DAY1 (11 Nov 2013)
2小時前已經抵達酒店了，但影下相，SET好張工作枱，再與緩慢的電腦搏鬥一輪後已經12點幾。這裡很不錯，環境優靜，但是太黑了，酒店無論房外定房內燈光都很幽暗，所以看不清楚周圍環境。
講返今日搭嘉魯達航空，印象中好似係小妹第一次。櫃位CHECK-IN幾快，登機閘口在509都頗遠，要搭SHUTTLE BUS前往，所以要預早半小時去呢。早左上機，但遲左半粒鐘起飛，所以到達嘅時候都遲左。Garuda係印尼航空公司，每日提供一班來往香港及峇里的航班，去程GA857，15:45-20:50；回程GA856，09:45-14:45，明乎其實的晚機去、早機返，係香港人最唔鍾意嘅時間。
 |
| 座位空間足夠唔逼 |
 |
| 有獨立電視 |
機種為波音737-800，坐位乃３－３排列，坐椅空間都足夠，唔會感覺好迫，但又唔算好闊。機艙環境幾新，空中娛樂設備唔係好多選擇，但係電影都幾新，有捍戰太平洋、WorldZ War、極速Turbo、超人等，迎合唔同年齡層的口味。空姐幾靚（這不是重點吧），但是服務態度普通，我不敢說差，因為我明白她們被內地客人不停測試ＥＱ，的確很難對所有人提供優質服務。因為近年國內開放自由行，所以越來越多中國人外出旅遊。身邊已不只聽到一個朋友說搭飛機有過半都是內地客，其實這是很正常。換轉另一個角度睇，其實佢地好可愛：會在機艙內走來走去，空中服務員經常要像小學老師般叫大家返埋位；佢地會用完餐後把垃圾直接走去交給空姐；佢地會跪係張櫈度擰轉身同幾個位後的朋友傾計；佢地好熱情，會主動和陌生人搭訕，例如問你食緊咩。我和其中一個男人傾計，佢地由廣州來香港轉機再飛去峇里，只要玩三天？會不會太趕？？如果佢地係搭嘉魯達去同返，咁豈不是只係玩一日就走？唔係FA
 |
| 嘉魯達航空 飛機餐 (牛) |
4.5小時機程裡，空姐在起飛前派果汁，起飛後兩小時派Nuts及飲品，起飛後三小時派餐，今餐幾好食，我差不多食晒。其實我覺得佢派得都幾密，可以考慮減少一次，因為中間果次佢地missed左某d乘客，你唔出聲都唔俾你。有位團友口喝想要多杯水，問左幾次都冇理佢，於是佢走埋去問佢，個空姐有少少惡咁同佢講：「ＬＡＴＥＲ」，令到呢位團友十分不滿。我們看得出佢對黃種人及外國人的態度是不同的。
 |
| 從飛機上看到的美麗日落 |
到步了，新機場又大又新仲有冷氣，同六年前不同了。過關時遇到一個問題，就是我們是來工幹的，但當中有位團友是拿中國護照需要簽證（之前已做），但我們填入境表時有些填來旅遊，有些填了工作，海關就留難我地，問我地揸香港Ｐassport的點解冇做簽證，好似機即場要我地俾錢，最後爭辯左一輪先肯放我地走。跟住出到機場口，諗住買電話卡，明明寫住60000印尼盧比，但開價俾我地要15USD？佢有解釋話張卡裡面冇金額，有埋儲值額就要15USD，好似有少少唔可信喎……曾經有個客同我講話對峇里印象麻麻，因為好似個個都搶錢咁，心懷不軌，而家有少少感受到。
 |
| 峇里新機場, 今年落成, 大左靚左仲有冷氣 |
 |
| 機場找換店 |
 |
| 出境大堂 |
 |
| 電話卡店 |
 |
| 酒店職員的熱情招待 |
 |
| 接我們的車輛 |
沒有留言:
張貼留言