恆春古鎮食食食 - 飽到想死美食團

Day2.5 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

恆春古鎮 (巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)

巷仔內十碗麵

恆春古鎮是電影＜海角七號＞拍攝的景點之一, 「阿嘉的家」就在這裡。我們一口氣品嚐了幾道美食, 先是巷仔內十碗麵, 每天限量賣秘製牛肉麵, 10:30賣至售完為止。店子隱藏於巷子內, 座位不多, 牛肉麵湯底清甜, 蕃茄酸酸地幾開胃, 牛肉很彈牙鬆化, 吃畢時牛肉麵剛好賣完, 我們真的很好彩! 最後6碗, 遲一步都食唔到! 另外我們還叫了一碟滷味, 樣樣都有d而且滷得好入味, 大家轉眼便搶光! 還有個檸檬水, 好清新, 值得一試。

秘店暗藏在街角

開餐

店子小小

賣晒就冇, 想食多一碗都冇

吃完牛肉麵, 小魚哥送上6杯冰凍珍珠奶茶, 令我們好Surprise! 因為之前達達說過想喝珍珠奶茶, 想請小魚哥帶我地去, 點知佢趁我地食牛肉麵時幫我地買, 感激流涕。我地想俾返錢佢都唔肯收, 搞到我地唔好意思。小魚哥實在太好了!!!＞ｖ＜

小杜包子

緊接著下一站小杜包子, 是恆春最人氣的包子店! 聽講阿蘇都有介紹過, 仲曾入選全台10大好吃包子店之一, 風頭一時無兩。包子一共11種味道, 我們試了其中4種, 包括人氣素起司包、辣獅子頭包、洋蔥烤肉包、蛋黃香菇包。招牌起司包, 裡面名符其實好多芝士, 不過感覺味道不夠, 有點失望。反而辣獅子頭包好有驚喜, 裡面有肉汁, 炸菜, 味濃同包子非常夾。至於洋蔥烤肉包都幾好味, 蛋黃香菇包就較為清淡。包子大大個, 食一個都幾飽, 建議多人可以買幾個味道share。

11種味道俾你揀

認唔到邊個包打邊個包? 睇下包子上的顏色點就得了!

素芝士包, 真係好多芝士, 但係味道略淡

阿Bob已經食到想嘔

辣獅子頭包最好味, 小魚哥都話正!

洋蔥烤肉包都唔錯呀



阿嘉的家

吃完包子我們已經飽到想死, 要行下消化一下。去了阿嘉的家, 入場參觀費NT$50, 我地冇入去只係在門口行下影下相。門口有紀念品及名信片售賣, 並提供特色印章蓋印, 門前有郵筒, 買完可以即場填寫寄給朋友。

玉珍香洋蔥蛋捲

參觀完阿嘉的家, 正想上車之際, 俾我發現玉珍香洋蔥蛋捲店!! 洋蔥係恆春及車城的特產, 墾丁的氣候種出來的洋蔥又香又甜, 沒有刺鼻的辣味, 所以成為當地特產, 製作成各類食品, 洋蔥蛋捲就係其中一個名產。玉珍香係恆春最出名的洋蔥蛋捲店, 門口就見到阿蘇和老闆的合照, 還有各大電視台採訪及報導。我們一支箭衝入去狂掃洋蔥蛋捲, 其實蛋捲有好多隻味, 不過招牌是洋蔥, 老闆給我們試食完之後更加唔洗諗, Joanne即是掃了六箱, 哈哈。原來我們去那間是廠房, 不是正店, 難怪見唔到其他遊客, 後面還可以參觀洋蔥蛋捲的生產過程。

製作過程 去片
http://www.youtube.com/watch?v=sCKgRHwmCiM&feature=youtu.be

價錢參考:

禮盒裝 (口味可mix)大盒裝(5包) NT$270

中盒裝(4包) NT$220

小盒裝(3包) NT$170

單包零售 NT$60



永馨洋蔥餅

掃完蛋捲, 我地去掃埋洋蔥餅, 永馨洋蔥餅都係老字號。店內有幾種餅賣: 陽蔥餅、福安餅、乳酪洋蔥餅、鳳梨酥、飛魚餅等, 我地試食過之後覺得洋蔥餅冇咩特別, 反而福安餅是紫菜味有點驚喜。

綠豆饌

最後, 小魚哥介紹我們去食最後一樣恆春小食綠豆饌。綠豆饌是類似糖水的物體, 我們從來都未試過。口感似羹狀, 黏黏的, 像是綠豆+豆粉漿+冰+龍眼, 清清地唔係好甜, 幾清熱的。