我們出發了!
話咁快就o黎到出發的日子^_^
放工之後book左的士在公司接我地, 勁快, 半個鐘就到達香港國際機場。
check-in過後, 我地就去左大快活醫肚。
8:35pm, 準時起飛!
Cebu Pacific同AirAsia都係廉航, 不過Cebu Pacific的坐位就比較殘舊。
唔知係心理作用定點, 間唔中背後傳來陣陣廁所味。
不過張機票$450咁平, 將就下啦~~
在機上要填的表格有3份, 好似查家宅咁=.=
Cebu Pacific的食物選擇都唔夠Air Asia多
在飛機上訓覺o既訓覺, 食野o既食野, 兩個半鐘好快就過。
11:10pm, 準時降落宿霧國際機場。
架機好細, 得兩排, 每排得3個位
落機第一時間梗係過境, 估唔到夜晚都幾多人, 條條隊都勁長!
我精明眼揀中一條最快o既, 半個鐘左右, 就過關了~
依度o既行李一早就在行李輸送帶等我地, 完全唔洗等!
比起泰國機場, 依度有效率好多!
不過點解...東一忽, 西一忽o既?
拎完行李, 已經12點鐘, 跟住梗係搭的士啦~
我地住果間酒店推介我地搭Airport Taxi, 是新的服務。
又幾好喎, 完全冇出現之前網友話搶行李﹑濫收費用o既情況,
個司機好老實, 半個鐘左右就到達當晚的旅館 - PALAZZO PENSIONNE
by meter 只係 230P($40都唔洗~~)
講真, 依度位置真係幾偏僻, 夜晚o黎到周圍黑mun mun, 都真係有d驚~
不過入到去, 同相片一樣, 雖然唔算得上咩大酒店, 但係乾淨企理,
是留宿一晚的廉價選擇。
我地住2D, 入到房間之後已經好夜, 因為太累同太懶(A先生又怕污糟), 所以我地冇沖涼就訓覺。不過其實果度唔污糟架, 至少周圍冇小昆蟲, 同埋廁所都幾乾淨丫~~
百幾蚊想點喎, 已經好好架哪。
少少住後感: 張被太薄, 夜晚訓覺有d凍。
Day2 (2009-9-19)
訓一覺後, 向保和島出發!!!
第二朝6點半食早餐, 成間餐廳得我地兩個乍
住客comment話依度o既早餐好好食, 我又覺得唔係特別好食, 不過不失咁啦。
食剩左o既麵包滅碎左入樽, 留番大後日餵魚^^
食完早餐, 旅館幫我地call左的士去碼頭。等待o既時間我就出去左影相。
日光日白, 終於可以看清楚旅館的外貌
旅館對出的街道, 講真, 夜晚依度真係幾陰深恐怖...
旅館的正門
下一站Pier4
待續......
菲律賓對於香港人比較冷門, 但係其實菲律賓都有好多地方值得去。今次揀來宿霧o既保和島, 絕對是陽光與海灘o既地方! 好多人都聽過宿霧, 卻對保和島這個名字感到陌生。其實保和島是宿霧島隔離的一個大島! 也是屬於宿霧的城市之一。以前唔知, 以為宿霧好靚, 但係後來才知道, 宿霧同保和島相比, 如果宿霧叫做靚, 保和島係10個靚。所以好多識玩o既香港人都會選擇大部份時間留在保和島。
選擇廉航慳更多
我地依d窮風流旅行方式, 會專哮宿霧太平洋航空(Cebu Pacific)特價時候先去。佢每隔幾個月就會做一次promo, 平起上o黎真係好平, 幾百蚊來回, 不過通常每次promo都係幾日, 所以要經常留意住。最好o既方法就係subscribe左佢地個e-mail news, 咁樣就可以第一時間知道最新優惠。
前往保和島的方法
以宿霧太平洋航空為例, 你可以選擇先搭去馬尼拉(Manila), 再由馬尼拉轉機去保和島(Tagbilaran)。又或者先搭去宿霧(Cebu), 再由宿霧搭船去保和島(Tagbilaran)。
幾個方法都可以, 不過以我地今次o既玩法, 就搭去宿霧再轉船抵d。
因為香港去宿霧每日得一班機8:35pm (以前仲多一班00:10am, 好似遲d又開番) 去保和島通常有兩個方法, 1)在宿霧住一晚然後第二朝去碼頭搭船, 2)在機場hea幾個鐘, 第二朝一早搭6點早船, 咁入到保和島都係8點半。 兩個方法都有人揀, 睇你鐘意邊種。我同A先生都唔挨得, 所以就算訓幾粒鐘, 都要訓床, 所以在市區中揀左一間廉價的旅館。想知更多有關宿霧的平價住宿, 請到http://hk.myblog.yahoo.com/AABB-happyTravel/article?mid=3570
下一篇
