成晚都瞓得麻麻地, 5點3鬧鐘交響樂後我地就爬起身梳洗。
CHECK-OUT後把行李寄存在lobby, 我地就搭的士去台北車站喇~
今日我地join左雪霸自然2天巴士遊, 去一個海拔千幾米嘅山莊。
未出發之前做過research, 寫左篇台北新竹 - 雪霸休閒農場, 已經發現好靚好靚~~唔知我見唔見到一樣o既美景呢?
5:50am 去到台北車站, 我地去7-11醫肚先~
依度便利店好多野食, 有飯團﹑三文治﹑熱狗﹑烤蕃薯, 我地揀左飯團, Y小姐仲買左杯咖啡。
Y小姐話台灣d咖啡好好飲, 就算7仔買嘅都好有水準。
食飽就出去邊影相邊等
車到喇, 我地就係坐依架20人van, 同行仲有3位台灣姨姨, 等齊人司機就開車。
唔知係咪食左暈車丸關係, 一上車我地都極眼瞓......不知不覺就一路瞓到上山。
大概個半鐘後, 司機停車俾我地去洗手間, 但係我仍然很濛濃, 繼續瞓。
再一個鐘後, 司機又去到另一站小休。落車空氣好清新, 仲見到一朵櫻花tim~
八仙瀑布
跟住我地仲經過八仙瀑布, 司機停車給我們下車拍照。
不過太遠, 都感受唔到有幾靚。
雪霸休閒農場
10點幾, 終於到左雪霸休閒農場喇!
坐長途巴坐到暈陀陀, 但一落車看到美景, 甚麼疲累都盡消了!
好美呀好美呀~真係好似小瑞士咁~可惜我地upgrade唔到住歐式小木屋>_<
下車後, 司機就帶我地遊覽一圈, 簡單介紹一下附近環境。
每天都有DIY活動
觀霧平台
我最愛是這個觀霧平台!!! 呼吸到懶洋洋的空氣
因為海拔高, 所以氣溫非常涼爽, 約22度左右。
雲海中餐廳
我們一日三餐都在這裡解決
雲海咖啡廳
細望之下, 發現原來桌面隱藏著許多童年玩意~ 好正呀!
土產小賣店
這裡有很多雪霸特產手信啊, 全部都係天然有機食物, 隨便揀啦~
各式各樣的蔬果乾脆片
小藍莓係依度o既特產, 有很多由藍莓製成的手信, 如藍莓果醬﹑藍莓鳥結糖等
全部都係有機天然食品, 隨便揀啦~
段木乾香菇, 唔知係咩味o既呢?
藍莓係雪霸特產之一, 常溫果醬賣NT$280/樽, 非常值得買一樽回港啊~
除左果醬, 仲有藍莓枝仔冰, 都係新鮮藍莓製的!
"明日葉"是一種很有益的草木植物, 對健康很有益!
明日葉酒﹑明日葉茶﹑明日葉醋, 總有一款適合你~
介紹完畢, 我地就自由活動。
全山都係花, 有櫻花﹑小黃菊﹑牧丹花﹑楓葉......超多種類!
雪霸農場真係好舒服...令到我地步伐都懶洋洋, 如果而家有張床俾我瞓覺就好~v~
我們沿著這條路走, 看見詳多不同種類的花。
櫻花呀, 估唔到第一次見櫻花係台灣~
依兩日主要行程係咁:
食完飯我地去行野馬瞰山步道, 全程約2小時
明天去檜山巨木群步道, 約3小時, 下午CHECK-OUT後就去清泉溫泉。
噢, 我冇諗過依個團係行山@@ 仲以為係家樂徑, 原來都唔係架
對於住慣大城市o既我地, 間唔中親親大自然洗滌身心都幾好。
雪霸農場都唔係好大, 很快我們便兜了一圈。
閒逛了一會, 11:30am, 我們便夠鐘食lunch~
雪霸農場食o既野都健康, 全部望落相貌平平無奇, 但食落超好味!!!
Y小姐話:「台灣好多野都係望落平平無奇, 但食落好好味架!」
茄子超正, 豆腐又超正, 毛豆又好好味。碗湯都幾好飲, 不過多油左少少, 鹽水鴨都好味。
飲品方面有橙汁﹑檸檬汁﹑奶茶﹑咖啡免費供應, 唔鍾意食飯, 佢地都有麵俾你揀架。
食飽飽, 仲未開始行步道, 我地又周圍行下影下相。
原來依度連植物都有得賣, 嘩, 薰衣草呀...好想帶返香港
依個corner俾人一種庸懶感覺, 好想瞓覺
雪霸山莊更氣變幻無常, 剛剛還陽光普照, 轉頭可能已經進入迷霧中!
雪霸出名有八景: 迷霧﹑雲海﹑日出﹑晚霞﹑森林﹑巨木﹑星空﹑聖稜線。
我們非常幸運, 飯後看到第一景: 「霧景!」
在觀景台上看到遠處有股「霧」向這邊撲過來, 我們立刻跑出去影相!
霧從四面八方侵襲, 不消一會觀景台便進入迷霧中......
好似拍戲d煙霧特效咁!
過一陣, 又出太陽喇~
真係非常神奇!
司機見到我地, 趁未出發前, 佢同我地講解一次今日同明日的路線。
明早我地會步行3小時, 看 5 棵巨木, 佢地都有幾千年樹齡喇~
臨出發, 我地又進入霧都了...沒有太陽, 連氣溫也下降了不少, 由原本的20度, 下跌到18度。好凍呀! 今晚會唔會再凍d呢...@@?
上一篇
台北之旅-Day2【血拼忠孝敦化】
下一篇
台北之旅-Day3【野馬瞰山步道】
味道是不錯的, 大家可以試試。
B小姐自製了一個地圖, 紀錄了在這區的足跡。
