2012年12月18日 星期二

禦寒裝備: 雪褲篇

最後一個item, 亦係十分重要o既item, 就係「雪褲」了! 去到零下廿幾度o既地方, 一條好o既雪褲一定唔少得!

有銀兩o既就梗係買條好d架啦, Columbia 羽絨膽開倉八舊幾, 戶外城其他牌子羽絨膽四舊幾。不過A先生B小姐都唔係喜愛滑雪的人 (秘密: 我地連雪都未見過架), 咁就想買條經濟少少o既~

尋寶o既地方有好多, 花園街係其中一條熱門尋找平雪褲o既好地方! 好多車仔檔都有賣雪褲 / 雪褸 / 手襪等! 其中比較多人講o既, 就係依間「威記」~




阿老闆娘超pro, 一來就問你去邊度, 因為去北歐、哈爾濱、北海道、冰島、北京等都有唔同o既介紹。驟眼望有幾款, 小童size $99, 成人由$119-159都有, 仲有雪褸。我地話去北歐, 佢就介紹左條有內褲管o既俾我地, 可以雙重保險包實對腳, 有索帶, 唔怕入風。老闆娘話著住佢, 零下22度都唔怕, 裡面乜都唔洗著。除非好大風雪, 又或者本身好怕凍, 就可以加多條打底褲。雖然唔係羽絨膽, 不過外表堅防水, 內膽係fleece, 已經足夠。每條褲出街老闆都會即場倒水證實防水, size唔o岩可以拎返o黎換。







$159一條, 我地買兩條, 最後老闆娘自動波計平左, 齊頭$300。

老闆娘仲教埋我地點保養, 成條放入洗衣機洗, 可加洗衣粉, 但千萬不要加柔順劑。洗乾淨之後反轉條褲掠乾, 即成!

睇左好多間, 依間d料唔錯, 而且老闆服務又好。大家有興趣可以去睇下~

檔名 : 威記 (專營:透氣雪褲, 透氣快乾褲)
地址 : 花園街200号對出排檔
電話 :  9780 4389



******************************************************************

另外我在花園街199號對出排檔亦看到有好多雪褲賣, 大約在太子天使化妝品店行過十零個舖位左右。依檔價錢仲平, 不過我沒有逗留太久, 找出威記便直接在威記買左, 因為見有前人介紹過。大家有興趣也可去比較一下質料是否有別~

以下係Blog友的報料:

除威記外,係花園街189 同215 號前面排檔都有好多雪褸雪褲,佢哋啲貨品好專業,好防水同保暖,仲可以上佢哋樓上舖慢慢試 ,仲多款又靚, 職員會介紹最啱你用嘅嘢。值得推介。
地址:花園街189 同 215 號前面排檔
樓上舖:189 兆業大廈1樓c座
電話:2380 3238
www.carlsskishop.com.hk





其他資料:

赤柱出口店亦有特平優質雪褲賣, 地址不祥

荔枝角地鐵站(大南西街出口)
醫局西街1035-1037號,匯華工廠大廈7樓C11室
開放時間 : 星期一至五 11am - 8pm  星期六 11am - 6pm






10 則留言:

  1. 我暫時未著雪襪,三對襪ok暖..最低應該Kemi, around -24度

    [版主回覆12/26/2012 17:08:27]hello, 多謝你o既分享呀!!! ^_^
    平安夜收到你個message覺得好warm~~
    Kemi真係超凍呀 係呢, 你睇唔睇到極光呀??

    回覆刪除
  2. 可惜未見到,前幾日跟safari上山,只有星星同月光,佢無出現,而家係Kakslauttanen,希望今晚會有!

    [版主回覆12/27/2012 02:09:12]你有冇download iPhone個app呀? "Aurora Fcst" 可以predict到一星期內的極光指數, 仲有一日內唔同時段o既強弱指數~ 可以睇定咩時段最強, 再較鬧鐘睇丫
    祝你好運^^

    回覆刪除
  3. 有,呢幾日都差差地,不過聽講未必準,我會係glass igloo前塊空地等架啦

    [版主回覆01/14/2013 00:07:47]最後你等唔等到呢??

    回覆刪除
  4. Hi, 我想問下你去左旅行未呀?? 條雪褲掂唔掂呀??

    [版主回覆01/14/2013 00:08:16]未出發呀, 仲有半個月左右, 好緊張呀!!
    我返o黎話你知掂唔掂丫~~

    回覆刪除
  5. 我咪係Inari睇到囉~可惜moon太光嘛....唔係會好明顯呀....你就出發,祝你睇到勁靚既......~記得post出黎呀~~

    回覆刪除
  6. 我咪係Inari睇到囉~可惜moon太光睇得唔夠勁呀嘛...你好快出發...替你緊張...!

    [版主回覆01/16/2013 00:05:52]係呀...我好緊張, 仲有半個月左右!!! 不過其實我都打定輸數...因為近來d指數都係1, 2咁, 連續十幾日都冇試過出現3以上......>_< 沒有期望, 就冇咁失望。

    回覆刪除
  7. 唔洗太過著重AURORA指數...因為佢地唔一定準....!

    不過我都贊成..沒有期望, 就冇咁失望...到時你見到既喜悅會更大...唔好唸咁多...ENJOY個度既每一日啦~~

    [版主回覆01/16/2013 22:37:47]係呀^^ 所以都係平常心面對, 如果今次真係睇唔到...就遲d去挪威, 加拿大再睇過! 係呢, 你旅行中對食方面及買手信方面有冇心得可以分享下呀?

    回覆刪除
  8. 食:我住既eurohostel,guesthouse borealis,hotel kakslauttanen都有kitchen,本身自己帶d油,salt,sugar,pepper,豉油同蒜作調味料,另有米(因為天寒地凍想食飯)..再到當地超市買新鮮食材...而有d地方無kitchen,先出去食...出面我食得最多係pizza事around euro10起),好味亦最經濟...其實tallinn我食過2間餐廳,都好好味而又不貴(TURG RESTAURANT & MIX RESTAURANT)....TURG係TOWN HALL附近.PIZZA好正!..而MIX真係經過遇到,我都忘記地點...但佢既TOM YUM功湯(我覺得係WESTERN STYLE)同RISSOTO係好好味,埋單都係約13 EURO...同港澳餐廳差不多價錢...

    另外我建議你帶小量杯面,即食面,因為當地食得包多,好多時想食D濕野...我同老公帶左好多唔同款杯面當宵夜,都幾好...(記得帶熱水壺煲熱水,99%RECOMMEND-除非你自己唔需要飲熱水OR杯面!)

    佢地既湯都幾飽肚...細食的話分分鐘一湯配面包已經一餐啦~

    手信:FAZER好出名,D CHOCOLATE真係幾滑,我覺得做手信幾好, FAZER有太多款色供選擇,慢慢揀!超市都有FAZER,但咁多地方,我發覺FAZER專門店@RANUA ZOO係最平最多款...一盒CHOCOLATE,出面D超市可以貴1-2EURO...!!你可以上網搵邊永有FAZER專門店,如果方便咪去專門店,個時我去開RANUA ZOO@ROVANEIMI,當地D人同我講佢比出面D SHOP平架...之後我證實左佢地岩!

    不過CHOCOLATE比較重....要注意...另外SANTA CLAUS VILLAGE寄POSTCARD啦~問定朋友地址...我覺得都不錯既手信OPTION~買POSTCARD連寄,應該OVER 2 EURO,但有個靚靚CHOP,點都要寄下架~

    [版主回覆01/19/2013 00:51:00]嘩~~超詳細o既回覆呀!!! 資料非常有用呢, 多謝你!!! 原來你帶左咁多野去....有米, 咁你咪帶埋電飯煲? 我都好想食飯, 但係又怕行李好重呀! 另外仲有熱水壺...酒店不是有提供的嗎?

    住果邊最後Tallinn我都放棄左OldHouseApartment, book左另一間好近碼頭又近市中心o既Apartment^^

    回覆刪除
  9. 咁Tallinn你book左邊間apartment?我無帶飯煲,只要有米,咁就煮到飯架啦~當然住既地方有kitchen(咩煲都得,包括最簡單煮公仔面個d)....

    我出發前預計自己會煮2至3次飯,所以準備了這份量既米..所以唔算太大負擔~

    熱水壺係一個blog友提我帶~我本身勁中意飲熱飲,又想用返私家壺,加上我住既地方唔肯定全部有熱水壺(overnight vr train個晚肯定無啦),所以自備定無衰...其實我既熱水壺size都唔大,百幾蚊一個之嘛,我日日都用佢,對我黎講係Must! 你可以check下自己住晚地方有無,如果有你咪唔需要帶囉~~

    呢間就係我Tallinn食既dinner,pizza好味又經濟(個人覺得),你可look look:
    http://www.tripadvisor.com/Restaurant_Review-g274958-d1520379-Reviews-Turg_Restaurant-Tallinn_Harju_County.html

    呢間係我食lunch既地方,我又覺得好好味,比你參考一下(唔查唔知,原來tallinn佢排第3,haha):
    http://www.tripadvisor.com/Restaurant_Review-g274958-d3136669-Reviews-Mix-Tallinn_Harju_County.html

    [C遊遊回覆01/29/2013 07:09:18]好呀,支持帶米去煮!超市食品新鮮,想方便可以買啲調味好嘅肉類,一煎就食得!我都好懷念芬蘭呀...祝旅途安全愉快

    [版主回覆01/28/2013 23:53:06]多謝你o既分享^_^ 本來我冇準備到fleece, 不過我件褸個羽絨膽好似唔夠厚, 所以都係買多件fleece打底穩陣d! 唱錢果度多謝你o既意見, 我會唱定多少少保平安^_^

    臨出發, 我已開始思鄉, 已經預計到旅程中會好想食飯, haha....我諗我都會帶d米去煮^^

    仲有幾日就出發了, 好緊張呢~~希望到時天氣好啦!

    [C遊遊回覆01/21/2013 21:00:44]其實每個人接受程度都唔一樣,但我話你知我點著啦(比你作參考):→溫度-7至-27度都有,,,,,

    一件南極人或一件貼身保暖底衫+一件面衫(厚既fleeze質地或毛冷唔太厚質地)+1件短身羽絨+1件columbia長身既羽絨 (我係超易凍既人)

    而我老公就3 or 4件,底衫南極人+面衫+1件columbia羽絨

    至於唱錢,我地計好要找數既錢外(酒店,transport等),其他準備左1000幾歐+1萬幾hk$$,但最後用左around 800歐 only....

    每個人消息力都唔同,帶幾多好難比意見你....不過我成個trip食(其實出街食既次數唔多),買自己野and手信就800幾歐...

    [版主回覆01/21/2013 02:01:14]我check過所有酒店都有熱水壺, 除左火車果晚, 同埋搭船去stockholm果程唔肯定之外...所以我諗依樣野可以skip^^ 風筒都check過, 都係差不多所有酒店都有, 又可以skip^^ 食物我裝左半o急, 我估都唔會放棄架喇, haha, 因為旅程中最大機會煮飯係頭一個星期 (3日住apartment, 3日住小木屋), 所以頭一個星期盡量清晒大部份食物, 吉返個o急o黎之後買手信。到左Tallinn, Stockholm & Copenhagen, 就出街食算~ 衫果度, 其實我都冇咩造型架...^_^" 最緊要係保暖, 唔知著一件heat tech底衫, 一件南極人保暖內衣, 一件面衫, 再加件雪褸夠唔夠呢? 如果夠, 我就可以帶少d~~^_^ 係呢, 你果時唱左幾多歐羅去呀? 酒店我打算全部簽卡, 出街食飯都係簽得到就簽, 唱左九百幾蚊歐羅, 唔知夠唔夠呢?

    [C遊遊回覆01/20/2013 23:53:49]你間Tallinn酒店真係ok wo~我之前都無見過>.<~

    其實同飯煲煮法一樣,只係用具唔同左ja...洗米加水煲到變飯就係架啦~唯一唔同係電飯煲會自動煮成飯,用一般煲會自己睇火...

    如果你係中意食宵夜就更加需要熱水壺....不過都係個句,check下如果所有酒店有你咪唔帶囉^^

    風筒我有考慮帶,但最後都無,因為當時我check過我多數既酒店有提供,加上咁凍天氣我唔需要日日洗頭,所以放棄帶風筒

    我去旅行個時帶1大1細急,再加兩個袋,其實我都差唔多用左一個細急裝唒咁滯...雖然去係辛苦少少,但當你無咩選擇又思念家鄉既食物時就覺得值得→我個人感覺..(其實Finland都好多好野食,只係我地差唔多日日都會宵夜>.<..)

    至於衫,基本上咁凍,除左最入面個件底衫要洗/更換,其他都可以keep住著..我個時去11日,都帶左3套面衫換(for影相可以有唔同造型),但最後發覺真係可以減都得,因為外面羽絨基本上好少除,而底衫只需要換最入面個件..

    你想多造型,基本上冷帽/耳甚至頸巾方面著手就ok~我相信好多blog友都好似我咁....

    [版主回覆01/20/2013 20:00:43]Tallinn我最後book左 City Heart Apartments - Rotermanni kvartal, 依間Apartment距離兩個碼頭都唔遠, 400米左右, 由酒店行去市中心都好近, 同埋評分好又抵, 59歐乍。

    你好勁呀!!! 識用煲o黎煲飯, 可唔可以教下我點煮? 我都想食飯, 但係唔識點煮...又唔想帶電飯煲>< 熱水壺都係好提議, 你提醒左我火車果晚冇, 等我好好考慮下先。反而我諗緊帶唔帶風筒......依樣野如果酒店冇都幾麻煩。頭先o岩o岩執完行李, 個o急有一半係食物......omg! 唔係好夠位tim, 衫果度都係好頭痕, 因唔知而家o既保暖褸同褲可以抵受到幾寒冷o既天氣, 所以裡面果d唔知帶幾多好, 帶晒又好重, 帶得少又怕唔夠!

    回覆刪除
  10. 除威記外,係花園街189 同215 號前面排檔都有好多雪褸雪褲,佢哋啲貨品好專業,好防水同保暖,仲可以上佢哋樓上舖慢慢試 ,仲多款又靚, 職員會介紹最啱你用嘅嘢。值得推介。
    地址:花園街189 同 215 號前面排檔
    樓上舖:189 兆業大廈1樓c座
    電話:2380 3238
    www.carlsskishop.com.hk

    [版主回覆01/28/2013 23:56:26]多謝報料呀, 我會將d資料放埋出來公諸同好架喇~~

    回覆刪除