騎電動車遊 西子灣旗津魚港

Day3.2 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房

西子灣旗津魚港

上次和A先生來過旗津魚港, 很喜歡這裡的小島風情。所以今次再帶好朋來多一次, 換了另一個玩法! 就是騎電動車! B小姐一直也很懷念鐵騎生涯, 自從賣了車子之後也沒有再騎過機車。難得有機會騎免駕駛執照的電動車, 實在很興奮! 租半天NT$350, 可以騎到晚上七時, 經過商討後, 大家也同意踏上這倘「冒險之旅」!

幸福九九出租店

地址： 804台灣高雄市鼓山區麗雄街57號 (西子灣捷運站一號出口左轉20m即可到達)

電話：+886 932 799 172
http://maurun.pixnet.net/blog

Go Go!! City Ringers!!

電動車外表跟綿羊仔很似, 分別在於用「電」起動和用「電油」起動。輕輕扭一下, 那股第一下爆發力好勁, 足以令你突然一支箭標左成米。建議起動時, 應同時左手按實break, 右手慢慢俾動力, 左手同時慢慢放鬆break, 那就不會咁易失控了。起初大家也不太習慣, 特別是最近幾年才學識踩單車的Miki, 初初練習時仍左搖右擺, 令人擔心。後來摸熟左部車之後大家都揸得好順暢, 偶爾失控, 幸好沒釀成大意外。今次終可體驗連人帶車一齊上渡輪, 感覺真係好特別!

渡輪費: 騎士連車 NT$35/人  可用高雄悠遊卡, 船程: 約10分鐘

人氣超大碗芒果冰

我記得以前和A先生來過。老闆娘強烈推介芒果冰, 因為而家當造, 別的季節吃不到! 好, 就來一碗「超大碗芒果冰」NT$150! 真係超級大碗, 成兜野仲大過我個頭, 我們立即發揮「香港人本色」, 影呀影呀影, 影完先食。其實我地食之前真係怕會酸, 因為芒果依家野, 好食與否完全取決於甜與否! 點知食左一啖之後, 我就知我地嘅擔心係多餘! 好食到痺! 我從來未食過咁好味的芒果冰的!!! 佢有蜜糖, 煉奶, 超多芒果, 每一啖冰都係清甜的芒果味!

食完芒果冰, 大家已經蠢蠢欲動, 又想飆車! 出發到而家, 每日都有一個「車」主題, Day1係大腳車, Day2係高卡車, Day3係電動車。我諗今次旅程應改名為:「南台灣車車車車之旅」, 哈哈。既然係咁, 咁就「飆」返轉先啦! 我地都冇睇地圖, 見到有路就飆, 由鼓山渡輪碼頭去到風車公園, 足足跨了大半個島嶼。

飆下飆下, 飆到去風車公園, 但是電動車不能內進。因為時間不多, 我們就原路折返。



現烤小卷 (即燒魷魚)

個人認為這是來旗津港必試的特色小食, 即使本人膽固醇已超標都要食少少。依檔係唔係最好食我唔知, 不過新鮮燒好大大枝咁咬真係好開心。

脆炸臭豆腐

等候魷魚同其他人去廁所期間, 有人走左去買「臭豆腐」, 依隻整法有d唔同, 佢將臭豆腐切粒再放落油鑊炸, 所以粒粒都好酥脆! 而且上面d醬汁甜甜地好好味, 忍唔住食左好多粒!

旗津魚港依度仲有好多「古早味」美食, 不過我們時間太少了!! 所以還未能好好品嚐~ 下次有機會我一定要再來啊!!!

好想試這個赤肉焿, 但當日太多人了

這間餅店有許多「古早味」糕餅

這間鮮蝦餅好似好好味咁