台北之旅-Day5【來也Kitty, 走也Kitty】

Day5 (16 Apr 2012)

回程又坐Hello Kitty Jet, BR857。
據聞台北機場有個Hello Kitty 專屬候機室, 只要乘坐 Hello Kiity Jet 便可以免費享用了。

又是漂亮的 Hello Kitty 機票!

記住有咩隨身物品限制, 咁就唔會被人捉啦!

嘩! 好靚呀依度, 係咪到左喇?
o我~ 原來係育嬰室。

依個係其中一個「景點」, 吸引好多少女在此拍照留念!

電話亭都靚過人~

飛閱候機室

 
再過少少, 再左喇!!!

有 Sanrio 精品店, 真係唔放過任何一個賺錢機會

隔離有兒童遊樂場同埋影片觀賞區

小朋友真係開心

仲有 Hello Kitty 卡通睇

 

座椅也是 Hello Kitty

 
夠鐘登機了, 大家也樂而忘反, 要地勤姐姐呼籲大家才依依不捨地離開。

登機前, 每人派一本Hello Kitty Jet Passport, wow!

仲有蓋章處

為免大家堆晒係度蓋章, 地勤已經一早在passport內蓋晒~

終於見到真身喇! 飛機18:10起飛, 因為飛機延誤抵達, 所以班機delay左少少。

原來passport係限量版, 由2012年2月1日至6月30日期間乘搭自台灣出發的Hello Kitty 彩繪機, 才可獲得。好有紀念價值啊~~

仲可以將登記證貼在護照內

Hello Kitty 姐姐

登機了, 我又揀左窗口位坐。

出發時我也是坐 Kitty機, 回程又坐, 今次唔介紹咁多機上面嘅野。如果大家想睇請睇返Day1個post啦~ 台北之旅-Day1【Hello Kitty彩繪飛機】 

上次坐右面, 今次坐左邊, 原來回程應該坐右邊好d, 剛剛看到美麗的夕陽。

如有需要, 飛機上有衛星通訊服務, 可以俾你打衛星電話或send SMS。當然是要收費的啦~

回程的飛機餐冇咁多Hello Kitty樣, 但係唔知點解, 我覺得件雞塊好似有少少形似Kitty頭, 唔知你地覺唔覺呢?

離開, 是為了回來。

期待下一個旅程。

((台北新竹雪霸遊, 全篇完, 謝謝收看^^))


上一篇
台北之旅-Day5【橫掃手信街】
足本重溫
台北新竹雪霸遊 - 網誌全記錄

台北之旅-Day5【橫掃手信街】

Day5 (16 Apr 2012)

昨晚雨一直下, 隱約聽到滴答滴答的雨聲, 整晚也沒有停下來。

今早睡到9點多10點, 稍為收拾一下行李就出去買手信。

今天傷風徵狀明顯了, 有鼻水跟痰, 喉嚨也很不舒服...

首先去左食甜不辣做早餐, 其實西門町有兩間賽普, 一間叫"賽門甜不辣", 在萬事達旅店隔離, 另一間叫"賽門鄧普拉", 在開封路。初初我以為是分店, 後來發覺兩間都說自己只有一間分店, 而且歷史悠久, 而兩間也有雜誌介紹的。旅遊書介紹的是賽門鄧普拉, 但是去的時間沒開, 所以我就去了另一間吃甜不辣。

搜尋Google map, 卻只發現有
賽門甜不辣 的地標, 卻沒有
賽門鄧普拉 的地標。

邊間好食d? 留待各位去自行分辨~

 

賽門甜不辣 坐落於西寧南路, 萬事達旅店隔離。

10:30am去到, 見到位後生哥哥仔, 店內空無一人, 似乎剛剛開舖!

他叫我遲10-15分鐘再來, 好啦, 咁我就去買手信先~

轉頭返o黎, 點了一客甜不辣 
NT55 。

淺啡色的醬, 有一些豆味, 甜甜的沒有辣味, 配料有魚肉﹑蘿蔔﹑豆腐﹑類似獅子狗味道的魚餅, 下面有少少高湯浸著。

這是台灣特色小吃, 很多食店都有得吃, 感覺就像香港的豬皮蘿蔔加沙嗲汁, 但是味道完全唔同。

可以試試看, 不過我一個人吃不完, 如果兩個人吃一兜就剛剛好。

 

在台北市應該邊度買
鳳梨酥 ??

接著, 我要去買鳳梨酥。我很怕吃鳳梨酥, 通常只食酥皮, 餡料就掉進垃圾桶。

後來吃多人家的手信, 發覺原來也有很好吃的鳳梨酥!

今次介紹3個牌子比牌少人說的, 不是維格, 不是李儀, 而係微熱山丘﹑港記 & 世運。

首先係微熱山丘, Y小姐極度推介, 因為用料上乘, 精選最新鮮最靚o既菠蘿做。

不過因為太地點隔涉, 所以買唔到。

 

跟住就係港記, 似乎依個係港人新寵, 因為臨走時在國光客運見到香港人拎住港記個袋。

1999年在九份創業, 因為味道好加上不斷改良, 所以一傳十﹑十傳百, 終於衝出九份搬到西門町。

店舖有試食, 我試了一小粒, 酥皮香脆, 餡料香甜, 好味~

至於世運食品, 那鮮紅色包裝我不會忘記, 之前有同事請過我食, 一直念念不忘。

其餡料有菠蘿肉粒, 食落酸酸甜甜好清新。07及08年曾奪台北市鳳梨酥文化節達人競賽冠軍。

 

微熱山丘

地址: 台北市松山區民生東路五段36巷4弄1號

營業: 周一至六 10:00-20:00

電話: (02)27600508

休息: 星期日

網址: www.sunnyhills.com.hk

港記

地址: 台北市漢中街6號之2 (東龍飯店對面)

營業: 09:30-22:00

電話: (02)23895587

休息: 年中無休

網址: www.twkongkee.com.tw (提供網上預訂)

世運食品

地址: 台北市成都路78號

營業: 09:30-22:00

電話: (02)23314578

休息: 年中無休

網址: www.olympiafoods.com.tw

(左) 港記   (右) 世運    兩者都有獨立包裝, 價錢大家都差不多, 不過世運有單買個裝鳳梨酥, NT25/個, 啱晒d多朋友嘅遊客, 又環保。

仲有一間, 二師兄食品 - 手工小鳳梨酥, 係同事去旅行買的手信, 試過之後人人讚好。

鴨舌滷味 

 

買完鳳梨酥, 仲有台北三寶o既鴨舌!

武昌街嘅<<老天祿>>係名牌滷味店, 好多港人去潮聖, 店內你會聽到廣東話多過國語。

阿媽話d 鴨舌好貴, 點賣呢?  100克 NT$170   300克 NT$500, 300克有禮盒裝。

放雪櫃下層放5日, 上層放20日。另外仲有NT$140, 細細袋即買即食。

可惜依度冇真空包裝, 我怕帶返去會變壞, 所以唔敢買太多。

結果買左一盒500克, 同埋一袋NT$140 (A先生指定要)。

  

另外有一間近年好出名, 叫金寶滷味。

佢都巴閉, 由賣麵包起家兼賣家傳秘製滷味, 點知妹仔大過主人婆, 吸引旅客潮聖買鴨舌, 年賣過百萬隻!

因為佢用肥美嘅北鴨, 所以肉厚有嚼頭。不單滷嘅時間控制得且, 而且不加香精防腐劑, 所以大受歡迎。

咁正一定好貴喇嘅唔係, 150克 NT$240, 平過名店老天祿少少~

我鍾意佢有真空冷凍包裝, 唔洗驚帶返香港會變壞, 想食先開, 保持原汁原味。

可惜...冇時間去>_<

 

老天祿滷味專賣店

地址: 台北市武昌街2段55號

營業: 09:30-22:00

電話: (02)23615588

休息: 年中無休

網址: www.lautianlu.com.tw

金寶滷味

地址: 台北市十安區仁愛路四段34號

營業: 周一至日 08:00-20:30

電話: (02)27029776

休息: 每月第二及第四之星期日

網址: www.jinbin.com.tw

買完鴨舌再買埋世運鳳梨酥都係時間返去lu~

因為太大雨喇...有遮都冇用。

世運食品就在幸福旅店隔離街, 買手信超方便!

戰利品

北回木瓜牛奶, 係台中逢甲夜市最出名嘅木瓜奶專門店。

Y小姐話千祈唔好去台北牛乳大王, 飲木瓜奶, 依間係好介紹。

我點了一杯正常甜+小冰, 密封包裝帶回酒店慢慢嘆。

 

 

北回木瓜牛奶

地址: 台北市十安區仁愛路四段34號

營業: 周一至日 08:00-20:30

電話: (02)27029776

休息: 每月第二及第四之星期日

網址: www.jinbin.com.tw

成都路上還有著名出COFFEE SHOP, 蜂大咖啡及南美咖啡。

旅遊書成日介紹嘅, 我都唔講咁多喇~

跟住我去左行DAISO JAPAN, 逛了一會, 真係有意外收獲!

位於誠品116商場5樓有間日本大創百貨DAISO, 所有野都係NT$39, 即係好似香港10蚊店咁。我記得澳門都有一間分店, 多年前行過, 真係好多筍野, 只要你花心思搵。除了西門町分店, 其他地區都有的, 不過如果住在西門町, 這間公店會比較方便。

 

靚靚書架, 喜歡她L型的設計, 是韓國貨

掛牆鐘, 都係NT$39, 抵!

食唔到鹽酥雞, 食繼光香香雞, Y小姐推介我一定要試下台灣炸雞, 香脆得來又唔油, 特別好食!

點了一份小的, 買完就返酒店。

 

喝一口木瓜牛奶﹑吃一口香香雞, 真係好幸福, 兩樣都好好味~

香香雞好細舊, 一啖都可以食一件, 炸得真係酥香惹味, 不過凍左少少。

原本諗住今日去行下紅樓文創平台睇下精品, 點知摸門釘。

上次得閒又冇入去, 緣慳一面了。

接著我在酒店逗留至3點才離開。

延遲退房需要收費, NT$150/hour, 3小時收我NT$450 (約HKD$120), 好貴!

不過落住大雨...邊度都唔想去, 豪俾佢囉。

走嘅時候依然超大雨......好彩一出到成都路就截到的士, 仲遇到個好好人嘅的士司機。

佢幫我拎行李, 又同我傾計。佢問我:「你買了甚麼呀, 為甚麼行李那麼重?」

我難為情的說:「因為我買了很多衣服...」

「那麼奇怪? 我以為香港是購物天堂, 買衣服會便宜」

「不是呀, 香港的確有衣服很便宜, 但是那個質料不夠好; 台灣的衣服, 價錢便宜, 質料又好」

司機送我到台北車站後, 仲幫我拎埋行李, 真係好好人。

我直接去到機場客運大樓, 一入去就可以買票, 出去就上車, 很方便!

上車前佢會問你1號大樓定2號大樓, 唔同航空公司唔同架, 唔好去錯呀~

大概1小時左右, 就到達機場~

機場有手信店, 唔夠貨可以在此補飛

上一篇
台北之旅-Day4【西門町爽按腳仔店】
下一篇

台北之旅-Day5【來也Kitty, 走也Kitty】