兌換最多「飛行里數」の信用卡小攻略

簽得多！儲得快！

對於信用卡積分兌換飛行里數，我呢ｄ師奶仔係有點心得的。我自己有幾張信用卡是First Priority常簽的，以下是令到自己儲到最多飛行里數的小攻略。雖然我唔知我會唔會已經唔updated，如有更好的卡請各位報料呀。

首選：
冇得傾，一定是 DBS 星展銀行 的 Black Card (American Express)
唔好誤會呀，此「黑卡」不用彼黑卡，這只是DBS這張信用卡的名稱。
我研究過，儲飛行里數佢係最抵！本地簽帳 $6 = 1里數；海外簽帳 $4 = 1里數，而且豁免兌換里數手續費，只要你達到最低兌換里數額，就可把積分一次過兌換為里數。如果曾有在友行換里數經驗的朋友應該知道好多銀行兌換里數都要收取「一次性」手續費。另外，仲有一樣超超超好的優點，就係積分無有效日期，永久累積。即係你只要有恆心，總有朝一日可以靠信用卡簽帳兌換到一張、甚至幾張機票。還有其他Bonus如機場免費報章雜誌換領等 (B小姐經常幫襯^__^)。

次選：
DBS Black Card是我的愛卡，但AE始終是AE，不是很多商店餐廳會接受，所以如果冇得簽AE點算？咁我就會簽 東亞銀行的白金卡 (VISA / Master)。
此卡雖然沒有咁多，本地簽帳 $8 = 1里數；海外簽賬(1.95%手續費) $4 = 1里數（只限world萬事達），積分有限期，兌換里數要手續費。但冇得揀之下，佢都係一個唔錯嘅選擇。

次次選：
八達通，因我已把八達通申請了DBS Black Card為自動增值卡，八達通自動增值：HK$250 = DBS$1，所以如果有得「嘟」八達通，我也變相幫自己積緊飛行里數^^ 洗錢都開心左。

次次次選：
除了以上的卡，其實還有一張好正的，就是Citibank PremierMiles信用卡。
．本地簽帳 $8 = 1里數；海外簽帳 $4 = 1里數
．9大飛行獎勵計劃，兌換超過60間航空公司之飛行里數。
．以回贈扣減旅遊消費：旅行社簽帳、航空公司簽帳、海外簽帳。
．無需任何手續費。
擺明呢張就係為左旅遊人士而設的信用卡，可惜......v_v 只受有錢人玩，需要年薪達 $480,000以上，即係平均月薪 $40000 (sigh......) 審批都幾嚴，B小姐曾經意圖搏大霧，結果遭Reject收場。唔知我一生有冇無機會申請到依張卡呢？

好喇，講左咁耐都未入到正題，其實我係有好野介紹呀！就係．．．

DBS Black Card 出左 Master Card Version 呀！！！

一收到封月結單，開心到我呢～仲可以Combine埋現有的AE帳號一齊用，共同信用卡同里數。有埋呢張卡，雙卡合壁，以後儲飛行里數就快人一倍，嘻嘻！拿，呢個唔係廣告嚟架，我真係真心喜愛DBS呢張卡，而真心介紹俾各位鍾意飛嘅朋友。有時我為左儲分，明知商店要收我手續費我都要簽AE，而家唔洗煩Lu ^.^