2013年4月12日 星期五

南華觀光購物街 (新興夜市)

Day3.3 (29 March 2013) 離開墾丁, 返回高雄, 西子灣旗津魚港, 六合夜市
行程: 阿嬤古早味Lunch-西子灣旗津魚港-南華觀光購物街 (新興夜市)-六合夜市掃街
住宿: 高雄85大樓『85藍海』租屋主題套房

美麗島站  兩個夜市

是晚要去兩個夜市, 分別係新興夜市及六合夜市。眾所周知高雄有兩大知名夜市, 1為六合夜市, 2為瑞豐夜市, 另外還有其他冇咁出名的如勞工夜市, 新興夜市等。六合和瑞豐都各有特色, 前者街道闊落, 就是一條大直路, 所以受遊客歡迎。後者四四方方的設計, 裡面九曲十三彎, 道路較為狹窄, 假日尤其, 擠得水洩不通! 但裡面美食何其多, 又有野買, 又有野玩, 過千個攤位, 就算逼, 都要逼入去感受一下瑞豐的魅力!

好, 講返今晚個行程先, 首先去新興夜市行下, 再轉戰六合。兩個夜市都在好美麗嘅美麗島站! 天光滿是玻璃彩繪圖案, 是充滿藝術氣息的一個地鐵站, 如你看過一眼就唔會忘記。



南華觀光購物街 (新興夜市)就在地鐵站5號出口直行轉左。



南華觀光購物街 (新興夜市)

入口好大個好清楚, 一條有蓋的購物街就在眼前。兩旁盡是賣時裝的店舖, 衫呀、鞋呀, 都是花園街的價錢。
不過感覺就像有蓋嘅花園街囉, 又或者係深水埗嘅長沙灣道, 好似冇咩特別喎!


愛玉冰 NT$20
檸檬愛玉冰, 愛玉本身沒有味道, 口感像啫喱, 浸著微酸甜的檸檬汁, 就像吃檸檬味啫喱, 好清新!


越過購物街, 應該就是新興夜市, 唔少小食檔, 但不是我地杯茶。

另一邊延續剛才的購物街

和女人去旅行, 最慘就是「長長的等待......」


悶悶地, 不如過去對面食d野, 左定右? 二揀一, 揀左台南担仔麵, 誰知捉蟲了, 很難吃! >_<


等野食野, 大家都好勤力


我們點了3樣野, 少食多滋味。
旗魚丸湯, 一般, 湯頭唔夠味。
担仔麵, 淨係賣相都輸晒! 肉燥得果幾粒, 湯又唔好飲, 唔知係乜嚟...跟度小月擔仔麵差好好好遠呢~~
米苔目, 是最特別的, 麵條似我們香港的銀針粉, 乾撈了少少肉碎, 都係冇乜味。


後來才知, 原來隔離「老李排骨湯」才是好野, 二揀一都揀錯! Oh!
食完野, 轉戰六合夜市! 由新興夜市行過去約10分鐘。


美麗島的上蓋, 都好美麗啊





沒有留言:

張貼留言