法國好味道．零食/手信

去旅行, 除左遊覽名勝, 購物及拍照外, 其實買手信都係幾重要o既一環! 遲d應該要開返個分類講「世界伴手禮」, haha

B小姐有位好朋友嫁了去法國, 久唔久回來都會帶來一大堆手信。她知我為食, 所以大部份都是吃的。 因為這堆手信實在太美味了, 所以一定要和大家分享!!!




1) BeLIN 芝士餅

分兩種味道, 原味及羊奶芝士味
上圖左上角果盒係羊奶芝士味, 是新口味,
呈圓形花狀, 濃郁o既羊奶芝士味, 帶點騷。
下圖依盒係原味, 四方形, 薄薄地一塊,
香脆, 香濃, 超好味!!!!!!
打開左就忍唔住食晒全盒, 連相都唔記得影......

其實兩盒都好好味, 不過個人覺得原味真係冇得彈!!
鍾意芝士o既人一定要試, 你會愛上它的!

2) St Michel 牌 Galettes 牛油餅

牛油餅乾, 是繼芝士餅後最喜歡的味道。
特別是蘇格蘭牛油酥餅, 甚麼膽固醇、脂肪通通忘記了!
這盒牛油餅, 看似平平無奇, 食一啖, 即刻唔洗講野!
帶點藍罐曲奇的甜味及牛油香, 但口感就不同了, 它亦冇咁油膩。
一盒只係20塊, 很珍惜的慢慢品嚐。

3) Vico 牌 Croutons 蒜香多士

蒜香多士仔, 香港都有得賣,
不過依隻法國出的口感&味道都有點不同。
一打開係超香濃o既蒜頭味 (法國人都比較重口味XD)
每一塊多士size大少少, 質感結實!
咬落去口感比較硬, 好濃o既蒜味。

佢o既質感冇咁適合做零食,
用來浸忌廉湯就perfect!

因為佢夠實, 唔會咁易浸林。
都係值得一試o既產品!



食後感: 好想知香港有冇得賣!
特別係個芝士餅, 真係超好味。
如果香港真係冇, 我估法國o既超級市場應該有~
大家如果有幸去開法國旅遊, 又想買d手信仔, 就去搵下啦~
搵到記得話我知喎^^