預防高山症藥: 紅景天 vs diamox

B小姐好關心「高原反應」o既問題, 所以特別做左好多準備功夫。
搵到資料就係度公諸同好, 希望有更多人得益啦~~

有關預防高山症/高原反應o既藥, 分別有西藥及中藥可供選擇

西藥: diamox
出發前1~2日開始服用, 直至行程完畢為止
劑量: 每日3次, 每次一粒 或 早晚各一粒
副作用: 手震, 急尿, 口乾, 舌頭可能有少少痺痺地
備註: 需要醫生處方才能購買, 並非個個藥房都有

中藥: 紅景天
出發前一星期開始服用, 直至行程完畢為止 (入高地後如狀況良好，可停服或食埋啲貨尾), 如去西藏等高原地方, 需要提前兩星期服用。
劑量: 不同藥廠出的份量不同, 一般最常見為每日2次, 每次2粒
副作用: 暫時未發現

西藥快d, 但有輕微副作用; 中藥慢d, 不過紅景天成份較天然, 是西藏人常用的保健食品, 主治耐缺氧、抗疲勞。

至於價錢方面...香港可以在裕華國貨/華潤堂找到, 不過價錢會比國內貴3~4倍! 如果有時間, 建議去國內買好d, 深圳廣州價大概由28元-50元一盒(24粒)。

永安茶會

已經放左10日假了...不過日日d時間都塞滿晒, 都好似冇咩點做過野咁!
原本諗住趁依段時間, 一次過寫返晒「越南之旅」&「青島之旅」o既遊記, 但係一波未平﹑一波又起, 過幾日就飛, 返到o黎...就有更多「Blog債」!!!

好~講返個雲南之旅先!
尋日下午, 我地響中環美國銀行中心開左茶會。

開茶會, 我咁大個女都係第一次~
聽日講永安有好多野食, 係咪呢...?

開估! 真係唔錯架~
佢果度有個類似Canteen o既物體, 每人拎住張飛去揀野食!
有中式, 有西式。

中式有兩款點心
A: 叉燒包, 燒賣, 蝦餃
B: 珍珠雞, 粉果, 牛肉球

西式有三款揀
A: 木糠布甸蛋糕, 朱古力慕絲蛋糕
B: 芝麻雪糕, 木糠布甸蛋糕
C: 芝麻雪糕, 朱古力慕絲蛋糕

珍珠雞好淋好入味, 正!!
牛肉球&蝦餃都唔錯, 叉燒包就一般水準啦~
當然如果同酒樓比, 又唔同o既~
但茶會有咁o既質素已經令我好滿意架喇~

另外, 西式甜品都幾好味~~

團友揀的西式餐, 借o黎post下先^^

茶會講解個姐姐都講得幾清楚, 同埋講左好多令我有「心理準備」的東西...
例如...如何果預防及應付高山反應﹑如廁守則等...
我估佢唔多唔少都有誇大左少少o黎講, 等我地去到發現沒有想像中咁糟o既時候...就會開心d~ 嗯...希望係咁啦~

同埋原來唔係「全廣東話導遊」架...佢話睇彩數, 因為識講廣東話o既導遊唔多, 特別係香格里拉, 多數都係講普通話。點解好似有少少貨不對版咁架...? 報名o既時候明明講明一定係廣東話導遊架?!?...

團友方面, 一共有15個, 真係o岩o岩好...
我地依邊有7個, 足足佔左一半, 哈哈。
大部份o既團友都係上左年紀o既, 同埋似係闊佬闊太。
全團最後生已經係我地幾個後生妹, 報團果位哥哥都話:「做左咁多年, 真係好少可見到我地咁後生報雲南團」丫也, 陣間人地以為我係富二代點算?

出發前, 介紹一下我d團友先~~

B小姐: 唔洗講, 梗係我啦~
V小姐: 係我個好同事兼同房
C小姐: 因為緣份而認識的團友, 年紀相約, 所以group埋一齊玩啦^o^
W太太: 係我同V小姐o既朋友, 佢同老公一齊去
W先生: W太太的老公
H姨: W太太的朋友
K姨: W太太的朋友

仲有2日就出發, 心情有點緊張呢~~

如何避免高山症

好野好野~~~已經成團喇!
5月28日出發, 6月4日返港
尋日已經俾埋尾數, 而家心情係極度興奮及期待~
不過...前往高地......心裡面還是有點擔心會有「高山症」發作

有關高山症資料, 我參考了以下兩個網頁:

衛生署旅遊健康服務 - 高地綜合症
http://www.travelhealth.gov.hk/tc_chi/environmental_health_risk/high_altitude.html

如何避免高山症
http://www.utravel.com.hk/DetailKnowledge.php?id=AD8RZw


何謂「高山症」?

雲南之旅 - 酒店篇

除左麗江保證入住「大港旺寶國際飯店」外，其餘o既酒店都未確認！
雖則話全程住5星酒店，不過我望望酒店o既質素......其實都係有d參差。
希望實景比睇相好～


昆明
五星級 綠洲大酒店 或 世紀金源大飯店(北樓) 或 佳華廣場酒店

綠洲大酒店
www.yngreenlandhotel.com/

又出發！報左雲南香格里拉8天團！

返o黎1個月都唔夠......我好快又出發lu！
今次係去雲南﹑香格里拉！
點解又去旅行？因為Ｂ小姐回復自由身喇～
唔洗驚，唔係同Ａ先生分手，而係......同份工分手o者！
既然難得有大假，梗係要去旅行啦～

至於點解揀雲南？因為依個地方同唔到Ａ先生去Ａ先生都唔會怨我，哈哈！
就當我去探下路先啦～

喜歡自由行o既我，橫掂唔急住返工，其實我真係好想好想揹個背囊就上路，玩返十幾日先返！不過因為今次同行中有人喜歡跟團，而佢時間又唔太多，所以明知係好唔抵，都被屈服左跟團，仲要係豪華果隻！講真，都幾肉赤......

以下係我精心挑選o既萬中無一無敵豪華團！(已經做晒reserch，依個真係最全面o既一個)

雲南、香格里拉好風光

昆明、九鄉自然風景區、石林風景區、獨克宗古城、麗江古城、玉龍雪山(雲杉坪)、大理古城、普達措國家公園、洱海、石卡雪山、虎跳峽、香格里拉民族風情八天美食豪華直航團
(KLD08X)

價錢...當然...嘿嘿