梅窩3天遊 Day1 銀礦灣酒店

已經好耐冇寫過香港遊了! 話說上個月, B小姐趁放假前最後一個假期, 同A先生去左梅窩玩3日2夜, 一嚐渡假的感覺。其實香港都有好多地方好好玩, 唔需要花好多錢, 都能過一個愉快假期。見今日有D時間, B小姐就同大家分享下啦~

走進寧靜角落 --- 銀礦灣酒店

從中環乘搭1小時渡輪, 就能夠來到這個充滿悠閒小島風情的 --- 梅窩。
有別於長洲及南丫島, 這裡有一份與世無爭的寧靜。

我們沿著碼頭向右手邊慢慢走著, 沿途有人踏單車﹑有人放狗﹑有人散步,
約10分鐘左右, 便來到了將入住3晚的銀礦灣酒店。

我們訂了新翼房間, 戶戶也有個小露台

門匙還是用傳統的

雖然沒有豪華的裝修, 但這裡令人感覺很舒服!
雖然是三星, 但拖鞋﹑杯﹑水壺﹑牙刷﹑牙膏﹑沐浴露﹑毛巾﹑風筒等齊備,
相比起渡假屋, 她的價值更高。

房間外的景觀

我們住的房間是望內園, 另一邊是望沙灘

聽聞酒店內的早餐很好吃, 不過我們在agoda訂是沒有包早餐的, 所以沒有緣試。
經過走廊, 看見有各式各樣的餐牌, 價錢也不是太貴。

午餐
一至五 HK$98
星期六日及公眾假期 HK$128

下午茶


一至五 HK$68


星期六日及公眾假期 HK$98

四季美食 半自助晚餐




只限星期日至五 HK$188

國際美食BBQ自助晚餐
只限星期六 HK$268

各餐類的供應時間

酒店餐廳

順興食海鮮

在酒店休息左一陣, 我地就出去食飯lu。
梅窩係沿海地方, 海鮮應該唔錯!

我地search openrice, 知道依度附近有個梅窩熟食市場, 有好多海鮮大牌檔

依間順興比較多人讚

佢有d 二人套餐﹑四人套餐呀咁, 後尾我地叫左個經濟套餐。
豉椒炒蜆
豉油王乾煎蝦
小菜一碟($55以下)
例湯

小菜都幾多款式

例湯, 估唔到咁大碗! 今日係青紅蘿蔔湯, 味道ok啦

豉椒炒蜆, 幾好

蝦醬牛肉炒通菜

豉油王乾煎蝦, 依碟係招牌菜, 真係好好味!! 蝦爽甜, 入味, 煎到o岩o岩好, 唔乾。

((待續......))

雲南之旅Day2.4 乘船漫遊洱海

Day2 29May2011(Sun)

漫遊洱海

下午乘坐船遊洱海, 兜出去3個鐘,
船上有白族歌舞表演睇, 品嚐三道茶, 同埋會去南昭風情島。

雲南之旅Day2.3 大理砂鍋魚頭風味餐

Day2 29May2011(Sun)

砂鍋魚頭風味餐

遊完大理古城, 我地去左食飯。
今餐係砂鍋魚頭風味餐, 在段仕酒樓內享用, 勁富農村風味。

依度好靚呀!

雲南之旅Day2.2 大理古城

Day2 29May2011(Sun)

過左個半鐘, 我身體稍為好轉, 可以開始飲少少水。
在這段期間, 非常感激團友們o既關心同幫忙, 令我感到人間有愛。
下一站係坐環保車遊古城, 我見好番少少, 就落車呼吸下新鮮空氣。
雖然吽下吽下, 不過錯過的唔會太多。

雲南之旅Day2.1 大理天龍八部影視城

Day2 29May2011(Sun)

昆明-->大理

第二日, 一起身就feel到個胃好痛, 入廁所嘔同痾......
我最唔想發生o既事終於發生左, 又冇帶藥, 點算......?
冇咩點食野, 嘔o既都係黃膽水, 今次究竟係粒藥有問題定d水有問題呢?
最辛苦o既時候, 卻要趕飛機......點都要飛到大理先算。
W太俾左李萬山整腸丸我食, 其實以我當時o既身體狀況, 食完估計都係嘔返出o黎。
但係W太話:「你食啦, 食左嘔返出o黎先算啦, 唔食仲辛苦。」於是我就好聽話咁食左, 食完之後, 惡夢開始, 我就一路行, 一路嘔, 由上飛嘔到落機, 將李萬山整腸丸完完全全嘔返晒出o黎。如此的迷迷糊糊, 我就去到大理了。

天未光, 我們就向機場進發

雲南之旅Day1 昆明金馬碧雞牌坊

Day1 28May2011(Sat)

香港-->昆明

成日都去旅行先o黎病, 今次又係咁!!
話說前晚食完兩粒紅景天之後...尋日起身又胃痛又嘔。
唔知係咪關紅景天事, 我冇話俾醫生聽, 佢知我今日出發, 所以話我太緊張引致胃抽筋。見過鬼就怕黑, 就算可能唔關事, 我都停左食紅景天。

今日天氣唔錯, 希望到雲南都係咁好天就好lu~~
我地搭香港快運UO273, 下晝15:45機, 去到昆明果邊, 已經18:30。

雲南之旅感想

去完雲南返o黎已經成個月, 但係都未有時間寫遊記!
今日開始我會慢慢上載相片及遊記了, 請大家耐心等候啦。

首先總結一下旅程o既感受先!
跟團真係好辛苦, 尤其係依d八天團...經過今次之後, 我發誓以後都唔會再跟團!!!
日日都唔夠瞓...趕飛機趕車真係好辛苦...如果我自由行, 我唔會編自己一到步第二朝就坐7點幾機。

昆明﹑大理﹑麗江﹑香格里拉, 四個地方之中...我最喜歡係香格里拉! 因為到處都見到綠油油o既草原, 同自由自在o既野生馬牛羊~ 其次是麗江, 若不是遇上壞天氣, 一定漂亮10倍!! 至於大理, 你會見到好多山間田野, 感覺是舒服的。不過相比起麗江古城, 大理的比較人工化, 若沒有充足時間其實可以不去。昆明, 是一個大城市, 沒有特色, 相信因為九鄉和石林兩個景點才會停這一站吧!

至於天氣呢, 真係唔好彩, 撞o岩雨季, 去到麗江落狗屎......玉龍雪山完全睇唔到, 石卡雪山又唔靚~~幸好香格里拉&昆明放晴, 看到普達措公園及石林靚o既一面。

至於高山症, 好幸運我地全團人都冇事! 係有部份團友有少少頭痛o者~ 我自己都冇乜事! 去到香格里拉仲跑得跳得, 哈~ 係可能感冒關係, 令到我第2日嘔到七彩, 不過之後幾日都冇乜事lu~ 我諗因為行程是慢慢上的關係, 所以大家都適應左。反而去到香格里拉, 見到隔離一團內地團友, 不停嘔吐。

衛生方面, 廁所果然係很有「風味」! 有d廁所沒有門﹑有d廁所臭氣沖天﹑有d廁所沒有水沖廁及洗手......果真大開眼界!!! 很後悔沒有帶口罩, 原來真係可以好臭架。

永安團算是食好住好, 導遊的質素都ok, 不過今次的隨團領隊, 我們就一致認為麻麻地。經驗唔夠, 講野多過做野, 仲成日講廢話......我地唔理佢, 佢仲要自己繼續講~_~ 最差係佢俾我地o既感覺似係「團友」多d, 成日痴住一位單身團友行, 最搞笑係我地問佢野, 佢自己都唔知, 仲亂up; 又問返團友「我地個車牌幾多號呀?」......真係好笑喇, 乜唔係應該我地問返你咩?? 本來我地有諗過投訴, 唔係想趕盡殺絕, 而係唔想下一團受害, 要俾d小懲大戒佢。不過後來都冇做到, 因為過左道氣, 就算啦, 放佢一馬。如果佢有緣睇到依篇野, 希望佢會檢討下自己, 「少說話, 多做事」。