尋日課堂cancelled左, 立刻同小A搞個即興團~
經過10分鐘o既商議之後...我地決定左去深圳
2小時內執好晒行李book埋酒店, 去三聯買本書就出發
哈...真係超級即興!
去到羅湖, 已經4點幾, 只係去過深圳一次o既我, 充當導遊帶小A去搭地鐵
在地鐵站見到KFC的宣傳海報: 「勝利之翼」
臨急臨忙book o既酒店, 叫做豐順, 見佢價錢經濟, 睇相都ok, 又話近東門, 就揀左
點知去到就知賴野...
又話近東門步行街, 根本一d都唔近!!!
由東門地鐵站行到去, 足足行左9個字......
我諗係太子行到佐敦o既路程, 行到我地呢...
agent網話幫我留位到6點, 好彩趕得切...
酒店內籠就...=.=
200蚊, 想點?
早知就住"七天連鎖", 平d之餘又有蒙牛免費任飲
休息左一陣, 我地就出去食野!
搭左的士去國貿站金光華廣場, 都係$13.5, 抵~
個商場好似為香港人而設咁, 賣o既都係香港見到o既品牌, 消費都係香港價錢
我地去左亞洲馳名的鼎太豐度食, 叫左小籠包, 醉雞, 台灣牛肉麵, 燉土雞湯
樣樣都好好味呀, 埋單$12x, 已經算係抵食架哪~
食完就行下個商場, 有好多層, 好大~
去滿記食完碗糖水就搭的士返酒店休息, 結束了今日o既活動:)
在酒店樓下間便利店...見到依d冒牌野XD
1)「咀餅香」
驟眼望落, 真係以為係「咀香園」!
2) 國產八卦雜誌
By 小B
沒有留言:
張貼留言