青島之旅 Day3.2 再見青島

Day3.2 (2011-4-10)


行程: 酒店早餐-->奧帆中心-->五四廣場-->酒店-->機場

跑返去酒店, 已經12:55分, 拎埋行李, 及時上到shuttle, 好險~~

青島之旅 Day3.1 奧帆中心 五四廣場

Day3.1 (2011-4-10)


行程: 酒店早餐-->奧帆中心-->五四廣場-->酒店-->機場

第二朝, 我地瞓到10點, 好快咁食完個早餐執埋行李就出去玩!

一出門, 就見到依幾枝「金炮」! 咩事呀?

青島之旅 Day2.9 登州路晚飯

Day2.9 (2011-4-9)


行程: 酒店早餐-->信號山公園-->基督教堂-->迎賓館-->奧帆中心心海廣場-->
葡萄酒街-->啤酒博物館-->電視塔-->婚紗街-->登州路-->酒店

上回講到, 我地靠「下山石階」落山, 果然冇呃我地5分鐘真係得!
落到去, 就係上清路。食度d屋好有歐陸感覺, 我鍾意~~

預防高山症藥: 紅景天 vs diamox

B小姐好關心「高原反應」o既問題, 所以特別做左好多準備功夫。
搵到資料就係度公諸同好, 希望有更多人得益啦~~

有關預防高山症/高原反應o既藥, 分別有西藥及中藥可供選擇

西藥: diamox
出發前1~2日開始服用, 直至行程完畢為止
劑量: 每日3次, 每次一粒 或 早晚各一粒
副作用: 手震, 急尿, 口乾, 舌頭可能有少少痺痺地
備註: 需要醫生處方才能購買, 並非個個藥房都有

中藥: 紅景天
出發前一星期開始服用, 直至行程完畢為止 (入高地後如狀況良好，可停服或食埋啲貨尾), 如去西藏等高原地方, 需要提前兩星期服用。
劑量: 不同藥廠出的份量不同, 一般最常見為每日2次, 每次2粒
副作用: 暫時未發現

西藥快d, 但有輕微副作用; 中藥慢d, 不過紅景天成份較天然, 是西藏人常用的保健食品, 主治耐缺氧、抗疲勞。

至於價錢方面...香港可以在裕華國貨/華潤堂找到, 不過價錢會比國內貴3~4倍! 如果有時間, 建議去國內買好d, 深圳廣州價大概由28元-50元一盒(24粒)。

永安茶會

已經放左10日假了...不過日日d時間都塞滿晒, 都好似冇咩點做過野咁!
原本諗住趁依段時間, 一次過寫返晒「越南之旅」&「青島之旅」o既遊記, 但係一波未平﹑一波又起, 過幾日就飛, 返到o黎...就有更多「Blog債」!!!

好~講返個雲南之旅先!
尋日下午, 我地響中環美國銀行中心開左茶會。

開茶會, 我咁大個女都係第一次~
聽日講永安有好多野食, 係咪呢...?

開估! 真係唔錯架~
佢果度有個類似Canteen o既物體, 每人拎住張飛去揀野食!
有中式, 有西式。

中式有兩款點心
A: 叉燒包, 燒賣, 蝦餃
B: 珍珠雞, 粉果, 牛肉球

西式有三款揀
A: 木糠布甸蛋糕, 朱古力慕絲蛋糕
B: 芝麻雪糕, 木糠布甸蛋糕
C: 芝麻雪糕, 朱古力慕絲蛋糕

珍珠雞好淋好入味, 正!!
牛肉球&蝦餃都唔錯, 叉燒包就一般水準啦~
當然如果同酒樓比, 又唔同o既~
但茶會有咁o既質素已經令我好滿意架喇~

另外, 西式甜品都幾好味~~

團友揀的西式餐, 借o黎post下先^^

茶會講解個姐姐都講得幾清楚, 同埋講左好多令我有「心理準備」的東西...
例如...如何果預防及應付高山反應﹑如廁守則等...
我估佢唔多唔少都有誇大左少少o黎講, 等我地去到發現沒有想像中咁糟o既時候...就會開心d~ 嗯...希望係咁啦~

同埋原來唔係「全廣東話導遊」架...佢話睇彩數, 因為識講廣東話o既導遊唔多, 特別係香格里拉, 多數都係講普通話。點解好似有少少貨不對版咁架...? 報名o既時候明明講明一定係廣東話導遊架?!?...

團友方面, 一共有15個, 真係o岩o岩好...
我地依邊有7個, 足足佔左一半, 哈哈。
大部份o既團友都係上左年紀o既, 同埋似係闊佬闊太。
全團最後生已經係我地幾個後生妹, 報團果位哥哥都話:「做左咁多年, 真係好少可見到我地咁後生報雲南團」丫也, 陣間人地以為我係富二代點算?

出發前, 介紹一下我d團友先~~

B小姐: 唔洗講, 梗係我啦~
V小姐: 係我個好同事兼同房
C小姐: 因為緣份而認識的團友, 年紀相約, 所以group埋一齊玩啦^o^
W太太: 係我同V小姐o既朋友, 佢同老公一齊去
W先生: W太太的老公
H姨: W太太的朋友
K姨: W太太的朋友

仲有2日就出發, 心情有點緊張呢~~

青島之旅 Day2.8 中國第一鐵塔

Day2.8 (2011-4-9)


行程: 酒店早餐-->信號山公園-->基督教堂-->迎賓館-->奧帆中心心海廣場-->
葡萄酒街-->啤酒博物館-->電視塔-->婚紗街-->登州路-->酒店

離開左啤酒博物館, 仲有1個鐘先天黑, 「小魚山公園」怨念仍然纏繞住我,
所以我地上左的士, 又同司機講去小魚山。
不過...司機第一句又係: 「去小魚山幹嘛? 而且又要付費, 沒甚麼好看的。」
「很多人都這樣說, 那...小青島呢? 來不來得及去?」
他說: 「還不一樣! 沒甚麼好去的」
「那...你有甚麼推介?」
「你們去過電視塔沒有?」
「沒有, 好看嗎?」

他不停hard sell電視塔, 對我o黎講...依座塔就好似上海東方明珠塔&澳門觀光塔一樣, 去旅行我從來都冇興趣去的! 不過既然佢咁熱烈介紹, 就聽他的~ 因為我都怕去到小魚山公園已經關門。由啤酒博物館打的o黎電視塔, 只係14蚊, 好抵!

青島之旅 Day2.7 啤酒博物館

Day2.7 (2011-4-9)


行程: 酒店早餐-->信號山公園-->基督教堂-->迎賓館-->奧帆中心心海廣場-->
葡萄酒街-->啤酒博物館-->電視塔-->婚紗街-->登州路-->酒店

差不多3:00pm, 終於俾我地見到啤酒博物館, 好緊張呀,
到底...係咪真係如果位司機所講「裝修緊」呢?