曼谷 (平、中、貴) 酒店介紹 2013年版
繼新加坡及台灣後，是時候寫返一篇曼谷酒店介紹。
B小姐去過曼谷兩次，但幫人plan過好多次，累積了不少心水選擇，綜合返一篇給自己留念也不錯。要數曼谷酒店多到不得了，百花齊放，新酒店更相繼落成，要在當中取捨真係唔容易！以下是個人研究後的少少心水，各有優點缺點。
香港人最鍾意住新酒店，此篇精選了不少近幾年開的新酒店，有平有貴，希望幫到你啦。
曼谷主要交通工具係BTS
(Sky Train)，所以揀酒店前先要了解一下曼谷的BTS路線圖：
深淺綠色果兩條就係BTS Sky Train的主幹，藍色果條係MRT線。主要旺區就在中間紅色圈圈裡，Siam、Asoke、Silom、Lumpini、Ratchadamri、Sukhumvit 等都是熟悉的區名及路名。酒店最好就在BTS站隔離啦，去邊都咁方便。
圖中亦加入了3大為香港人熟悉的夜市/Market。包括翟道翟 JJ Market (BTS Mo Chit 站)、ASIATIQUE碼頭夜市 (BTS Saphan Taksin站坐接駁船)、Silom Night Market (BTS Saladeang站)。除此之外仲有唔少地道夜市，就由胡慧沖介紹下啦（看下文）。
圖中亦加入了3大為香港人熟悉的夜市/Market。包括翟道翟 JJ Market (BTS Mo Chit 站)、ASIATIQUE碼頭夜市 (BTS Saphan Taksin站坐接駁船)、Silom Night Market (BTS Saladeang站)。除此之外仲有唔少地道夜市，就由胡慧沖介紹下啦（看下文）。
相我就唔夠人地多喇，都是官網的相，不過從網路上精選了其他博客的好文好圖連結給大家參考。
曼谷Budget平價之選 (平均$400-$600內)
對酒店要求不高，純粹瞓一晚的好選擇。
Ibis Bangkok Siam Hotel @ 2012開幕 (BTS Siam站)
BTS Nation Stadium旁1分鐘、房價合理。
宜必思酒店，係廉價商務連鎖酒店，香港都有兩間，對經常旅遊的香港人應該唔陌生。曼谷都有幾間分店，而當中Ibis Siam就係2013年最新開的。雖然係舊酒店翻新，冇泳池，不過依個品牌應該信得過，房間估計都乾淨企理。最大嘅賣點就係平！三星貨仔，一ｄ唔失禮，四百幾五百幾蚊晚，位置又好，走Sky walk可直接連接Discovry、Siam Center、Siam Paragon。係2013年抵住的新酒店。
Holiday Inn Express Bangkok Siam Hotel @ 2012開幕 (BTS National Stadium站)
很新的商務型飯店，地利位置方便，就在BTS National Stadium旁，Siam商圈步行可達。隔壁有7-11、按摩店，走10分鐘左右有一間很大的Tesco商場，購物便利。缺點是冇泳池，房間偏小。但六百幾蚊，算幾抵！
曼谷 Service Apartment 之選 (平均$600-$1500左右)
喜歡下廚或喜歡空間大的朋友，Service Apartment就適合你了！
Grande Centre Point Hotel & Residence –Ratchadamri (BTS Ratchadamri站)
地利位置佳，附近就是四面佛、Central World、Big C等，離 BTS Rajdamri 站五分鐘左右，行街Shopping都方便。普通房和One Bedroom Suite價錢只係相差好少，不過房間就大好多！客飯廳分明，仲有小廚房，由於夠高，仲可以飽覽曼谷市的風景。朋友住過都讚好！套房價錢平均都係一千蚊左右或以下，抵玩！酒店55F還有空中餐廳「Red Sky」，可欣賞曼谷市夜景。唯一的缺點就是不在大馬路旁，坐的士去比較難找。隔離就係FourSeason。房價$900-1000左右。
Anantara Bangkok Sathorn (BTS Chong NonSi站)
如果想搵平又靚少少嘅酒店，唔介意遠少少，可以揀Anantara Bangkok Sathorn。
依間酒店在BTS Chong NonSi 站附近，距離Siam等旺區相隔3-4個地鐵站，尚可接受。酒店是Apartment形式，口碑好，房間種類多，房價由$6XX到$1XXX都有，有普通房，One Bedroom Suite，Two Bedroom Suite，適合Family和一大班朋友。
Anantara Baan Rajprasong Serviced Apartment (BTS Ratchadamri站)
另一間Anantara的Apartment酒店，依間近市中心多d，近Ratchadamri BTS站。
近Ratchadamri BTS站有一好處，附近就係Central World、Big C等。亦有提供One Bedroom Suite，Two Bedroom Suite等選擇，另一個適合Family和一大班朋友之選。
曼谷 性價比高 中價之選 (平均約$700-$1200內)
最多人選擇，應該是這個價位內的酒店了。質素OK得來又唔太貴。
Grande Centre Point Hotel & Residence - Sukhumvit Terminal 21 @ 2011開幕
(BTS Asok站)
(BTS Asok站)
同屬Grand Centre
Point集團，同樣受香港人歡迎。2012年新開，地利位置極佳，樓下就係BTS Asok 站 ，去Terminal 21行街定係去新開嘅夜市都咁方便。酒店有專屬電梯直達Let’s Spa的Terminal 21分店，住客可以穿著浴袍拖鞋直接落去按摩，按摩完從專屬電梯上返酒店，方便到不得了。
Point集團，同樣受香港人歡迎。2012年新開，地利位置極佳，樓下就係BTS Asok 站 ，去Terminal 21行街定係去新開嘅夜市都咁方便。酒店有專屬電梯直達Let’s Spa的Terminal 21分店，住客可以穿著浴袍拖鞋直接落去按摩，按摩完從專屬電梯上返酒店，方便到不得了。
Aloft Bangkok Sukhumvit 11 Hotel @ 2011開幕 (BTS Nana站)
是W Hotel旗下集團的世界精品連鎖酒店，距離BTS Nana站5-8分鐘，房價也不過七百幾到八百幾。重點係住客可以VIP access 曼谷兩大潮Club: Bed Supperclub & Q Bar，啱晒鍾意夜生活的朋友。
Pullman Bangkok Hotel G @ 2012開幕 (BTS Chong NonSi站)
BTS Chong Nonsi 站約8分鐘、精品酒店。前身是Sofitel Silom，翻新後而成的Pullman新酒店。房間以純白的設計作賣點，服務細心。(房價~$800up)
DoubleTree by Hilton Hotel Sukhumvit Bangkok @ 2013開幕 (BTS Phrom Phong站)
說到最新的酒店，非Double Tree 莫屬了！五月新鮮滾熱辣推出，在Sukhumvit附近，位置不錯。新開優惠仲Guarantee late check-out到５點，房價仲幾優惠，一千蚊唔洗。係本人2013年的新寵。
Jasmine Resort Hotel @ 2011開幕 (BTS Phra Khanong站)
BTS Phra Khanong 站旁，離通羅區、Ekkmine、S38夜市，Termine21都很近，坐捷運兩三站就到了，甚至到SIAM、Empium也很方便（都在Sukhumvit上，坐捷運也沒幾站），喜歡去這幾個地方逛街，吃宵夜的朋友們，不用再想了，Jasmine Resort Hotel 就是你們的首選!! (房價約$6XX-7XX)
The Continent Hotel Bangkok @ 2012開幕 (BTS Asok站)
BTS Asok 站 (前身是Ramada Bangkok Sukhumvit)，平靚正又夠新，應該是她最大的賣點。房價$700-900左右。
Arize Hotel Sukhumvit @ 2013開幕 (BTS Phrom Phong站)
酒店位置好,步行去BTS Phrom Phong站只須3分鐘，附近有Emporium百貨商場、naraya 曼谷包專賣店、日本餐廳、超市、按摩店等。房價七百幾蚊起，缺點是房間略小。
Siam @ Siam Design Hotel and SPA (BTS National Stadium站)
位於BTS站National Stadium旁，行路就可以到達Siam Paragon、Siam Square、Siam Discovery等，好適合行街。話明Design Hotel，酒店設計融入不少Design的元素，色彩混用得宜，牆身帶點RAW，燈光昏暗有情調。房價由$11XX up
Courtyard By Marriott Hotel Bangkok @ 2013開幕 (BTS Rajdamri站)
曼谷萬怡酒店，離 BTS Rajdamri 站五分鐘左右，步行到熱鬧的四面佛、Central World 約十分鐘內，交通同行街都幾方便。酒店設計幾時尚、年輕，用色唔會深沈沈，充滿活力。酒店對面就係大受歡迎的Grande Centre Point Ratchadamri Hotel，如果已經住過好多次，今次想試下新野，不妨試下依間。房價八百幾起。
Hotel Muse Bangkok Langsuan @ 2011開幕 (BTS Chidlom站)
2011年11月隆重登場，中小型精品酒店Boutique Hotel，裝潢古典奢華。
新開幕時做買一送一真係勁抵，而家雖然冇左依個優惠，不過都係幾吸引。房價$9XXup，近BTS Chidlom 站。
曼谷中高檔之選 (平均約$1000-$1500up)
Budget鬆動，想住靚少少，又唔想太貴，以下幾間唔上唔落啱晒。
Cabochon Hotel & Residence @ 2012開幕 (BTS Phrom Phong站)
鬧市中的綠洲，離BTS Phrom Phong站 8-10分、只有八間房的精品旅館~
記得開幕的時候，在雜誌內看到她的介紹，已令我眼前一亮。如此的精緻、與別不同，隱私度高，就像到了外國的精品民宿，完全唔覺得自己在曼谷，在鬧市中給你不一樣的寧靜悠閒。房價: ~$1000up，性價比高，絕對是值得推薦的民宿。
LeBua at State Tower Hotel (BTS Saphan Taksin站)
原名Meritus Suites State Tower，2003年12月底開幕，2006年正式更名為Iebua at State Tower，並同時加入「The Small Luxury Hotels of The World」的成員。
BTS Saphan Taksin 站。酒店頂樓63/F擁有曼谷的頂級視野「Sirocco」露天星空餐廳，Sky Bar夜景迷人。高高在上，坐擁無敵靚景，淨係睇相都嬴晒。還可從酒店搭船到最新的水上夜市，缺點係離BTS站比較遠。房價一晚約$12XXup
Sofitel So Bangkok @ 2012開幕 (MRT Lumpini站)
MRT Lumpini 站 5-8分、時尚設計酒店。法式風情設計品牌，利用東方文化"五行"概念所設計的飯店。無論酒店大堂，還是房間陳設，都是那麼Elegant，高貴、典雅。遠望 Lumpini Park景色，令人身心舒暢。(房價約$1300up)
大倉Okura Bangkok Prestige @ 2012開幕 (BTS Phloen Chit站)
自從澳門銀河開幕之後，香港人對大倉酒店應該有ｄ印象。
Okura大倉就是日本三大高級酒店品牌。(房價約$1400up)
曼谷奢華之選 (平均房價約$1500起)
一生豪一次！曼谷生活指數比香港低，就算好奢華的品牌酒店，價錢相比起來都較平易近人。
一生豪一次！曼谷生活指數比香港低，就算好奢華的品牌酒店，價錢相比起來都較平易近人。
W Hotel Bangkok @ 2012開幕 (BTS Chong NonSi站)
W Hotel近年紛紛在亞洲插旗，開完一間又一間。繼蘇梅、峇里、台北、新加坡後，終於到曼谷了！位置唔算好靚，勝在有天橋直達BTS Chong NonSi 站，搭出旺區行街食飯都係幾個站。房價約$1500up
Oriental Residence Bangkok @ 2012開幕 (BTS Chit Lom站)
中文名係曼谷東方公寓，有點「娘」，但環境一ｄ都唔娘。離 BTS Chit Lom站大約十多分鐘，有單程的巴士接送 (只能飯店到 BTS )，回程慢慢走也還好。外型設計好似住宅大廈咁，房間採淺色系配木質地板，感覺好WARM，有家的感覺。一看便愛上，房價約$1500-$1800。
The Peninsula Bangkok (BTS Saphan Taksin站)
坐落於曼谷河畔的中心地帶，1998年開幕，歷史悠久。
酒店樓高37層，有370間客房及套房、4所屢獲殊榮的餐廳及1間設於3層高獨立泰式別墅內的半島水療中心。簡單的形容就是低調的奢華，同香港半島酒店一樣，咁多年都係默默地打造這品牌。浴室使用的備品是來自法國的貴婦品牌DAVI。房價不唔係太貴，都是約$1400-1600起，比起香港的半島平好多。免費Shuttle Boat去BTS Saphan Taksin 站，交通有點不便，但渡假就啱晒Feel。
Hansar Bangkok (BTS Rajdamri站)
房價約$1500-$1800，少少貴，但口碑相當不錯！無論專業界的評審或是平民界的網上評語，都令人有驚喜，屢獲獎項。設計時尚，房間典雅舒適。BTS Rajdamri站3分鐘左右，位置正中方便。
Banyan Tree Bangkok (BTS Sala Daeng站)
數到五星品牌酒店，又點少得Banyan Tree悅榕莊？房間設計不用費唇舌介紹，亮點是61F的「Vertigo」，是其中一間可欣賞到曼谷靚夜景的餐廳。位置不太方便，步行至BTS Sala Daeng站約15分鐘，房價約$1300-2000左右。
Siam Kempinski Hotel Bangkok @ 2010開幕 (BTS Siam站)
酒店2012年才開幕，係曼谷唯一位於市中心內的Resort。地下房間全與泳池相連，設計品味奢華，最讚的是房間內的雪櫃汽水任飲。地理位置極佳，天橋相連直達BTS Siam站，大型商場都在附近，吃喝玩樂都方便。缺點就係貴，最平果隻房都差唔多二千蚊晚。有機會我都好想住下。
Mandarin Oriental Bangkok (Riverside Area)
位於湄南河畔， Oriental Hotel曼谷的文華東方酒店，是一個完美飯店的指標 連續十年被評為世界最佳酒店，它像是世界百大酒店排行第9、亞洲排行第二 更是很多人一生中最想住的酒店之一。房價約二千幾蚊晚。
暫時介紹咁多先，太多酒店不能一一盡錄，如有新酒店會Update一下
＊註：以上房價純粹以現時隨機價錢約數，只供參考，並不代表實價。
沒有留言:
張貼留言