2010年5月31日 星期一

新加坡勁食生日之旅 Day3

Day3 (22May2010)



來到第三日,我哋瞓到九點半,越來越遲,哈哈。我習慣每朝一起床便望吓個天,但係今日天色唔多好。梳洗過後我們本來打算搭巴士到牛車水先食早餐,誰知雨越下越大,我們不得不找個地方避雨。差不多行到Mohamed Sultant Road,見到有間「榮肉骨茶」,就依間啦!依度環境好似大排檔咁,我哋叫左個肉骨茶套餐,SG6.8,都幾貴!套餐包括白飯一碗,炸油條一碟,肉骨茶一碗。先飲啖湯,味道不錯,不過欠缺藥材味,感覺不夠正宗。新加坡人興將白飯連湯吃,我們照版煮碗,不知不覺就吃完整碗飯。至於油條,太林了,後來吃過黃亞細都是一樣,我想這是新加坡油條的特色。油條,還是香港炸到脆卜卜的最好吃。

酒店往巴士站路線地圖
<---請按





牛車水原貌館



吃完早餐,雨漸細,我們步行往對面馬路的車站等54號巴士去牛車水。去到牛車水,大概11:30am,第一站便是參觀牛車水原貌館,了解一下新加坡的華人辛酸歷史。入場費SG10,都唔平架。三層小小的博物館,想不到都消磨了一個小時多。看完後我們明白了華人在南洋的血淚史﹑他們奮鬥背後的辛酸以及經過歲月洗禮之後所建立的文化。展品都沒有圍欄,看得出新加坡人對參觀者的信任,保證大家看得原汁原味。如果對歷史有興趣,不妨預留一小時參觀。





最古老印度廟


接著我們沿遭PAGODA
ST
繼續走,這裡好像香港的女人街,賣的都是掠遊客水的紀念品,對於香港人來說,這裡沒有驚喜。走到街尾,看見馬里安曼廟,這是我們旅程唯一看過的印度廟,入內參觀是免費的,不過如果你有携帶相機或攝錄機,就要俾附加費,相機SG3,攝錄機SG6。我們在門外拍過照後,便離開了。





東興咖吔醬



街角轉右走,來到了SOUTH
BRIDGE RD
,見到有一間東興,除左亞坤之外,這家的KAYA醬也十分出名的,所以我入內買了一樽回家享用。



金碧輝煌佛牙寺

再向前走,就看見五層高的佛牙寺,據聞佛寺內多處地方都是用黃金打造,金碧輝煌,不
過佛寺都不及美食吸引,對面就是
Maxwell Market (麥士維熟食中心),美食當前,我們立刻被呼喚過去了。




Maxwell Market (
麥士維熟食中心)



Maxwell
最出名的就是天天海南雞飯,店外永遠排長龍,我們也排了20分鐘呢!雞飯分大碟小碟,我們要了碟小的。海南雞外觀不錯,但唔係想像中咁好,雞不夠滑!反而雞油飯味道不錯。新加坡咁熱梗係要買番杯凍飲涼快下,我們在「天天」對面買了蘆薈水,但此蘆薈水不同彼蘆薈水,味道有點假!想念新海山的冰涼透心蘆薈水,真係好好飲!食完雞飯,我們意猶未盡,買了個福州蠔餅食,蠔餅一早炸定,不如書般形容「外面炸至香脆,切開後香氣與熱氣噴出來」。講真,香港嗰啲好食過佢多多聲,依個洪家福州蠔餅真係令我哋好失望……v_v Maxwell入面仲有過百種美食,有興趣來發掘一吓,說不定會尋到珍寶。




海南雞飯 SG2.8(小) SG3.3(大)
玻璃雞腳 SG2(小) SG3(大)
香滑白雞 11(半隻) 22(一隻)
香油飯 SG0.3(小) SG0.5(大)


天天海南雞二月開了新店,在如切路(在東岸區坤成路附近),明天我們會經過


洪記福州蠔餅,令人太失所望


這家金華魚片米粉人氣很高,很好吃似的



紅點美術館



食飽飽之後,我們去了紅點美術館拍照,紅卜卜十分搶眼,很適合龍友來此拍照!飛快地拍幾張照片,便轉入橫街尋找我們放棄了的Scarlet Hotel,順道逛逛附近的精品店。




在街頭巧遇一架很漂亮的人力車


古典高貴Scarlet Hotel

Scarlet Hotel真係好復古奢華,一流的設計,每一角也十分漂亮,難怪她能夠俘虜了不少女士的芳心。酒店附近有
許多精品店,不過很多不是休息就是外出中,據知後面街也有許多精品店,是潮人集中地。





新加坡的7仔,竟然是一個小小的投注站!





因為下午預約了Duck Tour3:30pm在Suntec City集合。趁還有少少時間,我們到「南洋老咖啡」坐低食咗份下午茶,嘆了一杯南洋咖啡。內裡有一個小小的咖啡博物館供免費參觀。看後你會明白為何南洋咖啡一定要用這種杯子裝。





Duck
Tour - 真正「鴨仔團」


原先想訂
5:00pm-6:00pm那一場,點知已經full左,所以我哋被逼選擇4:00pm-5:00pm那一場。奉勸大家還是早一日訂,特別是假期前後。如果你打算玩Duck
Tour + Singapore Flyer
,可以買一個套票,SG49 only,比原先的SG63慳了不少!Singapore Flyer的票一個月內有效,所以不用擔心即日趕去玩唔切。




原本唔打算坐依隻Duck
Duck
,因為實在太貴了!但係作為遊客,難得可以坐著以前的軍用「水陸兩用車」來遊覽異鄉,確是很難得的體驗!更何況這隻「鴨仔」咁可愛,真的很難抗拒。3:30pm集合,4:00pm準時出發!我們行得前,找到個窗口位坐。車上有一個導遊隨團出發,沿途不斷向我們講解景點,不過B小姐卻聽得一知半解不知是否黃昏的太陽光實在太溫暖,回程的時候我們睡意正濃,紛紛打盹。怎樣說,這都是一個值得去的體驗活動,尤其是鴨仔落水那一刻,哈。
















如果你覺得這個
Duck
Tour GOOD,可以在落船時搖一吓個鐘




Duck Tour 小資料




Boarding location @ Suntec City
(Galleria)




Operating Hours : 10am - 6pm

Duration : 60 minutes

Frequency : Hourly departures

DUCK Capacity : 31 DUCKies

Admission : S$33/Adult

                  S$17/Child (3-12 years)
                  S$2/Toddler (Below 3 yrs)

Nearest MRT  : City Hall Station



Phone reservation are highly recommended.


Call @ 6-33-868-77 (TOURS)

http://www.ducktours.com.sg/ducktours.html


P.S.大家如果想玩鴨仔,需要到新達成廣場(
Suntec City)集合,請到新開的Circle Line(黃色線) 落車,ESPLANADE 站A出口出最近。旅遊書寫的 City Hall 站 落會行好耐的,最少15min。




玩完鴨仔,我哋去咗food
court
食嘢。這碟永興福建炒蝦麵,味道不錯!


福建炒蝦麵,SG4.8



嘉樂福


食飽就去逛嘉樂福買手信!佔地兩層,面積非常大,不過食物和日用品主要在下層。新加坡好像沒有出產甚麼本土特色手信,除了肉骨茶同三色益力多,好似都冇咩好買,連薯片都是外國入口的,我還以為一定會找到喇沙味薯片。相比起泰國BigC,這間嘉樂福絕對不是買手信的好地方!據知小印度那邊有個24小時超級時場,華人印度人都很喜歡在那裡買糧油食品,說不定那邊有更多選擇呢。

新加坡最正菊花茶,必試!(稍後會詳細介紹)







五色益力多



買完手信,錢差不多用光了,我們在找換店唱錢。嘉樂福隔離有一間找換店,兌換率比機場好,1:5.617,我們又唱了500大元。



八點鐘看財富之泉雷射燈光表演,距離開場還有一個小時,於是我們又去food court食嘢HEA時間。今次我叫左香港都有嘅「土司工房」喇沙麵,SG4.5,價錢同香港差唔多。因為香港食過好多間分店都好難食,想試下原產地會唔會好味d,飲一啖湯,得喎!依個湯底係我依3日食過嘅喇沙當中最好的!不過d粉唔知點解變咗銀針粉@@ 遜色咗!不過味道好還好,當然都唔係最正宗啦,聽日我哋就會去328加東喇沙,到時就知咩係「最好味」!


土司工房喇沙麵,SG4.5



令人失望的財富之泉


七點十,我地已經坐上噴泉的看台,由高處靜待表演開始。八點鐘,沒有,八點三,沒有,只見噴泉的顏色不停轉換,背景音樂轉換完一首又一首。眼看其他人都好像在等待著些甚麼的時候,我們又不甘心就此離去。直至等到八點半,我們終於按奈不住了,轉身離開。結論是:有理由相信所謂的「雷射燈光表演」,就是我們眼前所見的東西,同幻彩詠香江一樣,咁把鬼!我覺得幻彩詠香江都好睇過佢v_v 又被浪費了時間!如果唔洗睇依個「表演」,我哋去玩摩天倫好過啦!或者去烏節路行街夠好。Signed……











人氣鼎盛:林志源肉乾


因為今日個Duck Duck玩早咗一個鐘,所以我哋買唔切林志源肉乾,夜晚又去過。開心大發現係:林志源唔單止有肉乾賣,仲有好多小食很適合買來做手信的,例如魚片﹑蝦片等,全部都不過SG1~3/包,很實惠。至於肉乾就頗貴了,300g 要十幾蚊,500g SG21,買得多平得多,可惜我哋只有兩個人




牛車水裕華附近有一間榴槤PANCAKE專門店



買完豬肉乾,我哋過對面搭54號巴士返去。下車後我們步行過Unity Street內的Robertson Walk尋找最好味法式蛋白小甜餅(Macaroon)Canelé
Pâtisserie Chocolaterie
店子在Robertson Walk商場內,環境很不錯。買了兩個被譽為全新加坡最好味的法式蛋白小甜餅,朱古力味和榛子味。小甜餅味道和口感都很好,我不懂怎樣形容,不過喜歡吃甜品的應該會喜歡。除了甜品,店內還有意粉薄餅等西式熱食。

地圖<---請按


Canelé
有四間分店:


#01-01A Shaw House, 1 Scotts Road, Singapore 228208

#01-09 11 Unity
Street, Robertson Walk
#B1-25 Paragon,
290 Orchard Road
#B1-81/82 Raffles
City Shopping Centre, 252 North Bridge Road


吃罷小甜餅,為完美的一天劃上句號。




聖淘沙刺激玩意

http://hk.myblog.yahoo.com/AABB-happyTravel/article?mid=6705

新加坡勁食之旅 - 5天行程表 (出發前)

http://hk.myblog.yahoo.com/AABB-happyTravel/article?mid=6443

新加坡勁食之旅 - 5天行程表 (出發後)

http://hk.myblog.yahoo.com/AABB-happyTravel/article?mid=6829

新加坡勁食生日之旅 Day1

http://hk.myblog.yahoo.com/AABB-happyTravel/article?mid=6784

新加坡勁食生日之旅 Day2

http://hk.myblog.yahoo.com/AABB-happyTravel/article?mid=6844

新加坡勁食生日之旅 Day3

http://hk.myblog.yahoo.com/AABB-happyTravel/article?mid=6957

新加坡勁食生日之旅 Day4

http://hk.myblog.yahoo.com/AABB-happyTravel/article?mid=7011

新加坡勁食生日之旅 Day5

http://hk.myblog.yahoo.com/AABB-happyTravel/article?mid=7013







2010年5月29日 星期六

Spécial Alsace 阿爾薩斯的美食

AF又有Cooking Workshop了
今次主題係:「Spécial Alsace」
法國東北部阿爾薩斯當地傳統料理



是次一樣教授三種食物, 分組製作, 完成後一同分享成果!
這三種食物包括:

Pain d'épices 薑味蛋糕




Flammekueche 阿爾薩斯烤薄餅




Spätzle 特色麵條

(Spätzle是一種pasta, 看落, 有點像山西的貓耳朵. Spätzle是流行於德國、奧地利、匈牙利一帶的Pasta類形,

一條條或是一粒粒形狀不規則的麵粉條, 咬落煙韌, 非常之特別。)

這回教的食物好吸引, 但是我恐怕沒有機會學習了...
因為我有可能將會幹一份很辛苦的工作, 返工時間長, 幾乎是賣身一樣
幸好還能遷就上學, 應該要感恩



2010年5月27日 星期四

Yahoo Blog 第558位


今日發現原來yahoo有Blog排名的!
原來AABB在yahoo blog的排名也不錯呢!
1,165,646 個Blog中的第 558

要努力, 目標是打入「人氣Blog」!


新加坡勁食生日之旅 Day2

Day2 (21 May 2010)



一張舒服嘅床,令我哋瞓醒後精神飽滿!今日去聖淘沙環球影城玩,所以我哋七點半就起咗身!梳洗過後,就搭的士去牛車水亞坤食早餐~



亞坤咖央多










我地叫咗兩個set,新加坡人喜歡食生熟蛋做早餐,佢地鍾意加豉油攪拌,然後用咖央多點嚟食。我哋有樣學樣,不過豉油落得太多,令到蛋汁有啲鹹咖央多真係幾好味,不過點解凍冰冰嘅?如果熱辣辣會更好味!飲埋杯南洋奶茶同咖啡,我哋就出發去環球影城lu

亞坤
地址: 18 China Street #01-01
電話: (65) 6438 3638
營業時間: 周一至五0730-1900﹑周六及日0800-1800

休息: 公眾假期
網址: www.yakun.com




行過地鐵站途中,發現
Hong
Lim
熟食中心搬咗!旅遊書有介紹過架,好彩我哋冇諗住嚟食早餐,如果唔係食白果又唔開心。


依度好似香港嘅公屋



 

新加坡環球影城













前往聖淘沙的其中一個方法是在Harbour
Front
Vivo City內搭sentosa express,入島費SG3,第一個站就喺環球影城喇!去到影城,九點半,天書明明話九點就開門,原來十點先開@@諗住問下有冇得加錢upgrade做快證,點知連買飛counter都未開呀!嚟早咗都好,可以周圍影下相!

   



因為我哋一早買咗飛嘅關係,可以提早入場。其他冇飛嘅人,就只有恨的份兒。入到場,功夫熊貓已經在大街上迎接我哋。因為園內的遊戲還未開放,所以我哋都排隊影相。

樂園地圖同迪迪尼好似,都係中間入,然後向左/向右兜圈行,我哋趁有時間,劃咗個攻略圖,先主攻一些受歡迎遊戲!最後果然成功,頭一個鐘玩所有野都唔洗排隊,中午時份開始多人入園,所有遊戲都要排半個鐘以上,所以後半截好多嘢我哋都冇玩。米芝蓮有個食店評分,等我都整返個「AABB影城評分先」!

一粒星:不玩也沒有損失


二粒星:冇人排隊可以玩下

三粒星:值得排隊玩





古埃及 (Ancient Egypt)



 



木乃伊復仇記Revenge
of the Mummy
☆☆☆



真係好似迪迪尼飛越太空山嘅室內過山車,不過這個更刺激!光是步行入去那段路已經夠驚嚇!過山車在漆黑一片的環境穿梭,並加入了許多意想不到的效果,係幾好玩的。Locker只有半小時免費,其後要收錢




 



尋寶奇兵Treasure
Hunters



類似迪迪尼的揸車,不過依個慢好多。冇人排隊咪玩下囉,否則唔玩都冇咩損失。




 



失落的世界 (The Lost World)



 



侏羅紀河流探險Jurassic
Park Rapids Adventure
☆☆☆



坐在圓形橡皮艇上漂流,最後直衝落水,不過我地唔敢玩,所以評論唔到,哈哈。



 



天幕飛行Canopy
Flyer
☆☆



坐在雙腳懸空的坐椅上,在高空飛行,繞過「失落的世界」一周。整個過程30秒左右,工作人員話唔快,只係欣賞風景,但係衝落去果下同返去果下都有少少離心力,有少少嚇親架。




 



恐龍騎士Dino-Soarin



似迪迪尼的小飛象,不過佢換咗隻龍。因為玩過類似嘅嘢,所以冇玩到。



 



琥珀攀岩牆Amber
Rock Climb



即係攀石,不過此項目要另外收費的。



 



未來水世界WaterWorld ☆☆☆



在水世界內,高難度特技表演,令人嘆為觀止的爆炸特效,驚險萬分。每日只上演3場,分別係:130015001700,一定要睇!






遙遠王國 (Far Far Away)



 



史瑞克4-D影院Shrek 4-D Adventure ☆☆☆



好似迪迪尼個4-D影院,不過我覺得依個仲刺激。哈哈,好睇!




 



多話驢耍寶秀Donkey
LIVE



冇玩到,不過估係似迪迪尼個「會面史迪仔」,驢友會出來同大家玩互動talk show



 



小龍飛行學校Enchanted
Airways
☆☆



好似西九龍果部飛龍過山車咁,適合大人小朋友玩的過山車。



 



魔法轉輪Magic
Potion Spin



超迷李版摩天倫,似海洋公園兒童王國果個,不過果個室外,依個室內,都是屬於啱小朋友玩的玩意。




 



馬達加斯加 (Madagascar)



 



馬達加斯加木廂漂流記 Madagascar : A Crate Adventure ☆☆☆



未開,冇得玩。



 



朱利安國王旋轉舞會 King Julien’s Beach Party-Go-Round ☆☆



即係旋轉木馬,不過依個「木馬」好得意,全部都係荒失失奇兵的主角扮演,好特別。




 



紐約 (New York)



 



斯匹堡大導演主持的電影特效片場 Lights, Camera, Action! Hosted by Steven Spielberg ☆☆☆



現場上演一場特效表演,一個空蕩蕩的片場,頓時化身成五級颶風的紐約城,滿目瘡痍觸目驚心。電影特效讓遊客置身現場感受,彷似身歷其景。觀景台有三排,記得站在最前排,更刺激呢。




 



28號片場
Stage 28
(唔知點評分)



一個嶄新的電影製片廠,讓你走進幕後體驗第八藝術的魅力。冇開到,冇得玩>_<



 



科幻城市 (Sci-Fi City)



 



太空堡壘機械戰隊
(
藍色軌道) Battlestar Galactica
CYLON
(唔知點評分)



太空堡壘人類戰隊
(
紅色軌道) Battlestar Galactica
HUMAN
(唔知點評分)



大名鼎鼎的雙軌過山車,樂園未開已經出晒名,人人爭相報導。不過由於先前發生了一些故障而暫停開放,直至另行通知為止。喜歡刺激的人可能會覺得好可惜。



 



旋轉飛盤
Accelerator
☆☆



似海洋公園激流隔離果個飛盤。AABB一向不愛刺激,所以冇玩到。



 



好萊塢 (Hollywood)



 



好萊塢劇院Pantages
Hollywood Theater
☆☆



環球影城一班怪獸的Rock-n-Roll歌舞SHOW,東方人可能會覺得悶d,好多人中途離場。表演員好投入,喜歡搖滾樂嘅朋友應該鍾意。




    

    

    

     買個獎送俾伴侶,一定tum得佢好歡喜





AABB遊園小tips

.園內嘅飲品偏貴,且選擇唔多,建議自行帶飲料。


.食物價錢較公道,例如一碗喇沙麵$43hkd,都未算好離譜,大家可以自擕食物入場,或者在園內吃都可以。

.建議預先買定飛,透過官網或TravelAgent訂購均可。我是在Asia Travel Care個「facebook有獎」問答遊戲中以優惠價買的,$340 only,慳咗$30

.建議在平日時間遊樂園,並且早到半小時以上。

.入場後先攻喜歡的遊戲,這樣不用花太多時間排隊。

.到場執生!如果太多人,買fast
pass
較化算。







因為早入場嘅關係,所以玩到3點我哋就離開環球影城,前往聖淘沙其他玩樂景點。烈日當空,太熱了,依個時候去玩簡直係折磨自己,所以我哋去左Toast Box坐低飲杯野抖下先,叉足電,又再出發!第一個玩樂區就係期待已久嘅MegaZip





MegaZip 極速下山 ☆☆☆







先前的文章已經介紹過,MegaZip是看似超激的索道滑行,單靠穿在身上的一個扣和一組滑輪,從山頂越過樹林頂一躍而下,不消45秒便滑到400米外的小島上!先前一直好期待,但當上到山頂,買埋飛之後,我開始「拗底」。望住個高台,越諗越驚,驚到想縮沙。猶豫咗好耐,我走埋櫃位同姐姐講:「I feel scared and nervous, can I refund my money?」跟住佢話唔洗驚,唔會好快,just 50km/h,初時可能會驚,但落到去之後,you feel nothing。仲補多句:”You Must Try it!” Really? ? 我懷著半信半疑的心情再次踏足這條路,但我真係好緊張,幾乎同每一個工作人員都講一次「我好驚」。因為兩個人體重不超過150kg可以一齊玩,所以我就要求同A先生一齊。上到去高台,因為我好緊張,非常唔合作,擾攘咗好耐終於出發!頭幾秒真係好驚,有離心力,但係正如姐姐話齋,跟住就free falling,好free好爽好正!玩完的確想翻啅!但係太貴了,玩完都唔洗30秒。下次有機會,我要一個人飛落去,嘿!

   



玩完MegaZip,我地沿著沙灘步行去另一邊玩Luge & Skyride。當時天氣好到不得之了,看著比堅尼女郎曬太陽,肌肉男在玩滑浪,令到整個人都不禁懶洋洋起來!聖淘沙果真是一個渡假聖地~

   

Luge & Skyride 斜坡滑車 ☆☆☆



斜坡滑車(Luge)是從新西蘭引入的玩意,駕駛者從樓高12層的山坡上,沿著650公尺的跑道迅速滑下,拐過一彎又一彎,完全自主控制車速加倍刺激!旅程5分鐘,玩完想再玩?可以乘坐吊車(Skyride)經過320米的索道返回山頂,全程懸著雙腳,腳下是綠林,遠眺是美麗港灣。

這又是另一非常期待之玩意,玩完之後都冇令我地失望,真係非常之好玩!A先生直頭愛上這玩意,回來後一直排念著呢~早知咁好玩就買多幾次啦,哈哈!提提大家:跑道有兩條架,一條曲折
d,一條正較直,建議大家玩曲折果條,刺激好玩好多架^^

   



玩完滑車都已經六點,原本plan咗睇Song of the Sea,但係因為類似嘅表演已經睇得太多,突然失去興趣,所以決定提早走,出去市區食好嘢!嘻嘻。



 



今日係我B小姐生日,唔買返個蛋糕慶祝下點得?據我所知Vivo City內有間Secret Recipe,芝士蛋糕好出名,橫掂順路梗係要買嚟試下啦!款款都好吸引,最後揀咗oreo
cheese cake & marble cheese cake
。買完就去新海山。




 

惹味招牌黑胡椒蟹 - 新海山



新海山是一間出名的海鮮餐館,招牌菜是辣椒炒蟹同黑胡椒炒蟹!不過搵依間新海山就辛苦了,本書話由Outram Park 或者 Tiong Bahru行過去10分鐘,但係又唔講邊個地鐵站出口,個地圖大到呢……真係唔好再放大d?我真係冇可能確定到我究竟方向啱唔啱,結果,行完一次又一次冤枉路,最後問人,佢話距離好遠架,起碼行半個鐘。跟住佢教我地搭巴士,33號﹑63號﹑851號。很有趣,佢讀個threetree,以下係我哋嘅對話:



Thirty TreeSixty TreeEight Five One」路人



Thirty Tree? Pardon, do you mean Fifty Three?」我



No! Thirty TreeSixty Tree & Eight Five One」路人



Thirty THREESixty THREE & Eight Five OneA先生



Yes! Thirty TreeSixty Tree & Eight Five One」路人







我地重覆時讀Thirty
THREE
,佢都係要講返TREE,係咪個個新加坡人都會咁嘅呢?

上左巴士過咗幾個站,順利去到新海山!一坐低,侍應強烈向我哋推介冰涼蘆薈,話自家制好清甜。唔知係乜嚟,叫左一碗試下先,唔飲由至可,一飲停唔到。味道清甜又冰涼,有啲似檸蜜味道,不過清新版,蘆薈又好好味。不消一會,就俾我哋飲晒!本來想叫多碗,但係太貴了,成六蚊坡紙,都係叫壺茶算了。點咗隻黑胡椒蟹,同埋椒鹽蝦。椒鹽蝦炸得好脆好入味,蝦好新鮮,蝦頭好多膏!食咗一陣,隻黑胡椒蟹都上埋,聞落香噴噴,已經流晒口水,急不及待搶隻蟹鉗嚟食,黑胡椒好香,
d汁好惹味,蟹肉非常鮮甜,好食到停唔到口,A先生話好食過無招牌!隻蟹好快就俾我地食完,好唔捨得呢>_< 今餐好和味,價錢仲和味呀,足足食左SG104,差唔多六百蚊港幣!樣樣都收錢,擺明lur遊客水,建議大家自備濕紙巾,下次要試埋隻辣椒蟹先得!

   



新海山的蝦蟹類有很多種煮法,唔食辣嘅朋友可以選擇其他

   


新海山餐館
地址: Block 55, Tiong Bahru Road, #01-59, Singapore 160055 (Link Hotel對面)
電話: 62230810 / 62243905

 參考價錢
 清涼蘆薈----------------------------------------------------6.00
 黑胡椒蟹 (1 x 1000G @ 60.00)-------------------------60.00
 椒鹽蝦-----------------------------------------------------24.00
 茶 (2 x 1.20)------------------------------------------------2.40
 飯 (2 x 0.70)------------------------------------------------1.40
 前菜---------------------------------------------------------2.00
 濕紙巾 (2 x 0.30)------------------------------------------0.60




走嘅時候,我哋都係搭巴士,已忘記幾多號,去到
Clarke Quay MRT之後就慢慢行返酒店,仲食多咗次「阿伯雪糕」呢^^