Day4 (15 Apr 2012)
08:20-11:15 檜山巨木群步道
相對尋日果條野馬瞰山步道, 我覺得今日依條步道相對輕鬆得多。
步道全長2.8公里, 原路折返。頭700米山路較狹窄及跣腳, 過左吊橋之後, 路平坦易走, 風光明媚。
2.8km開始進入巨木群, 欣賞1至5號千年巨木。千年巨木林散發著「芬多精」, 多吸對身體有益。
到左吊橋了!
條吊橋得兩個拳頭闊, 係我行過最牙煙o既吊橋! 好彩唔高o者, 嚇死~
每次只限6人通行, 怕怕的可改行下路
地下佈滿千年樹根
這是「鴨巴頭」樹, 看見它要小心碰頭啊!
因為颱風關係被吹至東倒西歪的樹幹, 好危險呢
到左巨木群步道, O型路, 向左走﹑向右走都得。
不過專家推薦由五號開始睇, 理由好簡單, 樹木越小看到越大開心d, 還是越大看到越小開心d?
辛苦上了一段小路, 上到頂就橫行再落山, 這是先苦口甜路~
找到五號巨木了!
五號巨木
去到分叉路口, 千祈唔好行錯左面呀!
向三﹑四號巨木行就o岩喇~
落山lu~
在轉角位, 發現4號巨木
據說依棵巨木神似小鹿頭+角, 似唔似?
繼續往下走
B小姐與4號巨木
看見平地了
二號巨木需要落山, 步行約10分鐘, 但要原路折返......
正所謂「落山容易上山難」, 所以我地冇行落去, 哈哈!
二號巨木, 又被稱為「被遺忘的巨木」, 就係咁解~
睇下幾斜...真係睇見到辛苦呀!
到1號巨木了^^
睇佢樹幹就知有幾粗壯!
樹皮有好多種顏色, BEAUTIFUL!
看, 這就是巨木群路線圖, 2號巨木真係好遠呀...好彩冇行o者!
行完咁多路, 食返條蕉補充體力先!
高山食蕉, 高蕉, 哈哈
回程時...Y小姐太專心, 不小心撞上「鴨巴頭樹」, 案件重演一次拍照留念
到吊橋了, 好快就到終點
野山毒菇
終於完成壯舉! yeah~~ 拍攝時候手震, 加埋motion blur, 就破例唔落哈哈笑一次啦~
11:45, 食lunch, 好肚餓呀!!!
今日有個炸銀絲卷, 看上去平平無奇, 原來食落超好味~~
炸銀絲卷, 外脆內軟, 配合煉奶和花生碎, 簡直係人間極品!
因為實在太好食, 人人都出去搶! 好快被人清晒~ 再炸第2盤, 第3盤, 一盤比一盤遜色。
最後一餐, 拎左好多毛豆, heehee
台灣人食車厘茄石榴都會點梅子粉食, 家家戶戶都有一包看門口架~
配左梅子粉食, 蕃茄的確鮮甜d~
陣間又坐長途車, 食定暈浪丸先!
暈車錠=朦仔丸, 食左會變朦仔
