高雄墾丁老友鬼鬼之旅 - 網誌全記錄

高雄墾丁老友鬼鬼之旅 - 網誌全記錄
行程日期: 2013年3月27日至31日

出發前

B小姐旅行團之「老友鬼鬼遊墾丁高雄」

行程準備篇

「老友鬼鬼遊墾丁高雄」5天行程安排
「墾丁的魚」墾丁包車旅遊
有關台幣兌換
台灣3G電話卡 無限上網

住宿篇

墾丁靚民宿 「埔頂641-3」 (六-八人海景庭園別墅)
高雄85大樓『85藍海』租屋主題套房

遊記篇

Day1.0  出發！首次乘中華航空
Day1.1  恆春古鎮好好味午餐 ~ 義成土魠魚焿
Day1.2 九級刺激!!! 九棚沙漠大腳車(吉普車飆沙)
Day1.3  滿州港口吊橋
Day1.4  墾丁自然奇觀 風吹沙
Day1.5  曼波泰式餐廳 + 墾丁大街餐廳介紹
Day2.1  龍磐公園
Day2.2  墾丁最南 鵝鑾鼻燈塔
Day2.3  砂島 看珍貴貝殼沙
Day2.4  船帆石
Day2.5  恆春古鎮食食食 - 飽到想死美食團
Day2.6  真人版「Mario Kart」賽車
Day2.7  墾丁白砂灣 浪漫夕陽
Day2.8  關山日落 恆春八景
Day2.9  墾丁大街夜市 - 狂掃街頭小食
Day3.1  高雄美味Lunch 阿嬤古早味
Day3.2  騎電動車遊 西子灣旗津魚港
Day3.3  南華觀光購物街 (新興夜市)
Day3.4  六合夜市掃街
Day4.1  滿味香美食Brunch
Day4.2  高雄義大世界 希臘情境主題樂園
Day4.3  高雄人最愛 瑞豐夜市
Day4.4  高雄 足藝泡腳會館
Day5.1  高雄「牛老二」牛肉麵
Day5.2  高雄鹽埕埔 駁二藝術村
Day5.3  最後一站 高雄機場 華航A330-300體驗

最後一站 高雄機場 華航A330-300體驗

Day 5.3  (31 March 2013) 高雄半天遊: 駁二藝術村, 18:50搭飛機返香港

行程: 牛老二牛肉麵Brunch－駁二藝術村－機場－高雄去香港

每次旅程, 最最最唔捨得就係離別的一刻......
縱然唔係第一次來, 但走o既時候都係好唔捨得!

離開, 是為了回來!

高雄鹽埕埔 駁二藝術村

Day 5.2  (31 March 2013) 高雄半天遊: 駁二藝術村, 18:50搭飛機返香港

行程: 牛老二牛肉麵Brunch－駁二藝術村－機場－高雄去香港


高雄鹽埕埔  駁二藝術村

整個藝術區由多個巨型倉庫組成, 有d似北海道的小樽運河, 倉庫內不時舉行藝術展覽, 假日街頭又有藝術家表演, 足以消磨大半天。第一次來, 我們都極喜歡這裡, 到訪時剛舉行以「字」為題材的展覽, 無論畫作還是藝術品都以「字」來貫穿整個設計, 很有趣! 藝術村附近還有不少特色小食, 值得花時間來嚐嚐啊!

高雄「牛老二」牛肉麵

Day 5.1  (31 March 2013) 高雄半天遊: 駁二藝術村, 18:50搭飛機返香港

行程: 牛老二牛肉麵Brunch－駁二藝術村－機場－高雄去香港


高雄牛肉麵  牛老二牛肉麵

來台灣一定要吃牛肉麵, 唔知點解, 這裡的牛肉麵特別好吃!
高雄也有唔少好吃牛肉麵, 有一家在三多商圈, 我每次來都要吃!
佢叫「牛老二」, 唔好誤會以為是吃「牛老二」的專賣店, 其實完全沒有關係。



它也屬於古早味老店吧! 有時喜歡台灣的小食店, 更喜歡是它的懷舊環境, 沒有空調、只有風扇, 那用上30年的圓形木枱跟充滿鐵锈的圓櫈, 都令人感受到歷史的味道。

高雄 足藝泡腳會館

Day 4.4  (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

足藝泡腳會館

逛完夜市, 我們對腳都很累了, 突然看到「泡腳按摩」的廣告, 今次輪到我地班女仔雙眼發光! 幾天旅程真的累壞了, 好想好想按摩, 腳底按摩+肩部+頸部+背部+泡腳+熱敷+搥腳  只要350元, 班男仔對按摩完全冇興趣, 達達和阿Bob累了, 想回酒店休息, 但我們又怕危險, 結果阿銘留下來陪我們, 好偉大啊!!! 在瑞豐夜市近少少有間「鄧老師按摩店」, 好似在墾丁也見過, 不過價錢貴好多, 我們沿著「足藝泡腳會館」的廣告走到來昆侖街, 就座落在暗角中。我們沒有預約, 等了30分鐘, 因不想阿銘等太耐, 所以我們只能join這個「腳底按摩+肩頸背手部40分鐘 350元」

高雄人最愛 瑞豐夜市

Day 4.3  (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

瑞豐夜市

瑞豐夜市是我和A先生蠻喜歡的夜市, 因為裡面很大很多美食~ 今次我們都有發現新驚喜! 要好好介紹給大家~ 瑞豐夜市營業時間: 逢星期二、四、五、六、日 (週一及三休息) 地鐵巨蛋站步行約5-7分鐘

假日的瑞豐夜市係超乎想像咁多人!!! 令我感覺到好似在香港行年宵咁!
太難逼入去了, 我們好快就失散左~

高雄義大世界 希臘情境主題樂園

Day 4.2  (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

義大世界

義大世界, 如果只計樂園部份, 其實還細過香港迪迪尼。樂園有47個玩樂設施,當中不少也墈稱「全台之最」, 但其實三份一也是適合小朋友玩的, 只有三個「超級玩意」,而樂園中強調的「希臘悄境主題」聖托里尼山城也是比想像中迷你好多!

前往義大世界, 可乘地鐵到左營站再轉乘接駁客運。單程票價NT$37, 車程約30分鐘, 每隔20分鐘就有一班車。詳情: http://www.edabus.com.tw/

滿味香美食Brunch

Day 4.1  (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

滿味香美食 Brunch

昨晚太夜瞓了, 我們今日個個都唔願起身, 竟然過份到11:30才集合食「早餐」!
昨天試過「阿嬤古早味」, 今天又鑽探暗巷尋訪隱世美食, 試了一間較現代的「滿味香美食」。看門面大概估到是食排骨和拉麵的地方。

高雄85大樓『85藍海』租屋主題套房

高雄的酒店, 平均比台北便宜, 選擇多D又乾淨D!
之前住過新堀江城市之星, 冇得彈! 3星級的價錢, 5星級的服務。
今次試試其他新酒店!


高雄85大樓『85藍海』租屋主題套房
在高雄最高地標85大樓內, 進駐了不少服務式住宅及民宿, 全部都價錢便宜, 但質素又不比酒店輸蝕。85藍海是其中一間比較大型的Apartment, 多達四十幾個房間, 全部都有獨特設計主題!

「酒店Lobby」位於12樓, 房間則分佈在其他樓層, e.g. 19/F, 24/F。

六合夜市掃街

Day3.4 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房

六合夜市

南華觀光購物街 (新興夜市)

Day3.3 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房

美麗島站  兩個夜市

是晚要去兩個夜市, 分別係新興夜市及六合夜市。眾所周知高雄有兩大知名夜市, 1為六合夜市, 2為瑞豐夜市, 另外還有其他冇咁出名的如勞工夜市, 新興夜市等。六合和瑞豐都各有特色, 前者街道闊落, 就是一條大直路, 所以受遊客歡迎。後者四四方方的設計, 裡面九曲十三彎, 道路較為狹窄, 假日尤其, 擠得水洩不通! 但裡面美食何其多, 又有野買, 又有野玩, 過千個攤位, 就算逼, 都要逼入去感受一下瑞豐的魅力!

好, 講返今晚個行程先, 首先去新興夜市行下, 再轉戰六合。兩個夜市都在好美麗嘅美麗島站! 天光滿是玻璃彩繪圖案, 是充滿藝術氣息的一個地鐵站, 如你看過一眼就唔會忘記。

騎電動車遊 西子灣旗津魚港

Day3.2 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房

高雄美味Lunch 阿嬤古早味

Day3.1 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房


晨早就執包袱離開墾丁, 返回高雄。回程時Miki和達達去了郵局寄post card, 我們10:30出發, 約12:30就到了高雄85大樓。因為酒店要下午4時先可check-in, 所以先寄行李在lobby。

高雄美味Lunch  阿嬤古早味

擺低行李後, 我地首先去醫肚。高雄都冇咩好介紹, 我地周圍搜索, 看到合眼緣就食, 估唔到在一條毫不起眼的街道中, 俾我地搵到間好野!

阿嬤古早味, 位於高雄市苓雅區三多四路巷弄內。餐牌好多野揀, 我地點了一枱子食物一齊share。好多野都未食過但好有驚喜! 例如: 蛋黃伴麵、窩燒拉麵、麻醬伴麵、大陸妹。麻醬伴麵好香, 喜歡吃雞絲粉皮的朋友一定會愛上。蛋黃麵其實類似全旦伊麵, 配以肉燥乾伴的, 好好食。滷味不及尋日墾丁食的好味, 但也不太差。餃子配上秘製醬汁一齊食好好味。窩燒拉麵, 就是平時用來煎的麵餅。大陸妹原來即係生菜, 但係個汁秘製, 酸酸地好開胃。在咁多新鮮美食當前, 肉燥飯即被比下去, 冇人吼。

墾丁靚民宿 「埔頂641-3」 (六-八人海景庭園別墅)

其實墾丁有好多靚民宿, 難得可以夾埋6個人一齊放假, 所以打死都揀間可以俾6人入住的別墅!
墾丁好大, 主要的景區分為: 墾丁大街, 船帆石, 鵝鑾鼻, 南灣, 埔頂, 砂島, 恆春古鎮等, 最旺的就是墾丁大街, 熱鬧程度有如布吉的芭東, 但是民宿一般都冇咁靚。即使找到6人房, 也是6張床開放式設計, 好似7個小矮人咁。船帆石相對較近墾丁大街, 幾間出名嘅民宿如伯利恆也在那裡, 不過你唔好以為可以行路去墾丁大街, 地圖望落好近, 其實行起上嚟都要成粒鐘架!

做了一輪資料搜集後, 最後大家一致投票揀 「埔頂641-3海景庭園別墅」, 是私人經營的民宿, 其物業有6間, 全均是獨棟別墅, 由4人至10人不等。

渡假……是停留，不是奔波

我地最鍾意就係呢間別墅, 適合6-8人入住, 廣闊開揚的埔頂草原景致, 令人身心舒暢!

墾丁大街夜市 - 狂掃街頭小食

Day2.9 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街掃街

晏晝先食到好飽, 夜晚又進行另一輪「瘋狂掃食」, 昨天介紹完墾丁大街的餐廳, 今日介紹下「掃街美食」, 試食過的會有評分, 未食過的都會post張相出來, 等大家知道有甚麼美食可以專攻!

關山日落 恆春八景

Day2.8 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街掃街

關山日落

關山夕照乃恆春八景之一, 它又不是最西面, 不曉得為何看日落出名, 來到後就明白了。因為地勢最高, 所以視野無阻, 而且前面就是海平線, 構成一幅很美麗的畫面。建議早少少來霸定靚位, 因為每日都有許多遊客慕名來觀賞日落。

墾丁白砂灣 浪漫夕陽

Day2.7 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinnera

白砂灣

延綿500公呎長的雪白沙灘, 由於長期被海水侵蝕的海洋生物殼體形成貝殼沙灘, 沙粒晶瑩明亮, 踏上去就像用沙子舖成的地毯, 很軟綿舒服。最特別的是, 這裡的沙不黏腳, 輕輕一掃便走。我們在這裡逗留了20分鐘, 碰上夕陽美景, 令我們捨不得離開。這裡就是<<海角七號>>裡面, 阿嘉跟友子說:「你留下來, 不然我跟你走」經典對白的地方。最衰A先生唔係度, 不能跟他角色扮演XD

真人版「Mario Kart」賽車

Day2.6 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

炫風F1  Go Kart車

高卡車, 即係小型賽車, 係是日最期待的項目! 車種分3種, 有BB級及專業級之分, 我地當然玩BB級, NT$200/10分鐘, 老闆送多2分鐘俾我地。大家好似玩「Mario Kart」咁興奮, 穿好裝備後, 工作人員幫我們逐一拍照。當倒數3下後, 大家就在賽道上飛馳, 幻想自己是F1賽車手, 又或是Mario Kart的角色。當熟悉了賽道後, 大家都越來越快, 轉彎也不減速, 連女生也不甘視弱! 我嘛, 由開始至結束都落後, 安全第一。當時間尚餘最後數分鐘, 達達在過彎時為了爬Joanne頭一下攔腰撞向Joanne架車, 阿銘在後面看到, 形容當時情況就像真的Mario Kart一樣架車被撞至飛起一半, 然後失控撞向車輪。幸好人無事, 但已造成心理陰影, 後來幾分鐘Joanne都以慢速駕駛。

玩後感: 好好玩, 好刺激! 一大班friend一齊玩就最正!

恆春古鎮食食食 - 飽到想死美食團

Day2.5 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

恆春古鎮 (巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)

巷仔內十碗麵

恆春古鎮是電影＜海角七號＞拍攝的景點之一, 「阿嘉的家」就在這裡。我們一口氣品嚐了幾道美食, 先是巷仔內十碗麵, 每天限量賣秘製牛肉麵, 10:30賣至售完為止。店子隱藏於巷子內, 座位不多, 牛肉麵湯底清甜, 蕃茄酸酸地幾開胃, 牛肉很彈牙鬆化, 吃畢時牛肉麵剛好賣完, 我們真的很好彩! 最後6碗, 遲一步都食唔到! 另外我們還叫了一碟滷味, 樣樣都有d而且滷得好入味, 大家轉眼便搶光! 還有個檸檬水, 好清新, 值得一試。

船帆石

Day2.4 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

船帆石

船帆石, 我常常錯誤讀成「帆船石」, 因為其外貌似啟航的帆船而得名。但我卻認為似人頭多d! 看, 這個角度睇是不是有張臉背向我們45度角看海? 船帆石乃天然的海蝕現象, 它令我聯想起野柳地質公園的女王頭! 因我們已經好肚餓, 這是我們此行逗留最短時間的景點!

落車, 影相, 上車