坐馬航去吉隆坡 $790 (只限19-22Jan訂票)

收到馬航個e-mail, 有飛吉隆坡的優惠
好抵! HKD790連稅
不知道是否會員先可以訂
但都post出o黎俾大家
留意訂票時間及旅遊時間
希望對大家有用啦~

Be the

first to Get-the-Deal
to

Kuala

Lumpur

from HKD 790

All-inclusive fares • Book from 19-22 Jan

2010 • Travel from 22 Jan-8 Feb 2010

我家有個潮媽2 - 玩skype

自從潮媽學識左玩facebook之後, 日日都沉迷玩, 佢o既活躍度仲勁過我
最近佢仲學識埋玩skype, 上網同朋友傾計......

E-LanguageSchool (中,日,韓,意,法,德,西,葡,荷,俄)

E-LanguageSchool

http://elanguageschool.net/

又一個學習外語的網站, 是用英語作為教學語言, 所以佢冇得學英文
講真, 網頁介面不甚吸引, 全部都是文字同埋太多廣告唔夠清簡。
雖然佢有齊grammer, basic phrases等等教學, 仲有真人發聲tim

不過因為佢係用quicktime控制的, 所以每次聽聲都要click一下, 等佢load完, 聽完, 再返上一頁再學其他字。個人認為控制上唔係咁方便, 比起flash mouse over即刻發聲是輸蝕了。不過都不失為一個參考網站, 所以都同大家分享下。



外語方面, 它有以下10種語言可供選擇


-Chinese


-Dutch


-French


-German


-Italian


-Japanese


-Korean


-Portuguese


-Russian


-Spanish

一個非常好的學外語網站：LingQ (中,英,日,意,法,德,西,葡,瑞,俄)

一個非常好的學外語網站：LingQ (中,英,日,意,法,德,西,葡,瑞,俄)

介紹一個超級好的外語學習網俾大家, www.lingq.com
這是我公司一個外籍同事介紹俾我的, 真係非常好~
這位外籍同事能夠說得一口流利的廣東話, 都係全靠佢

聽講整依個網站o既網主, 精通13種語言, 真係利害!

功能方面唔洗多講, 睇下圖就知哪

可以選擇自己o既母語, 學起上o黎就更加事半功倍啦!:D

申請左個account之後, 就會入到依個介面
可以選擇自己o既程度, 選擇適合的課程來開始

右手邊有個進度表, 好清楚

課程都是一些日常對話
法文beginner1的內容係介紹自己
有教材及mp3 download, 方便你離線時學習

你可以先睇一次全文, 然後先聽mp3
如果可以的話盡量跟住讀, 咁樣可以鍛鍊地道發音

一開始, 全篇文章都是藍色highlight, 代表未識o既生字
當你mouse over上面, 佢可能會有提示, 亦可能冇
你可以接綠色+新提示來edit個解釋, 咁個字就會由藍色highlight轉為黃色highlight, 當你下次再遇到依個生字o既時候, mouse over就會出解釋
如果你已經識左依個字, 你可以按已知的, 咁樣個字就會冇晒highlight
當d字越來越少highlight o既時候, 就代表你學識o既字越多

黃色highlight o既字, 係代表你已經學左, 但係又唔係好記得o既字
所以保留黃色highlight, 若你唔記得o既時候, mouse over取提示
當你完全記得依個字o既時候, 就可以按右下角編輯, 取消這個字的提示

「已知的」生字, 會放在右手邊的box, 如果想溫習已學的字, 可按詞彙複習閃示卡

如果我仲係解釋得唔夠清楚, 大家可以申請個account自己試下
入面有一個詳細的使用教學

左上角可以選擇其他外語的課程, 有(中,英,日,意,法,德,西,葡,瑞,俄)揀

網站是免費的, 不過都有提供選擇性付費功能
視乎各位需要吧!

我親身用過之後, 覺得佢作為一個自學o既教材o黎講, 真係唔錯!
因為有進度表, 循序漸進的學習
很喜歡它的詞彙highlight功能, 可以俾我分辨邊d字學左邊d字未學,
仲有得隨時溫習返, 真係好好
而且口音都是地道的, 就算學唔好講的, 都可以訓練聽力
外籍同事都學緊法文, 不過佢程度同我差得遠了!
佢早前已經學過5年, haha
佢大力推介lingQ, 差不多每日都要講一次!
佢話自從用左lingQ之後, 佢d法文好快返返o黎, 仲話不出3個月, 佢就會講到好似native speaker咁喎~哈

大家都是地球同胞, 請捐款幫幫海地人

海地七級大地震, 死傷無數

看見海地人的無助, 缺水缺糧, 我真的感到很心酸


為何四川地震﹑台灣風災, 大家都咁落力去幫手, 有錢出錢, 有力出力


但是當海地發生如此災難時, 竟然冇人伸出援手?


點解救援o既工作會咁慢...黃金72小時竟然冇人救援


只有海地人幫海地人, 48小時缺水缺糧, 真係看得令人心酸





香港人出名有善心, 許多地方發生大災難時, 香港人往往都會捐好多錢救災


但是最近大家關心的, 都圍繞著「起唔起高鐵」, 海地? 聽都未聽過, 就是因為對國家的「陌生」, 所以傳媒懶得報導, 冇報導, 大家對這國家的同理心就細左


傳媒的宣染力真的很重要





發生災難後, 我在網上搜尋資料認識這個國家





天天嘉年華／海地面具節帶來鼻酸式的歡樂


http://www.nownews.com/2008/01/30/11425-2224730.htm





海地這個國家, 原來好貧窮的


海地全國80%的人民生活在貧窮線（聯合國定義：每天收入1美元）以下，超過三分之二的勞工沒有正式工作。長期處於內亂，政局動盪不安，經濟匱乏的環境下，聯合國兒童基金會執行主任威尼曼指出：海地是西半球嬰兒死亡率最高的國家。





美聯社記者拍攝了這一系列的海地生活，在海地，沒錢買物資的老百姓，竟然製作「泥巴餅」在吃，看得真的令人感到鼻酸。

↑泥巴餅的材料：泥巴加上鹽和小小的蔬菜；這是海地人民可以不飢餓的少數選擇之一！

↑海地婦人正拉起曬乾的泥巴餅，仰賴微薄外來援助的海地人民，吃不飽是平常，沒得吃是經常！

↑如果可以選擇，誰會讓孩子去吃泥！

↑只是一張爛紙板，挖兩個洞，就是一個可以令孩子快樂的面具，海地孩子的快樂，真的很便宜！





災難前他們已經好慘, 災難後簡直是雪上加霜


我地香港人真係好幸福





在此呼籲大家, 如果有能力的, 希望大家都去捐d錢幫助佢地, 縱使係$50, $100都好, 有錢的更加要捐多d
克林頓呼籲, 即使是 $1, $2 也好





香港紅十字會呼籲市民捐款


回應國際紅十字會的行動，香港紅十字會呼籲港人慷慨解囊支持今次海地地震的賑災行動。

A) 查詢請致電 2802-0021 或 電郵 international@redcross.org.hk  

B) 香港紅十字會: http://www.redcross.org.hk/tc/home.html

1. 網上捐款
   
   
2. 將捐款直接存入以下香港紅十字會戶口
   「香港紅十字會賑災及發展專戶」:
   匯豐銀行（002-205490-006）
   請將存款收條正本連同捐款表格寄回本會，以便發出捐款收據。
   
   
3. 劃線支票抬頭請寫「香港紅十字會賑災及發展專戶」，請將劃線支票連同捐款表格寄回香港夏愨道33號 香港紅十字會 國際及賑災服務部 收。
   
   
4. 信用咭捐款：請填妥捐款表格並郵寄至本會或傳真至2824-3693。
   
   
5. 透過全港逾960間7-11分店以現金直接捐款，每次最低捐款為港幣一百元。請將現金收據正本連同捐款表格寄回本會。
   
   
6. 透過繳費靈: 商戶編號9167。如未有捐助者編號，請致電本會(2802-0021)索取。請填妥捐款表格並郵寄至本會，以便發出捐款收據。

除此之外, iTunes 也有設立海地捐款服務, 捐款將交到美國紅十字會, 幫助海地嘅死難者!
iTunes 海地捐款連結

北京凍到震之旅 Day3a (天安門+故宮)

Day3　(2009.12.26)
行程: 天安門->故宮->王府井大街->花家怡園->鳥巢+水立方->煙袋斜街->什剎海

今日都好凍，訓到唔願起身．．．11點幾先出發去玩。
日日都搭的士，見故宮咁近，今日就試下搭地鐵啦！
睇地圖一早都知地鐵站好遠架哪，問bellboy地鐵站係邊，佢指左條路，說步行15分鐘左右就到了。對我o黎講都真係幾遠。

我地住的五星級大酒店威斯汀

走在左金融大街，到處都是大銀行及保險公司大廈，連北交所都在這裡，就像香港的中環區。不過我對金融大街唯一的印象，就是「飛劍」，遍地濃淡乾濕的痰積，好不噁心！你要好小心先可以避開它們！所以我覺得，金融大街應該改名做「飛劍大道」，又有氣勢，又貼切。真係唔明點解中國人可以咁多痰，多到唔周街吐唔舒服。

北京交易所 - 北交所

行左好遠，終於見到百盛購物中心，地鐵站應該就在附近
但係搵左好耐．．．都見唔到類似「地鐵站」o既物體！
結果去左對面馬路果個。

北京o既地鐵站有保護色的，同香港地鐵站「明顯」o既設計特色真係差得遠！
又一次證明北京o既計設真係好唔user friendly。

售票機，無論去到邊都係２蚊，真係好抵！

來了幾天，感覺到這裡的安檢真是嚴密得很！
許多公眾地方都需要安檢，天安門﹑故宮﹑鳥巢等地標性建築一定走唔甩，
就連出入地鐵站都一定要過Ｘ光機。
講真，真係好唔方便。

北京地鐵站不像香港，某d站需要行好長o既隧道才到月台，某d站轉車又要行好遠先去到另一個月台，唔似得香港咁方便，過對面就轉到車。

北京的「山手線」ＸＤ

到了前門站，天安門廣場呢？搵左好耐先搵到佢o既蹤影，睇o黎...我又搭錯車了。
原來如果想最快時間去到天安門及故宮，應該去天安門東站／天安門西站落，而唔係前門站。前門都去到，不過要行一段好遠o既路，對於趕時間o既人就唔適合哪！

一出站，就見到好多建築物

天安門廣場真係好大好大．．．要行好遠先去到

天安門廣場兩旁的燈柱，通通都裝上監視器

天安門同故宮俾我的感覺都好震撼，自問不是愛國的人，
但是當我親眼看見這兩棟建築物，心裡面都不其然肅穆起來。

來到了天安門廣場前，拍了幾張「到此一遊」的照片後，我們便往故宮出發！

解放軍無啦啦做左人肉紙版公仔

點解企咁遠？因為佢同我講：「不要靠太近啊！」
所以你見到我地中間有條"喇"

因為晏左o黎，所以好多好多人(假日都可能有關係的)

皇帝帽同格格帽

首先去買入場票，淡季成人￥40
排隊o既時候我仲買左本故宮圖解歷史書仔￥5，見好多人買所以我都買一份。
故宮咁大，下下睇書仔解讀歷史咪有排睇？唔洗驚，入場後有「自動導覽解說器」租用的，導覽器能探測到你所在的位置，無論你走到哪裡都有專人解說故宮各處的歷史，而且除了英﹑粵﹑普之外，還有其他外語一共22種可供選擇，照顧周到。不過租金方面，中國人是有優惠的啊，普通話和廣東話￥10，其他語言就要￥40，按金則每個￥100。

我覺得依個導覽器幾方便划算，仲有條繩俾你掛頸唔驚整唔見。
不過有時神神地，detect錯左位置，去到最尾，仲冇晒聲tim！

午門 - 睇電視成日講午門抄斬就係依度哪!

依個係故宮的地圖，皇宮咁大，幾個鐘梗係行唔晒啦～
我地主要o既路線都係中路直線去到尾，由午門入，神武門離開。

越過午門之後穿過太和門，我地睇到皇帝上朝o既地方太和殿，皇帝休息o既地方中和殿，同以前讀書人最希望去o既科舉試場保和殿。

行入太和殿範圍，講解器就介紹左依４樣野：日晷，銅龜，ｘｘ，嘉量
(ｘｘ係因為我唔記得左個名^^" 只係記得佢係用來點香薰用的)

太和殿，就是皇帝每朝上朝辦公o既地方。

見唔見到張龍椅？因為太多人了，所以我在側門睇，影d相都係45度。

太和殿的背面

太和門之後就是中和殿&保和殿

中和殿是皇帝休息的地方

保和殿就是皇帝出席大典式祭祀前o既更衣室，清代成為宴客場地，順治及康熙曾用作寢宮，至於乾隆就將科舉試場搬到依度，所以以前讀書人最希望去保和殿。

保和殿對出的空地，就是宣佈成績o既地方，一眾考生站在此等皇帝宣召誰是狀元(第一)﹑榜眼(第二)﹑探花(第三)。中舉的讀書人仲可以恩許由御道行出午門，是很大的榮譽。

這塊石碑, 花左好多人力物力先可以帶到o黎依度架

乾清宮就係皇帝o既寢室，直到雍正上位，寢室就搬到養心殿。

坤寧宮是皇后的寢室，交泰殿則是皇后的辦公室。

交泰殿內

跟住落o黎o既相片都是千篇一律的皇宮面貌，所以都唔post太多出o黎哪，有機會大家去親身感受下啦！

坤寧宮之後，就是御花園。

一級古樹

依棵咁得意o既樹就係「連理枝」了

堆秀山

依個係「木變石」，上面果舊真係石o黎架。好神奇！
話時話依舊木驟眼睇有ｄ似人樣喎～

除左皇宮之外，仲有好多其他小宮殿做展覽館，擺放以前皇帝o既收藏品，有繪畫鐘錶銅器瓷器玉器金器等等，實在太多。皇宮太大了，所以我地冇行晒，只係隨便揀左幾個參觀。我地發現，好多珍寶都係屬於乾隆的，哈哈，依個皇帝最貪玩，聽過佢ｄ史蹟，就知道佢係最識享受的清朝皇帝。
因為太多相，所以我整左段slide，方便大家睇。

參觀完畢，已經3點半，我們從神武門離開，打了一部的去王府井大街。

下一篇

北京凍到震之旅 Day3b (王府井大街)