2009年1月3日
今朝一早, 旅館職員就morning call我地上去國蘭食早餐
我地除左訓果間房唔同之外, 享用的服務是跟國蘭住客冇分別的
食早餐o既地方跟晚上一樣, 今日陽光充沛, 先睇真依度係咁靚~~
依度o既早餐普普通通啦, 冇咩野食, 都係尋日個晚餐正d!
食飽之後, 我地就周圍逛下, 影下相。
職員姐姐同我地講, 有客人check-out左, 待職員執好房後, 就可以俾我地泡湯1小時。
依度景致係咪好日式呢? 因為依度係日本人開的, 所以無論佈置, 定係格局都有和風味道。
日本的狸貓神舍
依度一間間的, 就是溫泉旅館, 每間都是獨立的
旅館入面都養左一d小動物
等左半小時, 就有人帶我地去泡湯。這間房是我地原本住果間o黎架~~
入到去, 比我想像之中冇咁靚, 心諗: "而家有得退番個差額, 住唔到都唔係好大捐失o既。"
房間介紹短片
http://www.youtube.com/watch?v=bcWcLtXKO5c
d水出得好慢, 但係我唔知點解會有凍水出而又冇得關的, 令到d溫泉水唔夠熱,
等左好耐d水先滿, 當我地臨落去浸之際, 發現旁邊有d制,
有一個制, 按下去會有神奇的事發生!
按摩浴池戲法短片
http://www.youtube.com/watch?v=fzr6wYkSOMw
浸左半個鐘左右, 就換衫走, 職員車番我地落去執行李, 然後就送我地落村口搭車。
依度民風純樸, 令人幾舒服, 如果可以留耐d就好了~
依度有好多特色手信同特產賣, 完全冇時間, 想睇下都唔得
等左一陣, 往高雄的客運就來了。
我們差不多是最早上車的, 之後有很多中途站, 乘客越來越多。
我問司機, 高雄邊度站落, 高雄火車站, 佐營高鐵站都有,
原本我地諗住去高雄火車站轉台鐵返台中o既~~全程大概2.5小時左右。
但係...由寶來搭返去高雄, 已經要2個幾鐘, 再搭多兩個幾鐘去到台中已經天黑!
於是我地決定去佐營高鐵站搭高鐵返台中。
部車比預期中快, 2個多小時就來到高雄佐營高鐵站,
跟住我地買左14:30 o既飛, 15:13就到台中, 真係快!!!
雖然兩個人要三百幾牌港紙, 真係好貴, 但係慳返咁多時間, 都值得o既~~
高鐵佐營站好宏偉, 其實有d似機場架
第一次搭高鐵, 睇下夠唔夠錢先~~
百幾蚊張飛, 真係好貴
高鐵車廂內十分舒服
洗手間都好乾淨
摺疊餐桌背面印有整個車廂的設施, 邊度有廁所, 邊度有電話, 一目了然
有個好可愛o既小朋友坐在我地隔離, 佢不停對鏡頭笑及擺V手勢
哈, 佢真係好得意呀, 逗得我地好開心
我在車廂買的零食^^
高鐵便當, 好似好吸引咁~~
去到台中烏日高鐵站, 我地轉乘台鐵去台中火車站。
這部售票機很複雜的, 真係考起我地。
買票成功!
鐵道員走過兩個月台之間的通道
台中的太陽餅, 去到邊都有分店
台鐵好快, 15min就去到台中火車站。
我地打算搭的士去金樺大飯店(今晚入住的), 點知個司機收我地勁貴!
我地唔信咁貴, 就走去後面問其他的士, 點知個司機叫其他的士唔好載我地,
真係豈有此理!!! 於是我地唔受佢氣, 決定搭巴士! 哼! 真係諗起都嬲!
城市人d的士佬都係衰d o既!
跟住我走左去旅遊中心問路, 佢教我地搭XXX(唔記得左幾多號)號巴士,
我地去到就即刻有車, 真係順利。
上到車, 我問司機可唔可以在仁愛醫院叫我落車, 司機話冇問題。
我驚佢唔記得, 已經特登選擇一個近司機o既位置o黎坐。
點知睇下睇下出面d路, 覺得好唔對路, 點解咁耐都未到o既?
跟住我仲見到間酒店經過左@@
然後我問司機, 「請問仁愛醫院到未呀?」
司機竟然答我, 「過左哪喎!」
「過左??? 咁係咪之後會有站再經過架?」
「唔會架哪, 部車一路去, 唔會返轉頭」
有冇搞錯呀!?!!?! 又話叫我落車, 而家又玩失憶
司機都係靠唔住架>_< 激死我, sai晒d時間!!!
跟住我地落車, 截左部的士, 搭左果一陣, 佢都收我地NT120
台中搭的士真係貴...
兜兜轉轉, 都係要搭返的士, 而且仲浪費了大半小時......
終於來到金樺大飯店。
這間酒店俾我感覺好似嘉義中信大飯店一樣, 好老土。
大家價錢差唔多, 但我覺得拓程商旅好佢十倍。
如果唔係貪佢近中華路夜市, 我都唔會揀依間酒店。
安頓左之後, 都已經5點幾, 我地就坐的士出去玩。
下一篇
