2009年7月30日 星期四

A先生的華東之遊後感

這趟華東之旅的主要目的本來是欣賞百年以來最長的日全蝕,最後因為天公不造美﹑烏雲密佈雨紛妢下,只感受到我廿多年來最短的日夜換變,也沒差,蠻有趣的。
老實說,沒多大失望的感覺,日全蝕還不是就在我眼前。只是隔著一牆雲,看不到,卻感受得到。好歹也是與它交融過。欣賞要用心。

杭州,翠綠清幽的一個休閒城市,看到的盡是清新景致。常言道”生在蘇州,住在杭州,食在廣州”,杭州好住的地方就在於她的”閒”。全城樹蔭婆疏,看著樹影搖曳人也不自覺庸懶起來。走在行人道,累了總會找到給你閒坐的椅子。而她沒有半點工業,同時評為全國治安最好﹑衛生最佳的城市,好住之處不用再申述了。

杭州有著聞名的西湖,什麼”斷橋殘雪”﹑”平湖秋月”﹑”蘇堤春曉”,西湖十景全都看不到。看不到不是找不到,而是季節不對﹑時間不對。例如斷橋殘雪,說的是橋上積雪一半因日光融化,一半仍然雪白,在遠處看起來似是橋斷了,因而得名。找一個冬天,我會再來,起碼不用在38度的高溫下汗流浹背遊西湖。

西湖擁有濃厚的歷史背景,很多名人逸事都環繞西湖發生。”西湖之夜”,一個絕對值得一看的表演,集歌﹑舞﹑劇﹑功夫﹑雜技﹑樂器於一身,演的就是西湖二三事,包括梁祝之戀﹑岳飛征金。全劇質數很高,目不暇給。女子們身段優美,這就是導遊先生所說的”杭州女子美在腰子上”。

杭州是華東之旅的第一站,緊接下來是平日都帶點聖誕氣氛的無錫。

同A先生相比...我的文筆實在太爛太爛了>_<
慚愧慚愧......

2009年7月25日 星期六

回來了!

終於從華東回來了~
昨天累到不得之了,今日才有精神跟大家講講感受。

雖然整個旅程也是走馬看花,日全蝕又看不到(嗚嗚...),不過遇著一個好領隊及導遊,令到旅程生色不少!好的領隊及導遊是十分重要的!

今次旅程去了杭州﹑無錫﹑蘇州﹑上海。她們四個城市給我們的最深印象是:
杭州很綠化,很乾淨,空氣清新,生活悠閒,少女身材很好。
無錫很古靈精怪,周圍都是紅紅綠綠藍藍的燈串,包圍大樹﹑天橋﹑大廈等,搞到好似聖誕節,但一點美感也沒有,超奇怪的!
蘇州有著很濃郁的中國文化色彩,最多歷史遺跡,女生個個都是嬌聲嬌氣的,很溫柔。
上海很像香港,五光十色之餘,又保留很多古舊建築,新舊文化的交替,形成城市獨特的一面。上海姑娘個個都很白淨,條腿又修長。最重要是,十個有九個都是美女。

跟旅行團,可以說是一個 pre-Trip,去一次探索,知道當地有甚麼更值得去的地方,就留待下次再去。這四個城市,都有她值得重遊的地方,有機會我一定要再來。
不過給大家一個小忠告,去華東千萬不要7月8月份去,熱到痴線!我們頭兩天在杭州無錫,有38度高溫,不消3秒,便冒著汗...聽聞8月還會超過40度的。若不是為了「日全蝕」,我一定不會在炎夏來。問過許多當地人,都說4~5月份來是最佳季節,屆時開滿花朵,天氣又涼快,實在詩情畫意。

看不到日全蝕,讓我整一張造假照來安慰一下自己吧!


接著我會在我快要忘記之前,盡快寫遊記,大家耐心等待一下吧:)


2009年7月18日 星期六

華東日全蝕5天團 行程資料

華東日全蝕5天團 行程資料


Day 1 杭州 [南山路藝術休閒特色街﹑西湖之夜(自費)]

住宿: 杭州海外海國際酒店 http://www.hwhhotel.com/index.jsp


Day 2 杭州 [西湖(包乘船)﹑孤山公園﹑秋瑾墓﹑龍井茗茶]--桐鄉(中國菊花之都)--著名江南烏鎮水鄉(自費)


住宿: 無錫美麗都酒店 http://www.milido.com/default.asp


Day 3 無鍚 [錫惠公園﹑寄暢園﹑太湖風景區(珍珠館)紫沙茶具專門店]--蘇州 [寒山寺]

住宿: 蘇州春申湖酒店 http://www.cshrh.com/home.htm


Day 4 蘇州 [盤門景區觀世紀日全蝕] [絲綢廠]--上海 [新天地廣場﹑石庫門城隍廟(上海老街)南京路外灘夜遊黃埔江(自費)]

住宿: 上海唐朝酒店 http://www.greattanghotel.com/


Day 5 上海 [同仁堂﹑上海環球金融中心天祿城]

住宿: 自己屋企^o^




膳食




第一天




第二天




第三天




第四天




第五天














酒店內




酒店內




酒店內




酒店內









飛機上




梅家塢茶農宴




蘇阿姨雲吞




上海浥幫小菜




自費









西湖醋魚﹑東坡肉




無鍚排骨﹑太湖銀魚




昆曲主題餐廳




魚翅撈飯




飛機上




華東世紀日全蝕5天住宿資料

華東世紀日全蝕5天住宿資料

去完茶會, 終於知道了行程資料。航班時間都唔錯喎, 午機去, 晚機返。
杭州入, 上海出, 全程不走回頭路。

19 JUL 去程航班:MU594 香港-杭州 (11:35~13:35)
23 JUL 回程航班:MU725 上海-香港 (20:00~22:20)

住宿方面, 又唔係咁差乍喎, 真係住返報團講過果幾間。
最好就係蘇州果間, 有湖景, 不過靚又點丫...第二朝一早就走。

Day 1 香港->杭州
住宿: 杭州海外海國際酒店 http://www.hwhhotel.com/index.jsp
地址:杭州石祥路579號 (0571-88176666)


Day 2 杭州->無錫
住宿: 無錫美麗都酒店 http://www.milido.com/default.asp
地址:梁溪路2號 (0510-85865665)


Day 3 無錫->蘇州
住宿: 蘇州春申湖酒店 http://www.cshrh.com/home.htm
地址:相城區春秋路1號 (0512-87650000)


Day 4 蘇州->上海
住宿: 上海唐朝酒店 http://www.greattanghotel.com/地址:嘉定區安亭寶安公路4339號 (021-39586666)


Day 5 上海->香港
住宿: 自己屋企^o^



世紀日全蝕 團員介紹


上回講到,世紀日全蝕團我地一行6人。
除了我B小姐同A先生先外,仲有有T先生,B先生,M小姐,C先生。
今日等我介紹一下先~

趕走「莫拉菲」



如果對住個天呼氣係有用的話,我相信我一定會不停「吹」,仲會叫埋d friend一齊幫手!個風真係打到正,不過旅行社話8號風球都唔代表航班一定延誤或取消,要視乎當時的風速。我地11點幾起飛,亦是颱風最接近本港o既時間。如果入左風眼o既話,可能我地可以順利起飛喎!

盼望奇蹟


2009年7月17日 星期五

「莫拉菲」打到o黎!

點解...今年發生咩事!
已經連續3個颱風在weekend打到o黎,上星期先打完,今個星期又o黎多個,想點呀......=.=  今次仲要吹到正一正!上天文台個網睇下條路徑圖就知
http://www.hko.gov.hk/wxinfo/currwx/tc_posc.htm

熱帶風暴  莫拉菲


打風都算啦,千祈唔好打8號呀>_<
打8號都算,千祈唔好阻住我起飛呀>_<
預測最接近香港係7月19號朝早......
19號朝早我起飛哪......

God Bless Me

嗚嘩......


2009年7月15日 星期三

中國各省3D電子地圖



http://www.edushi.com/

如果你打算在中國自由行,想搵地圖幫你認路,而家除左Google Map同Google Earth之外,仲多個選擇俾大家,就係E都市三維電子地圖

上圖是北京天安門區的地圖,你地以看到建築物都是3D立體的。
比較美中不足是不能夠轉換角度,不過都能夠理解的。
中國許多城市都被列入搜尋範圍內,連香港都有,不過好像唔完整的,香港暫時只有油尖旺區及港島北區。點都好,總算多個選擇啦。


2009年7月8日 星期三

AirAsia 新航點:香港飛檳城 $443來回


Air Asia又有新驚喜俾大家~
今次係新開香港直飛的新航點:檳城
價錢仲要超吸引
$443 來回香港<->檳城 包稅包燃油費

由現在至 7 月 12 日預訂香港至馬來西亞檳城單程只需 $238,經某網站測試過,回程好多只是 $205。即係話來回夾埋都只係 $443,仲有已經係包稅和燃油附加費。其他航空公司一般都要二千以上。我有朋友過幾日去檳城玩,張機票都要千六,仲要係飛吉隆坡,而家直飛檳城都只係$443,真係抵到爛!檳城出名多美食,又平,四百多元就可以去旅行,真係同去澳門差唔多!一定要 7 月 12 日前預訂喎!

出發日期:7月31日至2010年4月30日

航班時間:

香港 / 檳城   1020 / 1405
檳城 / 香港   0600/ 0940

按此網上預訂

溫馨小提示:票價不包括餐食,網上預訂餐食可享最多八折優惠。托運行李,每件 $12 ( 15 公斤 )。




2009年7月5日 星期日

香港遊:「天水圍元朗2天遊」

小周末兼夾是15周月紀念日,所以我們來個小慶祝。
自從上次試過馬灣兩天遊之後,上左癮,原來香港都有好多玩法o既。

適逢priceline做暑假promotion,天水圍嘉湖海逸,周末入住都只係$391,真係好抵喎!香港2天遊,在香港都住酒店,一來有去旅行的感覺,二來又可以促進香港旅遊業XD

今次主題是:「天水圍元朗2天遊」

天水圍最出名o既景點莫過於濕地公園,不過今次我地冇去,是關我地懶訓,同埋兩日都落雨。
於是我地就改變策略,睇戲同周圍食。
哈,2日入面食左好多好野,揸住張地圖周圍去,好似自由行咁!
最搞笑係一到步,就有人前來問路。

男人:「請問你知唔知嘉湖銀座係邊架?」
A先生:「我地都係第一次o黎架乍」

香港人問香港人,真係好好笑,大家都係大鄉里出城咁。


對於九龍人同香港人o黎講...第一次o黎,真係會俾依個「輕鐵路線圖」嚇親

除左住在天水圍之外,我地食同玩都主要在元朗。
原來元朗有好多好野食,同埋有好多好多好多人!
條路好窄,d人又多,感覺好似行旺角咁。

我地今次旅程食左泰國野,台灣野,同埋意大利粉,真係大飽口福。


依間野真係好多人食,座無虛席。湯底真係真材實料,冇味精,不過我喜歡雞湯多過牛肉湯,略嫌它唔夠甜味。雞扒真係唔錯,又夠大碟,真係好抵食!至於金錢肚,味道幾好,不過唔夠爽口。


依間泰國野係泰國人開的。openrice找不到的,是同事S介紹我食的,位置在小茄子隔離。個生蝦刺身$58,份量都幾多,都幾好食架我覺得,最正係個汁。個冬陰功就真係好麻麻,味道唔正宗,又是有落蕃茄的,同埋唔夠辣。個咖哩炒海鮮,其實原本想食炒蟹架,但因為蟹賣晒所以先叫海鮮。咖哩汁好正,海鮮有青口,蜆,魷魚,蝦等,用來點蒜蓉包就最正!另外我地要特別讚下個waitress幾體貼,A先生點名嘉許。佢俾多張枱我地放餸,佢行過順風耳聽到我地話d蜆唔熟又問我地洗唔洗兜番熱佢,同埋佢見我睇電視,佢執緊野都行企過隔離,怕阻住個電視,笑容又親切,廣東話一流。


依間意粉小白屋,睇佢平平無奇,原來個白汁蜆肉意粉好食到你唔信!個汁好鮮甜,吸收晒洋蔥同蒜蓉o既甜味,又有蜆o既鮮味,意粉彈牙,口感一流。反而個牛扒就差d哪,冇錯係好大塊,肉質不賴,不過味道未如理想,個薯蓉都唔好味。依兩個係set lunch o黎o既,跟餐有湯同蒜蓉包,個湯麻麻又細碗,但係個蒜蓉包好好食,同埋杯餐茶凍朱古力幾好飲。四十幾蚊一個餐,有咁o既質素,真係唔錯!(我講緊個白汁意粉)

講完食,講玩。
台灣野附近有間寵物店,見到隻貓貓好靚。



佢仲識望鏡頭,真係乖^^

廂入面有3隻貓,佢地各有不同性格。



黑色紋果隻貓貓隻前腳超級短,唔知係咪有問題呢?不過佢好活潑,周圍撩人玩,但係佢成日俾其他貓蝦好可憐。

白色果隻貓貓好霸道,佢訓住d貓砂唔俾其他貓侵佔,當黑紋貓貓想走入去,白色貓貓就會出爪攻擊,靚女貓貓都唔敢惹佢。



黑紋貓貓好鍾意玩靚女貓貓條尾,但係每次佢搞親佢條尾,都會被靚女貓貓攻擊。

我地就咁同幾隻貓玩,又消磨了半小時。

然後我地逛左元朗最出名o既千色廣場,地庫有間機鋪。
表面上係遊戲機中心,但係入面有一半的game都看似是賭場game,有老虎機,跑馬機,俄羅斯輪盤等,差在d代幣冇得兌番錢o者!


之後我地去左三聯打書釘。這是我和A先生最愛的活動。

講完玩,講下住。
今次入住嘉湖海逸酒店,我地都係住超高層,不過此高層不同彼 (如心酒店) 高層。26樓同60樓個景係唔同o既~

但係望住天水圍公園,個景都幾靚~
夜晚公園會著起零星的燈泡,好似星星咁,好靚架!

跟住等我地好朋友鴨仔為大家介紹下房間o既設施




鴨:「張床好舒服呀,不過個枕頭好似扁左d」



鴨:「原來依度有得煮野食,不過要自己帶煲。今餐就食住『紅燒小鴨』先啦」



鴨:「仲有微波爐,食宵夜都冇問題!」



第二日o既活動係睇<<冰河世紀3>>,套戲幾好笑,好睇~

總括而言玩得好開心,美中不足o既係成日落雨。
d雨係針對我地o黎落架,每次都咁橋,我地在室內,就天晴,我地一踏出室外,就開始落,越落越大。有冇咁巧合呀???

今次o既「天水圍元朗2天遊」報告完畢!
下次再去第二度玩,一於玩盡18區,呵呵呵~


2009年7月2日 星期四

2010 上海世博會 門票現正公開發售


幾年一度的「世界博覽會」,明年將在上海舉行,展覽日期是2010年5月1日到10月31日,主題為「城市,讓生活更美好」。門票已於昨日起接受預訂。世博會個人門票分兩種,平日普通票每張人民幣160元,但在指定日子,例如似「五一」勞動節、「十一」中國國慶長假期以及世博閉幕前1星期,每張門票需加至200元

2010上海世博會 官方網站: http://www.expo2010.cn/

世博會係乜東東?

世界博覽會(World's Fair),又稱國際博覽會及萬國博覽會,簡稱世博會,世博、萬博,是一個具國際規模的集會。參展者向世界各國展示當代的文化、科技和產業上正面影響各種生活範疇的成果。

去年的西班牙世博會,主題是「水世界」,我沒有去過,但是從旅遊雜誌中看見非常精彩!25公頃土地,多達140個國家參展,各有特色,要走完整個展場需要3天,可見其規模之大。

明年上海的世博會,香港人佔有地利優勢。搭飛機去上海,總比去西班牙平得多,住宿及門票又相對地便宜,有興趣的話不要錯過呢~
錯過了今次,便要等到2012年去韓國睇了。