捷運站, 等同香港嘅地鐵站, 自助買票好方便~
如果你會搭地鐵周圍玩, 建議買張悠遊卡(Easy Card), 類似香港的八達通, 適用於捷運﹑巴士﹑的士﹑貓空纜車及動物園門票, 搭捷運有八折優惠, 好抵!
退卡又點計呢?
使用5次或以上及持卡3個月以上就不另收費, 若使用5次以下就要收取NT$20作為退卡費。
依度買飛係睇下去邊個站, 上面個地圖列明去唔同站嘅車費係幾多。
一般唔超過5個站都係NT$20, 再遠d就NT$25, NT$30......如此類推。
朋友教我去忠孝敦化行街街, 果度有條街敦化南路一段161巷, 好多精品潮服店。
依佢指示在忠孝敦化站1出口出, 但都搵唔到點行...結果我就行出敦化南路一段大路, 沿著地圖找。
忠孝敦化站1出口, 看見黃昏夜色, 好美~
這裡給我的感覺像尖沙咀彌敦道。
依條街以賣高檔野為主, 時裝店有有法式, 有韓式﹑美式...隨手搵件都NT$2XXX!
雖然d衫真係好靚, 但係買唔落手...
朋友介紹左一間筍野俾我, 叫QUEEN SHOP, 果度賣嘅衫好平, 但係無論款式定質料都好好! 隨手拿件都係 NT$1XX, NT$2XX, 即使台幣貴左咁多, 都仍然比香港買衫平! 店內還設有試身室, 睇中左就試, 試啱就買, 如是者...我在這裡由6點9逗留至8點半, 樂而忘返!
買左十幾件衫+一對鞋, 埋單都係千四蚊左右, 超超超抵! 誠意介紹俾各位姊妹, 會有意想不到的收獲啊!
QUEEN SHOP
地址: 台北敦化南路一段161巷24號
營業: 不詳
電話: (02)27719922
休息: 年中無休
網址: www.queenshop.com.tw
門市有4間, 忠孝/師大/蘆洲/南西
小貼士: 店內不少款式只有一件現貨, 賣晒就冇, 所以如果見到嘅心水, 就買左先~
KEEP在收銀都冇保障啊...B小姐就係咁, 有件衫俾人買左...T^T 很心痛呢~
((後記)) B小姐從台灣回來後又心癢癢, 於 www.queenshop.com.tw 內登記做會員, 然後嘗試自己網上買再宅配到香港。系統顯示郵費由速遞公司收取, 貨到付款, 當時B小姐心諗: 死就死啦, 最多咪百幾蚊, 豪俾佢! 後來......當貨齊晒之後, 某天終於在香港收到貨品, 「宅配」公司係順豐速遞, 我買左1件西裝褸, 2條legging, 1條短裙, 大家估下運費幾錢?? 答案是...$25, 係港幣廿五蚊呀! 嘩, 由台灣寄過o黎, 咁大包, 都冇諗過咁平!! 同事話佢女友之前在淘寶queenshop買手鏈, 都要三十幾蚊運費。這個簡直是天大喜訊呀!
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
作戰完畢, Y小姐帶我去食好野。
Y小姐是B小姐多年前的舊同事, 雖然只共事過幾個月, 不過我倆一見如故, 至今仍是很要好的朋友。
數年前她到台灣工作, 一做就幾年, 而家被台化了, 有時連廣東話都唔記得點講。
例如: 我覺得講為我「著」得, 一部車講為一「台」車, 飛車講成「飆」車, 揸車講成「騎」車。
好文奏奏, 再過幾年, 佢會唔會都好似佢同事咁講野有口音呢?
由161巷轉出忠孝東路四段有好多街邊檔, Y小姐雀躍地推薦哪家好吃。
有滷味﹑魚焿﹑仲有她極度推介的「鹽酥雞」!!
其實印象中我真的好像沒試過鹽酥雞, 因為我不太喜歡熱氣野。
但Y小姐說台灣的鹽酥雞真的好好味, 香脆又唔油, 味道仲係意想不到咁美味!
「鹽酥雞」唔只食雞, 仲有香菇﹑魚丸﹑香腸﹑大腸等...
因當時害怕太飽, 所以冇食到, 而家有D後悔tim......
後來Y小姐帶我去食麵線, 就係依間!
東區紅麵線, Y小姐話, 阿宗麵線因為太出名, 所以而家越做越跌水準, 反而依間東區麵線深得佢歡心。當地人也很喜歡這間麵線, 說她好吃又便宜!
大腸麵線 (大)NT$50 (小)NT$40
我們點了兩碗小的吃。
味道是不錯的, 大家可以試試。東區紅麵線
地址: 台北市忠孝東路四段181巷7弄3號
營業: 12:00 - 24:00 無公休
電話: (02) 2751-0129
休息: 年中無休
網址: http://www.facebook.com/pages/東區紅麵線/237953852890847
劉福記, 台灣雨傘老字號, 手工雨傘提供永久保修。
台北市有好多分店, 聽聞劉福記老闆跟香港梁蘇記個老闆係朋友, 所以劉福記雨傘爛左, 可以到粱蘇記整; 相反亦然。晴天九折 下雨沒折, 係店外的SLOGAN。
劉福記
地址: 台北西寧南路153號
營業: 09:00-23:00
電話: 0921829840
休息: 年中無休
這是一張平平無奇的街道相片, 為什麼要放出來?
因為拍這張照片的時候, Y小姐講左一句野:「同你一齊真好, 令我重拾旅行的感覺」
哈...是的, 她在這裡生活了那麼多年, 甚麼也麻木了, 正如我們不會在旺角拍照一樣~
有一句說話我覺得好啱「Always think like traveler」
無論身處何地, 只要抱著旅客身份, 所有事物都會變得不一樣!
接著Y小姐就帶我去食一間好出名, 很受當地人歡迎的粉圓店。
到了, 就是「東區粉圓冰店」, 首先要去排隊選配料, 我唔識點, 梗係去霸定位啦!
有得食喇, 配料有粉圓﹑芋頭圓﹑粉粿﹑地瓜圓 (其實我唔係好記得, 都係段估XD)
可能我食得較重口味, 一路食, 我一路話糖水太淡。不過Y小姐話依d先係正宗台式甜品, 依度d人由細食到大。粉圓就是粉圓味啦, 煙煙韌韌, 很Q!
東區粉圓冰店
地址: 台北市大安區忠孝東路四段216巷38號
營業: 11:00-23:30
電話: (02) 2777-2057
休息: 年中無休
網址: http://www.efy.com.tw/
B小姐自製了一個地圖, 紀錄了在這區的足跡。食完都夜喇, 由於聽日一早要上山, 所以早點回酒店。
坐捷運回西門町, 朋友說誠品116商場5樓有間日本大創百貨DAISO, 所有野都係NT$39, 即係好似香港10蚊店咁。
我記得澳門都有一間分店, 多年前行過, 真係好多筍野, 只要你花心思搵。
因為夜了, 所以留返走果日先行啦~
隨離有間屈臣氏, 去買樽暈車丸先。
相信唔少香港女仔都知道台灣牛爾系列美容護膚品好用, 仲有好幾隻牌子都係~
Y小姐推介左牛爾系列, 仲有依兩樣:
白玉蘭鑽采緊緻晚安凍膜 - 夜晚用, 因為冇防腐劑, 所以平時唔用要放雪櫃, 夜晚臨前薄薄塗上面, 第二朝就會水潤潤~
隔離果支唔知咩牌子爽膚水, 依隻爽膚水分4隻 美白清爽(藍色) 美白滋潤(藍色) 普通清爽(粉紅) 普遍滋潤(粉紅)
我買左美白清爽(藍色), 試左Tester, 發現佢唔似平時果d爽膚水咁水, 濃度高, 似透明乳液。
太好喇, 我平時d皮膚好乾, 特別冬天, 塗幾多上面都係咁乾, 但依隻唔同, 我個friend話冬天用滋潤果隻超正!!
因為夏天了, 所以我買左支藍色清爽試下~
Queen shop做緊推廣, 買滿NT$600送一對環保試管筷子, 依堆筷子就係證明我地幾瘋狂!
次次出阜都會帶3兄妹去(機車雞﹑Bduck﹑小熊b) 今次多左個新成員, 就係阿Boo。
佢係世界上最可愛小狗, A先生送給我的拍拖四周年禮物。
因為佢未去過旅行, 所以今次帶埋佢, 可惜俾Y小姐笑...結果只係幫佢地在酒店影左一張全家幅。
