各幫各派菜系的特色,乃主人花雷先生所獨創
上菜哪!第一碟菜係 話梅小排 ¥48
這個菜很精緻,話梅汁同排骨配合得天衣無縫!
個汁真係好正!不過排骨呢,就普通d~送飯食就最好不過!
怡園霸王雞 ¥38/半 ¥58/全
號稱客人點擊率最高
這是一道特別的涼菜,雞肉質地鮮嫩,搭配的是味道又香又辣的芝麻醬,雞肉下面放蔬菜,雞肉上麵放有麵條,還有其他配菜。咁特別o既食法係邊個諗o既呢?其實有段故架!
話說梅艷芳02年曾到訪,指明要食雞,不過白切雞太淡,口水雞太辣,佢希望食一種介乎兩者之間的菜式。因為咁,廚師設計出一道新菜:冰鎮三黃雞配麻辣汁,梅艷芳食完此雞後,還另點蔬菜﹑麵條等,放入剩餘汁料整成冷麵,品評「此雞霸道」,故名為「梅姐霸王雞」。
隻雞真係好正!不過我地太貪心了,叫左個¥58/全,食唔晒...
麻辣小龍蝦 ¥6/隻
簡稱「麻小」,幾乎每一家簋街的餐館都會有這一道菜。
睇落好似好辣,但係食落又唔係好辣,只係麻,都幾惹味,不過冇咩肉囉~
不過依d小龍蝦都係唔好食咁多!因為唔知個貨源係邊!
如果係深圳就大大獲了...據網上e-mail流傳,這種小龍蝦是飲污濁水大的,體內藏滿毒素,多吃無益,甚至會中毒。
霸王花煲龍骨 ¥68/煲
跟住上個湯,超正!超正!超超正!
我同A先生都非常鍾意飲湯的,每次北上都會點老火湯飲~
這個霸王花煲龍骨,好味到呢...真係唔識形容!
霸王花煮到好淋,軟軟地,好似食菜咁
整個湯吸滿龍骨精華好入味,好飲!
依度起碼有8碗以上,但係我地都清晒!一滴不漏,哈哈...
炸鮮奶 ¥28
跟住到重點推介菜式,這是我生平食過晒好味的炸鮮奶!
睇下個樣,粒粒脹卜卜
皮脆,少油,d粉漿處理得好好,你見到d鮮奶係中間果層同粉漿保持距離,隔左一層空氣,層次分明口感分明。鮮奶餡,更加好味得無話可說!
碗豆黃 ¥18
著名的北京點心,原本是民間小吃,後來傳入宮廷中,因慈禧很喜歡吃而聞名。
來到這裡,我們已經好飽了...
但係都要食,試下慈禧喜歡o既味道!
望落係咪好似椰汁糕d朋友呢?但係咬落口感完全是兩回事!
有少少入口即溶feel,唔煙韌的,都唔似泰國o既斑蘭糕o者!
味道甜甜地,有豆味,唔係好識講,有機會親自o黎試下啦 :)
因為尋日司機o既一句說話,我地冇食到八爺烤鴨,因為佢話花家怡園d烤鴨唔得
不過而家有少少後悔...因為八爺烤鴨係花家o既招牌菜
這是四合院的正中位置,可以睇表演
我影相o既時候咁o岩中場休息
食到7點,我地都飽到郁唔到...
真係正,咁早就食完飯,之後大把時間玩~
埋單了,睇下食左幾多錢先!
(其實d價錢我都係憑記憶,可能有+/-10的出入,不過總數肯定冇記錯啦!)
麻辣小龍蝦 ¥6/隻
霸王花煲龍骨 ¥68/煲
炸鮮奶 ¥28
霸王雞 ¥38/半 ¥58/全
話梅小排 ¥48
碗豆黃 ¥18
茶 ¥40/壺
¥296
每人¥150,都算幾抵啦~
要一讚是依度服務好好,一個侍應釘3張台,保證服務周到貼心,有求必應。
而且佢地唔興收小費架,找左4蚊我俾個侍應,但係佢硬係唔要塞番俾我。
這種態度香港飲食業應該好好學習。
花家怡園(簋街)
地址:北京東城區東直門內大竹街235號
電話:(8610) 64051908 / 64030677
(溫馨提示:記住一定一定要訂位!大時大節最好早半個月以上訂)
最好的位置是四合院正中,可以要求安排
我仲記得我上年4月就係住係花家怡園的後邊, 行過去勁近 而且我都有食你食過既雞呀, 真係超級十萬個好食呢... 麻小就一般, 我都覺得佢地唔知點養佢而少食為妙喇...
回覆刪除[版主回覆01/24/2010 10:56:00]咁你有冇食八爺烤鴨呀? 我冇食到, 好後悔...
我都無食到呀...其實係唔知有呢個出名送添... 哈哈哈哈~ 咁我就有機會及藉口再去多一次喇...
回覆刪除[版主回覆01/24/2010 21:22:00]北京好似你個鄉下咁, 幾時都可以搵籍口去啦~~
wakaka, unfortunately, BJ is not my hometown le... However, I will go back within 5 years maybe...
回覆刪除請問有無訂位電話?謝!
回覆刪除[版主回覆02/28/2010 22:42:00]花家怡園 ( 簋街 ) 地址:北京東城區東直門內大竹街 235 號 電話: (8610) 64051908 / 64030677