2009年1月3日
黃昏了, 在的士上望到個天, 不禁大叫一聲:「好靚呀!!」
我不停拍A先生膊頭叫佢睇, 但係佢望左一望,
就話:「當你見過咁多靚野之後, 就開始麻木架哪」
我好興奮咁影相, 但係佢就好闊佬懶理咁!
我唔理, 繼續影!
坐車時間同司機閒聊, 佢話中華路夜市冇咁好玩, 不及逢甲夜市。
佢話當地人兩個都會去, 不過兩個夜市各有特色
中華路夜市, 就係適合d夜鬼去, 因為開到凌晨3~4點。
而逢甲夜市, 就只開到1~2點o者。
話咁快就來到五權西路, 這是我在台中很期待的一個景點。
因為我有個朋友o黎過, 佢話依個地方好靚, 旅遊書只係介紹一小忽,
但o黎到之後發現其實好值得去。
o黎到之後...都不負我所望, 真係眼前一亮~~
成條街都係有個性又特色的餐廳, 意大利, 地中海, 法國, 很多國家的菜都能試到。
而且價錢唔貴, 一個高質素的晚餐, 都只係一百鬆d數左右
南瓜仔仔令到這餐廳充滿萬聖節氣氛
這間餐廳的生招牌小豬, 可愛得令人想啜佢一啖
除左依條街之外, 對面馬路的大街都有許多餐廳
我們走著走著, 最後挑選了這間法國餐廳享用我們的晚餐
入面都幾好情調架
我和A先生點了不同的SET, 我們無論頭盤, 餐湯, 主菜, 甜品都不同。
我的主茶是海鮮炒意粉, A先生的是燒春雞。
首先是A先生的Welcome Drink, 酸酸甜甜, 好醒胃。
跟住就上餐包, 個餐包好好味, 更正係個麵包醬! 我唔識點形容, 唔係牛油咁簡單, 仲加左其他野, 質地似沙律醬。
然後係...死哪, 我唔記得依味係乜! 應該係A先生個前菜。
我個南瓜湯上哪, 好Creamy, 好滑, 好濃郁o既南瓜味, 好好味。
依個係A先生o既蜆湯, d蝦仔十分彈牙鮮甜, 個湯好清, 又好濃海鮮味, 好好味...
跟住到我個前菜沙律, 幾新鮮, 不過我唔太好沙律, 食左少少就放低左。
上主菜了! 我個海鮮意粉賣相好靚~~~d海鮮一樣好新鮮, 意粉好彈牙好好味^^
A先生個燒春雞, 賣相好靚, 食落肉質好嫩, 好正。
我個法式雞蛋布丁, 好滑, 甜度適中, 好好味。
A先生的朱古力cake都唔錯呀:)
最後上埋杯凍檸茶同凍啡, 為這餐劃上完滿的句號。
埋單九百幾台幣, 即係二百蚊左右, 咁o既質素真係非常超值!!!
入夜了, 五權西路更美麗
這裡真的有許多特色餐廳, 裝修靚, 價錢實惠, 食物味美, 誠意推介俾大家~~
附近仲有美術館, 其實我好想去的, 可惜今次行程真係冇時間,
大家去開五權西路有時間可以逛逛美術館啊~~
在附近散步消化之後, 我們搭的士去自由路買手信。
台中最最最出名的特產是太陽餅, 太陽餅外形有d似老婆餅, 但係味道同口感卻完全唔同。
至於九個太陽, 則只有幾年歷史。佢店的創新口味, 打破太陽餅的傳統, 加上因為有獨立包裝o既關係, 所以幾年間瞬速走紅。連蔡蘭先生都會帶團來這裡買太陽餅。
我最喜愛這裡的蛋黃口味太陽餅, 加入了鹹蛋黃, 令到太陽餅味道更香濃。
睇下我地收獲幾豐富^^
買完太陽餅, 我地就等巴士返酒店
在台中只逗留左兩日, 但係我地對巴士線路已經幾熟悉哪
不過最搞笑係, 我地截到一部車, 個巴士司機唔肯載我地, 話:「得兩個站之ma, 自己行過去啦」我地就係兩個站都唔想行丫ma...
行到返酒店放低d手信之後, 我地就再出去玩。因為酒店好近中華路夜市, 所以我地步行過去。中華路夜市真係唔係太旺, 沒有行人專用區, 路中間好多車來來往往, 唔係佢地係未到時間封路定係真係冇專用區呢? 不過我地只係經過, 都冇食野。
行左15~20分鐘左右, 我地就去到一中商圈區, 入左間叫做墊腳石24小時書店睇書, 在California附近。這間書店非常大, 有幾層, 文具CD到護膚品都有得賣。我仲係度買左廣源良o既菜瓜水tim
最開心就係見到好多彎彎o既精品, 在香港買唔到的>v< 所以我都掃左少少...hee
睇到11點幾, 眼訓了...太累唔想行, 結果我地搭的士返酒店。
下一篇
台中11天環島遊@Day 11 【離開台中返港】
