高雄 足藝泡腳會館

Day 4.4  (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

足藝泡腳會館

逛完夜市, 我們對腳都很累了, 突然看到「泡腳按摩」的廣告, 今次輪到我地班女仔雙眼發光! 幾天旅程真的累壞了, 好想好想按摩, 腳底按摩+肩部+頸部+背部+泡腳+熱敷+搥腳  只要350元, 班男仔對按摩完全冇興趣, 達達和阿Bob累了, 想回酒店休息, 但我們又怕危險, 結果阿銘留下來陪我們, 好偉大啊!!! 在瑞豐夜市近少少有間「鄧老師按摩店」, 好似在墾丁也見過, 不過價錢貴好多, 我們沿著「足藝泡腳會館」的廣告走到來昆侖街, 就座落在暗角中。我們沒有預約, 等了30分鐘, 因不想阿銘等太耐, 所以我們只能join這個「腳底按摩+肩頸背手部40分鐘 350元」

師傅來了, 他們問, 有哪一位喜歡較重力的, 我們都不受得力, 不過大家都冇所謂, 就我先啦。他的年紀應該有四十多, 是位經驗老到的師傅。初時在出面先按肩頸, 按按下個師傅話我條頸好緊, 問我按唔按身, 我都好想按全身, 但是有朋友在等, 不能太久, 他說, 那也行啊, 就30分鐘按身, 不按腳, 價錢差不多, 又好! 先瞓低按肩頸、頭及臉, 再爬轉按肩頸及背, 後來再加15分鐘按埋腰。他說按背的時候會壓著肺部, 要我用力把氣呼出, 呼的時候發出來的聲音很好笑, 好像用很輕力說「霞~~霞~~」, 原來當時Joanne和Miki都改了按身, 她們聽到我們的對話, 忍笑忍得好辛苦! 按身45分鐘 NT$600, 這個質素十分值得。我誠意向大家推薦18號, 手勢真的不錯, 很專業! 俾佢按完好舒服, 第二日起身都唔會覺得好痛, 反而係好輕鬆。

我唔知佢叫咩名, 只係知佢係18號, 大家可以認住佢個背影