有關「飛行里數免費Upgrade」的懶人包

因為工作關係，經常遇到客人問有關「飛行里數」upgrade的問題，每次聽到都覺得好頭暈，咁多間公司，真係好難記得晒邊間訂咩Class的Econ位可Upgrade做Business。

雖然我地沒有責任為客人查詢及處理 有關「用飛行里數 Upgrade Business」的問題，除非客人有俾服務費我地幫佢做。但由於太多人會多口問，而這絕對是一門非常高深的學問，去年我把心一橫一次過將有關資料整理好，希望這個懶人包可以幫大家更快搵到答案 (例如要訂咩Econ Class可以upgrade到Business)。**資料只供參考，一切以航空公司官網公佈為準**

兌換最多「飛行里數」の信用卡小攻略

簽得多！儲得快！

對於信用卡積分兌換飛行里數，我呢ｄ師奶仔係有點心得的。我自己有幾張信用卡是First Priority常簽的，以下是令到自己儲到最多飛行里數的小攻略。雖然我唔知我會唔會已經唔updated，如有更好的卡請各位報料呀。

首選：
冇得傾，一定是 DBS 星展銀行 的 Black Card (American Express)
唔好誤會呀，此「黑卡」不用彼黑卡，這只是DBS這張信用卡的名稱。
我研究過，儲飛行里數佢係最抵！本地簽帳 $6 = 1里數；海外簽帳 $4 = 1里數，而且豁免兌換里數手續費，只要你達到最低兌換里數額，就可把積分一次過兌換為里數。如果曾有在友行換里數經驗的朋友應該知道好多銀行兌換里數都要收取「一次性」手續費。另外，仲有一樣超超超好的優點，就係積分無有效日期，永久累積。即係你只要有恆心，總有朝一日可以靠信用卡簽帳兌換到一張、甚至幾張機票。還有其他Bonus如機場免費報章雜誌換領等 (B小姐經常幫襯^__^)。

鋼煲煮飯 (不用電飯煲的方法)

剛剛有blog友問我點樣用鋼煲煮飯?

是的，我發現我學懂了這個但從來未分享。
有心不怕遲，就現在快速地分享一下吧！

做背包客或去Working Holidays，一定會遇上自己煮飯的時候。
人在異鄉想食飯，如果沒有電飯煲點算呢？
這個方法便幫到你了。

北歐 膠樽當錢駛

前文提過，北歐所有國家都有「膠樽回收」，芬蘭、瑞典，都有膠樽回收，樽樽都係錢。亦因為咁，膠樽飲品價錢都比紙包飲品較貴。好多人唔知道，飲完順手掉左個樽，其實已經掉左ｄ錢落垃圾桶。

回收金額有幾多?

芬蘭 回收細樽0.2€/個，大樽0.4€/個；

瑞典 細樽1Kr/個，大樽2Kr/個；

丹麥 把鋁罐及膠樽分類：PantA(鋁罐) 1Kr/個，PantB(細樽) 1.5Kr/個，PantC大樽3Kr/個。
注意：其他國家的膠樽條碼不同，係退唔到錢架。

以下是綜合旅程在各國遇到之膠樽回收機。
芬蘭：

台灣3G電話卡 無限上網

台灣3G電話卡 3天 無限上網 NT$300

其實買電話卡上網應該不是新鮮事, 但對B小姐來說, 這是非常新鮮的! 因為無論出差定旅行, B小姐都不會買當地電話卡, 寧願開漫遊, 因為怕換了卡之後, 其他人找不到我。有一個方法可以解決, 就是帶兩部電話, 一部放當地電話卡, 另一部開漫遊, 若有人從漫遊打過來, 就用電話卡打回去。但這樣又好麻煩, 問題是我沒有兩部電話。不過這次親身用過之後覺得幾方便, 所以就介紹俾大家。

有關台幣兌換

有關台幣兌換

應該去哪裡兌換外幣, 是旅遊人常常遇到的問題!
香港除了銀行之外, 出名的兌換店應該是中環的百年了, 許多人都知道的。
不過問過經常去台灣的朋友, 其實台灣跟香港的兌換率差不多, 所以如果沒有多餘時間, 也不必特登到中環唱錢。

這次大家也忙爆, 所以也是去到台灣唱, 而且還是機場。
高雄機場有間台灣銀行, 拎完行李會經過的。兌換率竟然也有3.712, 很不錯啊!

北歐旅遊好App推介

有blog友問我有冇Tallinn塔林景點推介, 未出發, 其實我都係睇書或網上資料。不如我介紹個App俾大家, 去北歐真係幾有用! 有iPad / iPhone者 "MUST" download!  App 是由 Triposo Inc 公司開發的, 我是次旅遊的國家, 芬蘭、瑞典、丹麥、愛沙尼亞都有!
隨機抽樣一個出o黎介紹啦~ 在AppStore打"Tallinn"都會search到!

打開個App之後, 就可以揀自己將會旅遊o既城市, 然後就會見到城市簡介, 圖文並茂! 資訊方面冇得輸, 歷史, 交通, 景點, 住宿, 餐廳等等都有!

注意！雪地拍攝必讀 ((轉載))

注意！雪地拍攝必讀 (原文: http://www.fotobeginner.com/1423/reminder-to-take-photograph-in-snow/)

日期：2010年1月21日 • 作者：Kawai • 分類：推介文章,攝影知識

上次跟大家分享了如何拍攝雪景，今次，筆者會繼續與各位講解一下於雪地拍攝需要注意的地方。除了攝影技巧外，於雪地拍攝還有其他技巧需要注意。現在，就讓筆者為各位介紹一下。

1.多帶後備電池

下雪地方天氣太冷，要留意電池電量。因為天冷會令電量快速流失，可能拍幾張相片相機便關機了，那麼知道再多技巧也是徒然。如果不嫌麻煩，可將電池放在貼身的口袋保溫，要拍攝時才安裝。另外，亦建議多帶後備電池，拍完相片後便將相機放進相機袋內。曾經聽過有人建議用暖包放在相機袋內將相機袋保暖，但是筆者不建議在相機袋內放暖包，因為要保暖的是電池和你自己。相機袋太暖反而更易形成溫差太大情況，可能會導致機身鏡身有水氣，還是將暖包留給自己用吧！

By Christopher Chan

2.注意溫差

多數地方室內都會有暖氣，室內外溫差可達數十度。出入室外內地方很容易會因為溫差大而導致相機及鏡頭有霧氣及水點，解決方法是用帶備保鮮袋一個。於進入室內前將相機包裹，再放入相機袋，打開袋口，進入室內後讓相機慢慢適應室溫才拿出來(大概5-10分鐘)。

By Tambako the Jaguar

3.留意雪花

當下雪時拍攝，會容易有雪花留在機身上，記緊進入室內前將雪掃走抹走。因為雪花可能會溶化成水，影響鏡頭及相機。另外，如果雪太大，要留意鏡頭伸縮時會有雪走入鏡身內，筆者見過有人用衣物包裹著鏡身，這亦不失為好方法。

By Kawai 嘉煒

4.為雙手保暖

以上所有東西都不及這樣重要，就是你自己的雙手。相信讀者一般都會配戴手套保暖，在嚴寒地方有時需要更厚的手套，可能會影響影相的操作，市面上有些專業手套比較薄及有防滑膠粒。另外，亦可以考慮穿兩對手套，拍攝時才將外面較厚的手套除下，方便得來也可保暖，要知道在零下數十度低溫下將雙手暴露於空氣之中實在需要很大的勇氣。

By Paul+photos=moody

最後，請緊記於雪地上拍攝需注意安全。除了要穿上足夠的保暖衣襪外，亦要小心融雪地滑。另外，日間於雪地活動記得要戴上太陽眼鏡，避免光線折射令眼睛受傷及暈眩。只要做足準備，大家亦可以在雪地上拍出漂亮的照片！

禦寒裝備: 雪褲篇

最後一個item, 亦係十分重要o既item, 就係「雪褲」了! 去到零下廿幾度o既地方, 一條好o既雪褲一定唔少得!

有銀兩o既就梗係買條好d架啦, Columbia 羽絨膽開倉八舊幾, 戶外城其他牌子羽絨膽四舊幾。不過A先生B小姐都唔係喜愛滑雪的人 (秘密: 我地連雪都未見過架), 咁就想買條經濟少少o既~

尋寶o既地方有好多, 花園街係其中一條熱門尋找平雪褲o既好地方! 好多車仔檔都有賣雪褲 / 雪褸 / 手襪等! 其中比較多人講o既, 就係依間「威記」~

禦寒裝備: 雪褸篇

關於禦寒裝備, 除左裡面保暖, 外面擋風都好重要!! 尤其去落雪o既地方, 如果唔小心俾d雪滲左入內層衣物, 就算你著幾多衫都會寒入心。

雪褸篇

成日聽人講「哥踢屎」, GORE-TEX® 其實係乜?? 

GORE-TEX®是一種獲得專利技術製造的布料, 許多戶外休閒品牌都會生產這個技術製造的外套、褲或鞋。GORE-TEX 布料的防水程度可以承受每平方英吋達六十五磅的水壓、這種水平已超越了美國和英國軍用防水衣物標準。更重要的是這種防水能力能長久保持。保護功能在一平方英吋的GORE-TEX布料（薄膜）上就有90億個微細孔。水分子比這些微細孔大2萬倍，因此水不能穿過布料。

記住! GORE-TEX 係唔保暖架, 佢只係防風防水! 真正保暖的, 來自 羽絨 / 綿 / 抓毛 內膽, Trap住你D體溫。至於3合1, 2合1, 即係一件褸由幾層組成, 外層防風, 內層保暖。

本來都掙扎左好耐究竟買唔買GORE-TEX!

但有親GORE-TEX物料做o既衫, 價錢都會超貴...

跟不是GORE-TEX®的價錢可相差一千以上。

牌子有好多, 究竟有咩分別? 唔同國家出, 同埋唔同布料囉。

除左GORE-TEX之外, 查實仲有n咁多o既技術都一樣係做到防風防水!

百年唱錢

仲有兩日就出發, 今日中午去左百年唱錢。
相信唔少旅遊達人都聽過唱外幣去中環「百年」好。

其實係咪真係抵d呢?
係唔係最抵我唔敢講(應該抵過銀行), 不過係快﹑方便,﹑可靠o既!

除左台幣, 見今日個rate算ok, 順便唱埋坡紙同歐羅。
唱坡紙係為左7月新加坡trip, 咁歐羅呢?
係為左...我地o既北歐之旅!
雖然而家仲未成事, 不過都果頭近,
資料已經搜集好, 行程亦已plan好,
萬事俱備, 只欠「金錢」, 哈哈!

遲d, 等我去完台北, 得閒少少再披露下啦~

如果大家都有需要唱外幣, 可以去以下網址參考
http://bcel1985.blogspot.com/
網址每日更新, 有每日匯價參考

(轉貼)「亞洲萬里通」兌換免費機票攻略 - 歐洲篇

轉貼自: http://www.travellife.org/forum/viewthread.php?fid=76&tid=85061&extra=page%3D1

網上見到依篇文章, 覺得非常有用, 所以SHARE俾大家

原創者wahcli
近日有不少網友查詢有關「亞洲萬里通」的問題和兌換免費機票的要訣，在此憑一些經驗，總結了有關的基本情況及兌換價值較高免費機票的攻略，以便大家參考。當然亦歡迎各方好友討論及提供其他意見。

前言

     「亞洲萬里通」(Asia Miles)是國泰航空(CX)的飛行常客計劃(Frequent Flyer Program)。「亞洲萬里通」的會員，可以透過「亞洲萬里通」逾 400 間航空或非航空夥伴機構，賺取里數積分，累積到一定數目便可換取各式各樣的禮品，包括免費機票獎賞。

「換屋度假」成中產潮流 ((轉載))

好耐之前已經聽過「換屋旅行」, 要成為會員先可以同人地交換間屋旅行。因為會員是要收取年費的, 而且費用都唔平, 所以比較適合有錢人參加。
我真係好想以咁o既方式去旅行, 可惜我冇一間令我自豪的大屋

詳情請瀏覽網址:

luxe-homeswap.com

滑雪前後護膚必讀 (轉載)

滑雪前後護膚必讀 (原文: http://www.weekendhk.com/travel/travelTopic/Detail/id/177)

滑電是冬日外遊的最佳活動之一，相信不少讀者對滑雪裝備都很有心得，但大家又有沒有留意到，原來比起「全副武裝」，簡單的護膚功夫亦相當重要，否則很易凍傷或灼傷！今次我們找到皮膚科史泰祖醫生、星級化妝師Rick Chin及名模Eunis和大家分享心得。

「雪地最傷皮膚」

皮膚科史泰祖醫生稱雪地環境最傷皮膚，若不小心護理，很易會曬傷或凍傷，對皮膚傷害很大。

01 為何會曬傷呢？

史：在雪地上易曬傷原因主要有二。第一，地上白色的雪能反射紫外線於面上；第二，在雪山位置，地面與天空距離更接近，紫外線更易直接照射。若不做足防曬措施，面部很易曬傷致甩皮或乾紋暴現。

網絡投宿自保四招 (轉載)

網絡投宿自保四招 (原文: http://www.weekendhk.com/travel/travelTopic/Detail/id/125)

早前英國媒體爆出「香港女子遊英借宿遭強姦」的法庭新聞，惹來議論紛紛，由網絡到茶餐廳都在研究案情．當中最受爭議就係「CouchSurfing（簡稱CS）」這種透過網絡交友取得免費住宿的旅遊方式，到底是否安全？近年CS於本地旅遊界漸成潮流，經媒體大力吹捧講到好好玩咁，不少人躍躍欲試。網絡平台雖然開放，但其實當中早有安全交友的機制和建議，以下列舉自保四招，希望各位單身旅人出遊時能多注意：


第一招

必Check宿主身份認證

為免閒雜人等利用，CS網站為會員提供了三項不同的認證方式，最高級會員的姓名及地址均已被核實，相對可靠，同時每位宿主（Host）的檔案中皆有其他投宿者留下的評語，都是比自我介紹更值得參考的資料。

世界各地貨幣一覽

世界各地貨幣一覽

國家與地區	貨幣
阿根廷	阿根廷比索
澳洲	澳元
奧地利	歐元 Euro (EUR)
巴林
比利時	歐元 Euro (EUR)
巴西	Brazil Real (BRL)，需帶備美金於當地銀行或機場兌換。美元只在酒店或高級餐廳才通行。
柬埔寨	里耳 Riel
加拿大	加拿大元Canadian dollar，紙幣分為 $100、$50、$20、$10、$5，硬幣分為$2、$1、25 ?、10 ?、5 ?、1 ?。
智利	披索Chilean peso (CLP)
中國	人民幣yuan (CNY)
克羅地亞	庫納 HRK，匯率約為10庫納兌14港元。
古巴	古巴披索Cuban peso (CUP)，但美金在當地通行，遊客可母須兌換披索。
捷克	捷克克朗 Czech koruna (CZK) 在香港可兌換Czk的地方不多，而且匯率偏低。建議大家先在香港兌換歐元，到捷克後才以歐元兌換Czk，匯價會較佳。由於布拉格不少餐廳及大型商鋪均收取 歐元，只須兌換少量Czk備用已足夠。
丹麥	克朗Kroner (DKR)
埃及	埃鎊Egyptian pound (EGP)；在香港幾乎是沒有地方可以兌換埃及鎊，所以最好先在香港兌換美金，到埃及時在機場才兌換埃及鎊。
埃塞俄比亞	埃塞俄比亞的貨幣為Birr，與港幣匯率約為 HK$1=Birr1.12。可在香港先兌換美金，然後在當地機場以美金兌換（US1=Birr8.68）。首都的遊客區基本上也接受美金，如要前往北部 山區或南下探訪土人，建議還是在首都先兌換當地貨幣。
芬蘭	歐元 Euro(EUR)
法國	歐元 Euro(EUR)
德國	歐元 Euro(EUR)
希臘	歐元 Euro(EUR)
關島	美金dollar(USD)
匈牙利	福林Hungarian forint (ft, HUF)
印度	印度盧比Indian rupee (INR)
印度尼西亞	印尼盧比Indonesian rupiah (IDR)，紙 幣 面 額 50,000 、 20,000 、 5,000 、 1,000 、 500 、 100 等， 硬 幣 有 500 、 100 、 50 、 25 等
愛爾蘭	歐元 Euro(EUR)
以色列	新謝克爾,NIS - New Israeli Sheqel, 1 NIS 約兌 1.675 HK$
意大利	歐元 Euro(EUR)
牙買加	牙買加幣
日本	日元 Yen(JPY)
利比亞	第納爾
馬來西亞	零吉ringgit(MYR)
馬爾代夫	盧菲亞rufiyaa (MVR)
墨西哥	墨西哥比索
摩洛哥	迪 拉 姆Moroccan dirham (MAD)
汶萊	汶萊元Bruneian dollar (BND)，因汶萊元與新加坡元掛鉤，新加坡紙亦為當地認可，匯率為1:1。
尼泊爾	尼泊爾盧比Nepalese rupee (NPR)；可在香港兌換美金，再到當地兌換盧比
荷蘭	歐元 Euro(EUR)
紐西蘭	New Zealand dollar (NZD)
挪威	克朗Norwegian krone (NOK或kr)。HK$1約等於NOK 0.89。 香港甚少銀行有克朗兌換，可在當地直接以美金或歐元兌換。挪威大部分食肆商店（就連快餐店便利店亦然）可使用信用卡，故不用一次過兌換太多現金。
秘魯	秘魯通行貨幣為Sol，USD1約兌3.2Sol，除了當地人光顧地道的店鋪，大部分也接受美金。大部分酒店可兌換。
菲律賓	菲律賓披索Philippine peso (PHP)
波蘭	茲羅提zloty (PLN)
葡萄牙	歐元 Euro(EUR)
帛琉	美金dollar (USD)
羅馬尼亞	以列依(lei) 為單位，目前流通的紙幣有一萬、五萬、十萬、五十萬及一百萬列依的票面額；硬幣有五百、一千及五千列依三種。
俄羅斯	盧布Russian ruble (RUR)
塞舌爾	盧比(Rs)
新加坡	新加坡幣Singapore dollar (SGD)
南韓	韓元Won(KRW) ， 硬 幣 分 為 W1 、 5 、 10 、 50 、 100 及 500 ， 紙 幣 則 有 W1,000 、 5,000 、10,000 。
西班牙	歐元 Euro(EUR)
斯里蘭卡	斯里蘭卡盧比Sri Lankan Rupee (Rs)。建議帶備美元，抵達後在機場找換店兌換盧比。1美元可兌約100盧比。記得要保留找換店發出的單據。離境時，職員會先請求你出示單據，才會為你兌回美元。
瑞典	克朗Swedish krona (SEK)
瑞士	瑞士法郎Swiss franc (CHF, SFr)
台灣	新台幣 New Taiwan Dollar（NT$）
泰國	泰銖 baht(THB)
南非	蘭德(Rand)
美國	美金dollar (USD)
土耳其	土耳其里拉Turkish lira (TRL)
阿聯酋	阿聯酋迪拉姆Emirati dirham (AED)
英國	英鎊British pound (GBP)
越南	越南盾dong (VND)