台北之旅-Day4【清泉溫泉桐花祭慶典】

Day4 (15 Apr 2012)

清泉溫泉區, 將軍湯, 泉水40.6度

 

 

泉眼, 泉水達50度架!

人人都直接將雙腳浸落去, Y小姐見狀覺得唔衛生, 有d唔敢浸。

但係行到咁累, 入鄉隨俗唔理得咁多, 試左先算!

一浸, 舒服到呢......

浸完腳, 爽晒~

我地仲有1小時自由時間。

 

 

剛乘車來的時間看見對面好像有祭典, 行過去望下先~

驟眼睇, 有d似曾相識o既感覺, 雲南白水河。 

依度風景好靚, 俾人一種好舒服o既感覺~ 睇相係感受唔到現場氣氛。

原住民石像
新竹五峰一帶住左好多原住民, 佢地就好似雲南的小數民族一樣。
因為佢地o既文化歷史值得保存下來, 所以政府十分優待原住民。

清泉吊橋

對面有美食街~

兩個小朋友, 石梯斜路當滑梯, 玩到忘晒形! 

原住民石像

台灣特產竹筍, 碰巧有桐花際慶典活動, 好不熱鬧! 

原住民唱歌都好好聽啊, 阿妹都係原住民~

原住民特產: 小米麻糬

係用粟米+麵粉磨成的, 傳統食法配花生碎, 亦有人改良配燒汁﹑沙律汁等。 

好多特色小吃呢~~

原住民涼茶:清草茶

台灣人唔興飲涼茶,    不過原住民興飲「青草茶」, 有清熱鮮毒作用。 

飲落甜中帶苦, 味甘, 真係有d似涼茶。

因為尋晚太冷在山上感親, 所有今朝一起身就喉嚨痛...

飲晒支清草茶, 希望有d幫助啦~ 

野生豬肉腸

還有許多原住民小吃

我地見依家小米麻糬有海苔椒鹽味, 買左一份來試。

經烤香過後更煙韌, 紫菜燒汁同舊麻糬好夾, 食落口感有d似糯米滋, 個汁就似墨魚丸汁。

依度d原住民都好熱情, 見到外來遊客會主動同你傾計, 仲幫我地拍照tim~ 

15:30上返車, 仲有15分鐘, 我地快速地逛了張學良故居一轉。

張學良係日治時期的一名將軍, 所以佢住嘅地方都好日式。 

隻狗好嘆, 睇唔到差d踩到佢@@ 

有影片介紹張學良生平, 不過我地冇時間慢慢欣賞><

15:30, 夠鐘上車離開了~
這兩天過得十分充實, 玩盡每一分每一秒!
總括來說, 雪霸是一個風景漂亮, 老少咸宜的假日好去處。
一年四季也有不同美景~

不過依個地方都幾冷門, 如果真係去到冇野好去先去啦, 哈哈。
如果第一次去台灣, 還是清境﹑阿里山﹑懇丁依d地方比較好:)

17:30返到台北車站, 比原定時間早左兩個半鐘^^
呵呵, 好野, 我地可以去夜市掃街。

上一篇
台北之旅-Day4【檜山巨木群步道】
下一篇
台北之旅-Day4【快消失的師大夜市】