雲南之旅Day5.2 虎跳峽

Day5 1June2011(Wed)

世上最深的大峽谷 - 虎跳峽 

離開金沙江, 坐多個零鐘頭車, 我地就來到虎跳峽。

虎跳峽, 中國​​最深的峽谷之一, 是雲南之旅必經之地。在雲南省玉龍納西族自治縣（原麗江​​納西族自治縣）龍蟠鄉東北。峽谷長16公里，分為上虎跳﹑中虎跳﹑下虎跳 。南至玉龍雪山, 北至中甸雪山, 中間江流寬僅30～60公尺。虎跳峽的上峽口海拔1,800公尺, 下峽口海拔1,630公尺, 兩岸山嶺和江面相差2,500～3,000公尺, 谷坡陡峭, 蔚為壯觀。江流在峽內連續下跌7個陡坎, 水勢洶湧, 聲聞數里, 為世界上最深的大峽谷之一。 

大多數遊客來虎跳峽多半遊覽的是上虎跳。上虎跳是峽谷中最窄的一段, 離公路邊的虎跳峽鎮9公里, 其江心雄踞一塊巨石, 橫臥中流, 如一道跌瀑高坎陡立眼前, 把激流一分為二, 驚濤震天。傳說曾有一猛虎借江心這塊巨石, 從玉龍雪山一側, 一躍而跳到哈巴雪山, 故此石取名虎跳石。 

遊覽虎跳峽, 必須行百幾級樓梯, 原路折返。唔想行o既, 可以請人抬你, 感受下做大人o既滋味。

o黎張大合照先!

地面濕滑, 行走要相當小心

石上面刻著的是藏文

行落o黎好輕鬆, 上返去就知味道

見到依個景氣, 令我諗起一首歌: 「滾滾長江東逝水，浪花淘盡英雄。是非成敗轉頭空，青山依舊在，幾度夕陽紅。」真係好鬼貼切o既o者!

 

浪濤又快又急, 如果跌左落去...都唔知點算!

見唔見到中間果舊巨石呀? 佢就係傳說中o既 虎跳石,  就係佢把激流一分為二。

zoom近d

 

依度有個半圓觀景台, 可以俾你近距離感受江水的澎湃

 

有虎跳石, 咁隻猛虎去左邊? 就在對面山。

最辛苦o既一刻來臨了......唔想行o既, 可以搵你抬你上去

 

辛苦晒喇...見過有個肥佬成二百幾磅, 佢地抬到身水身汗, 真係名副其實的辛苦錢。

行完虎跳峽, 我地就去餐廳 "旺泉山莊" 食埋飯先走。 

今餐都幾豐富喎, 味道仲幾好tim, 除左條魚之外......

食飯時, 佢俾左樽秏牛肉醬我地試食, 鹹鹹地辣辣地, 用佢o黎點豆腐幾好味, 炒餸應該都唔錯! 門口有counter賣, 印象中好似三十蚊樽, 兩樽五十蚊人仔。我都買左幾樽返去做手信。

離開虎跳峽, 我地又坐1個鐘頭車, 去香格里拉。沿途見到好多草原及動物。

旅巴開行途中, 突然有批羊行過, 在停車等佢地過晒馬路先。

隔離有埋秏牛在自由自在地吃草, 依度o既動物真係好開心, 能夠享有真正o既「自由」! 這個景象在澳洲Great Ocean Road見過, 在香格里拉再遇, 又是另一種味道!  

((待續......))