韓式泡菜炒烏冬

今日未有更新遊記, 但享受了一個悠閒的星期天。
試了新菜式, 簡單易整, 同大家分享下啦!

韓式泡菜炒烏冬 (2人份)

材料：

泡菜200克、即食烏冬2包、任何自己喜歡的材料 (今次我咩都冇加, 因為屋企乜都冇XD)



調味：椒鹽少少、糖少少

做法：

1. 燒熱鑊下油，加喜歡的材料炒熟，香盛起備用。

2. 原鑊放入烏冬炒散，加1湯匙水，冚蓋煮1分鐘，下泡菜炒勻。

3. 最後把已炒好之材料回鑊，下椒鹽及糖調味兜勻即成。
4. 上碟前快速煎蛋餅切絲放在烏冬上面。

小貼士：

烏冬不用先汆水，否則很易炒爛。

蒜蓉豆豉蒸排骨

近來常同A先生一起玩煮飯仔, 今天又試了新菜, 就是家常住家菜的「蒜蓉豆豉蒸排骨」。
這是跟阿蘇學的version, 份量自己因應口味調節過。
出來效果真係好好, 撈飯一流, 下次可以落多少少水!

(8月6日

材料： 

選用一字排或飛機排，飛機排會較好，肉亦會較軟(份量約1斤)  我改了用腩排，買了$20

配料：  

豆豉 1/2 包（用水浸, 洗淨, 用刀背舂爛）

蒜頭 6-8粒（切微粒, 我會抽取1/3整蒜蓉）
                     *
蒜蓉豆豉 切好後先撈均備用 

指天椒 3-4隻 （切粒備用）

調味料： 

醃排骨 - 生 抽 、 老 抽 、 糖 、 各 適 量

生 粉 、 麻 油 
、  生 油
、 水

烹調步驟： 

1 
排骨先用生抽、老抽、糖醃一醃

2  再加豆豉、蒜蓉一起醃半小時  (放入雪櫃更佳)

4 從電櫃取出，加入生粉拌勻，其後加入麻油、油、水  。

5 把醃好之排骨放在碟上，再灑些指天椒粒在表面，蒸20分鐘便完成。 

 
新鮮排骨蒸出來真係唔錯, 肉滑又有肉汁, 非常成功!
結論係, 下次豆豉可以落少d, 同埋水可以落多d, 而家個汁真係太杰, 有d鹹。

《竅門》：豉汁蒸排骨 
材料：選用一字排或飛機排，飛機排會較好，肉亦會較軟。豆豉用刀背壓爛。蒜頭一定要切成微粒。適量指天椒亦切粒備用。 醃料：
醃排骨時分先後次序，先要排骨入味， 用生抽、老抽、糖、豆豉、蒜蓉一起醃半小時，然後再放生粉、
油等鎖住肉塊的味道和水份。 別忘記放指天椒粒， 令整個汁香香辣辣更惹味。

各調味料之用處：

生抽（俾鹹味）、 老抽（俾顏色）、糖（吊味）、蒜頭豆豉（俾味道）。生粉（令肉滑）、油（亦是令肉滑）、麻油（給香味）及最後加一點水令豉汁不會太杰。

*切指天椒不辣手妙法 - 手要乾爽，刀要乾爽，燙手感覺離你而去

阿蘇瑞士雞翼

B小姐平時都幾鍾意下煮, 因為超為食!
鍾意煮又鍾意食, 所以三色台的飲食節目: May姐有請 ﹑ 為食總師令 ﹑ 蘇good ﹑ 食得峰so等等, 我都唔會錯過! 最近阿蘇又做返, 成為我每個禮拜必睇的電視節目之一。前幾集教整瑞士雞翼, 係A先生最愛, 多年前跟餐廳大廚學過調瑞士汁, 用o黎撈丁一流! 雖然個食譜唔見左...但隱約仲記得係用 生抽 ﹑ 老抽 ﹑ 冰糖 o黎做個汁。

今次阿蘇教o既方法唔同, 係落醬油加雞湯, 仲要指定用邊隻醬油, 好似好勁咁, 所以令我好奇之下...買齊料擇日試試。跟住佢個方法整, 真係非常成功, 所以同大家分享成果^^

 

((2人份量))
材料:
1) 雞翼8-10隻 (可選雞中翼或雞全翼, 傳統是用雞全翼, 賣相較靚, 但B小姐喜歡雞中翼^^)
2) 蔥少許, 薑一兩片 
3) 冰水備用
4) 鉅利高級醬油 半支 (店舖在灣仔鵝頸橋附近)
5) 雞湯 250ML
6) 冰糖大量
7) 紹酒少少

 

步驟:
1) 先將雞翼處理 (去毛)

2) 把已處理的雞翼放進
蔥﹑薑 滾水焯一焯, 立即放進冰水冷卻備用
註: 此步驟十分重要, 冷卻後的雞翼會收縮, 皮脆肉嫩彈牙, 煮完之後雞翼仍脹卜卜

 

3) 1:1份量鉅利高級醬油及雞湯, 加入大量冰糖及紹酒少許, 以中火煲 (冰糖份量因應個人喜好調較), 試味! B小姐唔記得左2人份量, 跟足落晒成樽醬油@@ (500ml)+半盒雞湯(500ml), 其實得10隻雞翼應該唔洗落咁多, 落少1半應該都得(即各250ml), 冰糖方面...我都落左半罌。

 


4) 瑞士汁煮滾後把雞翼放入去(記得雞皮向下), 至再次煮滾後熄火上蓋浸10分鐘

 

 

5) 10分鐘後, 開蓋把雞翼逐隻反轉(雞皮向面), 然後再浸多10分鐘, 即成!

上碟後色澤均勻, 隻隻都脹卜卜A先生試過之後都大讚好味, 估唔到淨用浸的方法都可以令隻雞翼熟, 而且肉質仲好嫩tim!
煮完用淨好多汁, 打算聽日用o黎撈出前一丁同埋再滷多10隻雞翼, heehee

黑椒牛柳絲炒意

今日向大家介紹一個好容易整又好好味o既食譜
就係茶餐廳成日食到o既「黑椒牛柳絲炒意」哪

首先準備洋蔥﹑蒜頭﹑牛肉﹑意粉

牛肉我選擇了大昌已醃好的黑椒肉眼扒, 又平又方便又好食
-肉眼扒切成幼條
-蒜頭洗淨切粒
-洋蔥切絲

意粉用百得阿姨牌最好, 烚7分鐘, 瀝水備用 (千萬不要過熟)

熱鑊落油, 先爆香蒜粒, 再加入洋蔥快炒

加1~2湯匙開水, 直至把洋蔥炒至熟透, 加入牛肉炒至八成熟

加入意粉, 2~3湯匙李錦記黑椒醬, 少量黑椒, 快炒
(有需要可加入少少水)

約炒1~2分鐘, 上碟食得!
洋蔥熟晒, 索左黑椒汁好鮮甜, 牛肉最好切得幼細d, 易熟又唔怕韌
鍾意辣的朋友可以落多d黑椒碎, 好惹味!
真係好易整又好好味架, A先生好鍾意食的, 嘻嘻~

法國尼斯特色小食: farcis niçois食譜

前幾天去朋友家開party, B小姐我負責整野食
最近先學識o既法式小食, 今日大派用場, 仲整得好成功tim!

今日就等我公開這個尼斯特色小吃 farcis niçois o既食譜啦!

首先準備好材料先:
洋蔥1個
蒜頭2~3粒
三色椒3個
九層塔(羅勒)1棵
茄子半條
Feta芝士1盒(*沒有

Ftea芝士, 用了車打芝士代替)

1.把洋蔥洗淨砌粒

2.把九層塔葉砌醉, 備用

3.把三色椒一開四, 清理入面白色的部份及籽, 洗淨
4.把椒放入滾水中煮5min, 撈起備用

5.把茄子砌粒

6.把車打芝士砌粒(越碎越好), 備用

(如果用feta芝士, 把芝士粒先砌碎粒後用匙壓醉)

今次我自創加左少少蕃茄粒, 又是砌左備用

7.熱鑊, 少少油, 將蒜頭﹑洋蔥及茄子粒抄至全熟, 加少少鹽調味

8.把九層塔葉醉及蕃茄粒加入, 撈均

9.最後加入芝士撈均, 可因應自己的口味加入所需份量

10.把三色椒整齊排在焗盤上

11.把已撈好的材料釀入, 可在焗前再灑上芝士粒

12.放入預熱200度焗爐焗30min, 焗至金黃色

夠鐘! 出爐哪!

今次換左芝士同加左蕃茄, 估唔到味道都幾好
車打芝士令「賣相」好靚, 我d朋友話好有「pizza hut」o既感覺
大家都試下整啦, 好易整架乍!

(下回食譜: 黑椒牛柳絲炒意)

壽包蛋糕+食譜

今日是A先生的生日，這是我特別為他炮製的壽包蛋糕
在有限的器具幫助下＋經過幾次失敗之後，
終於有幾舊見得人的～
賣相唔係好靚，不過幸好味道還好～
祝Ａ先生食過壽包之後萬事如意，多財多福
Ａ先生生日快樂！^3^


<<壽桃包>>
 
材料﹕ 　
 
麵粉　　３２０克
砂糖　　１２０克

發粉　　１２克
蓮蓉　　２４０克
玫瑰紅(色素)　少許
 

做法﹕
1)麵粉篩過，放在按板開一個穴、落糖及泡打粉，倒入適量清水一起搓勻至滑身
2)麵粉搓長條，分一份份，每粒約１２克，大小隨意，手壓扁，包入少許蓮蓉收口處捏長，放在牛油紙上
3)放入蒸籠蒸６分鐘，離火後即用小刀背把每個飽壓一下，便成桃形，用牙刷彈上少許色素即成