青島之旅 Day1.1 出發喇！

Day1.1 (2011-4-8)

行程: 香港機場-->青島機場-->海爾洲際大酒店-->花石樓-->八大關-->公主樓-->雲霄路美食街-->酒店

一個青島賞櫻之旅, 因為依篇報導 青島：櫻花花期再推遲, 晴天霹靂, 變左青島「冇」櫻之旅。算啦, 反正已經係不能改變o既事實, 只怪同櫻花冇緣份。於是乎...今次o既青島之旅就變得更加冇壓力, 係真正隨心o既自由行~

4月8日, 班機10:40起飛, 過往o既經驗話我知, 唔洗咁早到機場都得! 所以今次我就遲半個鐘出門口。點知, 搭車途中收到港龍個sms, 話班機要delay半個鐘。Oh!

去到機場, 大概9點鐘左右, 我地第一件事就去check-in。
正當排緊隊之制...有個服務大使走埋o黎教我地用自動check-in系統, 幫我地撳
點知......竟然冇晒連位! 係竟然!
真係咁耐以o黎從來未試過......仲要我地係咁早去到機場喎......

後來個姐姐安慰我, 叫我去左櫃檯睇下地勤同事可唔可以幫我地轉到孖位
結果...梗係唔得啦! Sigh......好彩上到機上面咁o岩搵到人肯同我地調位乍!

登機同起飛都幾準時!

薑汁雞飯

唔知咩汁燴豬肉意粉

唔知係飽定乜, 個飛機餐．好．難．食！
我從來未試過食咁少的...
就算之後有Hagendaz雪糕都係拉唔到分

機上娛樂方面...係冇獨立電視的, 只係share頭頂的電視仔
3小時, 就這樣過去

到達青島機場, 海關人員手腳好快, 唔洗15分鐘就過左關!

跟住等行李, 都唔係等左好耐

一出機場, 見到有人舉牌接我地, 係寫住我地個名架~^^
我地住洲際有免費shuttle bus接送, 之前打電話問國泰假期, 個職員話去到機場會有洲際酒店的counter, 到時搵佢地就得, 點知原來有人舉牌tim! 服務真係貼心~

等緊其他乘客

有旅遊巴坐感覺真係好爽, 唔洗周圍撲車, 慳錢慳時間

青島機場個外型有d似深圳機場

侏儒版IFC

發現青島好多街道用地名命名, 除左香港東路, 仲有澳門路, 台東路

約45分鐘後......我地就到左洲際酒店



下一篇

青島之旅 Day1.2 海爾洲際大酒店