星洲酒店【跳槽到 5footway.inn】

兩次去新加坡, 兩次都煩惱揀咩酒店好!

上次生日就話住好d啫, 今次冇咩budget, 新加坡又多左咁多新酒店, 真係煩~

因為知道去嘅時候撞正暑假, 所以特登早d book!

正所謂「早買早享受, 遲買貴幾舊」, 我一早明白依個道理啦!

較早前訂左 Santa Grand Hotel Lai Chun Yuen (聖麗珍園大酒店), 有free cancellation。

點解揀佢呢? 第一, 有朋友2月去新加坡住過, ok方便, ok乾淨, 係間房細少少!

第二, 佢開左都唔夠一年, 新酒店, 衰極有個譜!

第三, 前排有 early bird Promotion, Deluxe King Bedroom特價左之後一晚都係 HKD$1050 左右!

上次住完 Studio M Hotel之後, 行到怕怕, 所以佢近地鐵站都係非常吸引嘅因素!

咁多理由support, 我諗唔到仲點拒絕!

一千蚊有咁嘅質素, 殺你!

但係人係貪心嘅動物, 睇睇下, 又發現更好嘅選擇!

台北之旅-Day2【好味到昏牛肉麵】

Day2 (13 Apr 2012)

第二天, 較了鬧鐘九點起身食早餐, 但係因為實在太累了...最後放棄了, 睡到11點。

酒店早餐是7-10點, 對香港人來說比較早啊!

休息夠了, 精神好好多, 沖個涼就出去食早餐~

因為1個人, 所以去哪裡都很自由, 可以隨心而行。

聽講昆明街有間好出名的牛肉麵店, 就在幸福旅店附近, 去試下先!

 

到左, 剛剛12點幾, 撞正食飯時間, 都幾多人, 店員派左餐牌俾我邊點菜點邊等。 

 

 

我叫左碗牛肉麵(小) NT$160 (幼麵), 其他野都好吸引, 不過胃得1個, 食唔到太多。

等左5分鐘左右, 就有位喇~

店子裡面幾寬敞, 坐得幾舒服。
我被安排坐到一張二人桌。

 

坐下時, 小店職員走過來非常有禮貌地對我說:「你好, 請讓我幫你清潔桌子」
這讓我有深刻的感受, 因為在香港, 已經習慣左出街食飯, 伙記抹枱執野唔會出聲, 執完就走開。
但係佢咁有禮貌同我交代, 令我感受到優質服務態度。

 

店子有自家製的牛肉麵醬﹑小菜專用辣醬, 嗜辣的朋友可以一試! 
茶是自助形式的, 有個櫃放左茶杯及茶壺。 

等左10分鐘左右, 熱騰騰的牛肉麵上桌了。望落好似好好食咁, 流晒口水...

喝一口湯, 是用牛脊髓﹑牛腿骨﹑牛頸骨熬成的湯底, 非常清甜而不?, 仲含豐富膠質, 對女生好的^^

牛肉麵專用辣醬, 係由牛脊髓加辣椒同炒再打成泥狀, 好考功夫的, 我加左少少入牛肉麵, 香香辣辣, 清湯即時變成紅燒牛肉麵!

牛肉採用澳洲牛腿肉, 半筋半肉, 質感軟腍, 彷彿在口中融化, 好好味!

麵條有粗及幼兩種, 粗麵煙韌有咬口, 幼麵則幼滑吸湯, 各有優點。假日只供應幼麵。

牛店

地址: 台北市昆明街91號

營業: 11:30-22:00

電話: (02)23895577

休息: 年中無休

網址: 沒有

 
順帶一提, 喜歡這牛肉麵, 還可空運回港。

吃完, 一幅滿足的樣子離開。
難忘的味道, 貨真價實, 值得一試!


下一篇
台北之旅-Day2【獨闖西門町】上一篇
台北之旅-Day1【西門町 幸福旅店】

台北之旅-Day1【西門町 幸福旅店】

Day1 (12 Apr 2012)

上回講到夜晚機到台北後, 搭國光客運去到台北車站再轉的士去「幸福旅店 Happiness Inn」。

Happiness Inn Hotel 幸福旅店---西門町    
台北市萬華區成都路66號旁【內江街55巷26號】

http://www.happinessinn.com.tw
在這裡會入住3晚, 12/4-14/4住2晚, 跟住check-out去雪霸旅行, 15/4-16/4再住1晚。
到達酒店時已經凌晨12點, 那位職員一見到我就問:「是黃小姐嗎?」「我以為你不來啊!」
哈...一早話夜機, 會11:00-12:00pm左右先到架啦~
好彩佢仲有留房俾我o者~

酒店外觀~
為了集中d, 我把兩天拍攝的照片都放在這篇, 好讓大家看到幸福旅店日與夜。

酒店坐落於成都路的小巷中, 夜晚有少少黑, 好彩一轉角就見到。
酒店分兩棟大樓, 右手邊係酒店lobby及非吸煙樓層, 左手邊係吸煙樓層。

我被安排到左邊樓層, 直去到尾有電梯去二樓。

訂房時request非吸煙及安靜一點的房間, 他們真的安排了一間尾房俾我。 

一入去, 見到新幹線車仔牆紙, 不禁笑了一下, 好有童真的感覺呢~

間房幾大, 雖然同網上看的相片有點出入, 不過都幾好~

不過房間卻滲著淡淡的煙味, 唔知邊度傳來的。

 
門口右手邊係行李間, 仲有衣架掛衫。

洗手間是半透明+半磨沙玻璃設計, 好開放啊! 

 
洗手間算乾淨企理啦

設備方面, 鬚刨﹑牙膏﹑牙刷﹑洗髮露﹑沖涼液﹑梳﹑膠袋﹑避孕套...? 

連condom都有, 依間係真爆爆房來的。除左日租, 仲有時租(NT$500/hour)~_~

算啦, 五百幾蚊晚仲想點?

硬件設備有風筒, 不過冇雪櫃&熱水壺, 有d唔方便。
如果真係想食杯麵, 就落樓下common area啦, 有免費咖啡機及熱水機。

不過感覺是乾淨的,而且位置超好! 行過西門地鐵站6出口只需5鐘, 吃喝玩樂購物都非常方便!

因為實在太累了, 又好頭痛, 所以只係洗左面換套衫就倒頭大睡了......

海綿寶寶是台灣國寶啊, 4年了, 東森幼幼都仲有得睇。
看過那麼多版本, 還是台灣配音最好睇!

第二朝, 較了鬧鐘九點起身食早餐, 但係因為實在太累了...最後放棄左, 睡到11點。

酒店早餐是7-10點, 對香港人來說比較早啊!

休息夠了, 精神好好多, 沖個涼就出去食早餐~

因為1個人, 所以去哪裡都很自由, 可以隨心而行。
不乘電梯, 改行樓梯都得~

 

落去就係common area啦, 有免費咖啡機及水機供住客任用。  

相信早餐都都是在這裡解決的, 不過我就冇試喇。

日間景觀:)

下一篇介紹美味牛肉麵「牛店」
台北之旅-Day2【好味到昏牛肉麵】
上一篇
台北之旅-Day1【Hello Kitty彩繪飛機】

台北之旅-Day1【Hello Kitty彩繪飛機】

趁我記憶猶新, 快d寫好台北遊記先!

對上一次去台北已經係10年前嘅事, 果次係跟學校去領袖生交流團。

再對上一次去台北就係小學, 合唱團巡迴表演, 果次係環島遊, 台北﹑日月潭﹑六福村﹑九族文化村﹑阿里山等等......全部都去過。

不過都幾世紀前了, 乜都唔記得晒啦!

Day1 (12 Apr 2012)

印象中好似從未試過1人搭飛機, 放工後就去香港站轉乘機場快綫,
用匯豐卡上網買有6折, HKD$60 only。
其實我平時好少用匯豐卡的, 因為佢d分最唔抵,
不過keep住係身有時又會有意想不到嘅著數!

 

  

7點半到左機場, 去長榮check-in喇!
今次旅程專登揀坐長榮航空 Hello Kitty Jet彩繪機, 價錢都係差唔多, 多個體驗丫ma~

講明先, 我唔係Hello Kitty粉絲, 只係唔討厭:)

較早前寫左篇跟著 Kitty 去台北!, 說明乘搭前網上體驗, 今次來篇「體驗篇」, 實地考察現場情況!

連boarding pass都係Kitty樣~ 超Kawaii呢~~

9點鐘, 上機喇~~因為夜晚關係, 影唔到機身係點, 不過我都影左好多相。

入閘前用AE卡去Page One換左本免費雜誌, 真巧, 又是Hello Kitty。

 

一踏上機, 彷彿聽到Hello Kitty對我說:「Welcome to my home!」
是晚星期四, 又非黃金時段, 所以機上只有約3/5載客量。

我預先在網上選了尾段窗口位, 全程機也沒有人坐在我旁。

安頓好行李, 就周圍拍照。
音樂是Kitty, 熒光幕是Kitty, 座椅是Kitty, 安全須知也是Kitty!

 
機上有特別版Kitty禮物賣, 最kawaii一定係依條圍裙, 空姐姐姐都係著住佢o黎派餐架^^

認得她嗎? 她是機車小雞, 是我2008年在台中帶回港的。
是次B小姐坐返台灣, 順便帶機車雞「尋根」

好, 到架機嘅facility, 好新好先進, 細心留意發現USB插頭, 唔知係咪可以用來叉電呢?

機上娛樂設備都好豐富, 拍得住其他大航空公司,
只不過始終佢都係台灣人嘅航空公司, 所以節目都會傾向台灣d~

例如電影啦, 有<<那些年>>睇, 音樂則多數以台灣大碟為主。

熒幕是touch screen的, 靈敏度一般, 也可以用遙控器控制。

飛機餐好可愛, 唔係好捨得食

無論係boarding pass﹑座椅﹑headphone包裝袋﹑餐具﹑紙杯﹑連塊魚旦都係hello kitty!!

Hello Kitty迷見到一定會癲左!

 

用這個嘔吐袋嘔吐, 應該也份外舒暢吧XD

洗手間當然也不會放過!
地板是少見的木材, 設備又新又乾淨。

留意其他細緻位, 洗手液﹑消毒液﹑lotion, 全部印有 Kitty o麥頭!
最令我佩服是廁紙也是Kitty印花, 天啊...太細心了!
 

座位空間方面, 個人非常滿意, 感覺挺闊落的!

話咁快, 就降落台北桃園機場。

行李帶有職員將行李一件件執好, 等旅客可以容易拎。

過關後, 就沿著指示牌尋找機場客運櫃檯。

到市中心的有 國光/大有/建明(飛狗)/長榮

到桃園高鐵站的有 統聯

國光客運 www.kingbus.com.tw

大有客運 www.airbus.com.tw

建明客運(飛狗巴士) freego.com.tw

長榮客運 www.evergreen-eitc.com.tw

統聯客運 www.ubus.com.tw

朋友叫我搭國光, 去台北車站再轉的士。

偶然間飛狗也會有直接前往西門町的, 去到記住問問啊!

因為飛狗話去西門町果班已經開走左, 再等要11點半先有, 仲有成粒鐘, 所以我選擇搭國光。

單人票價NT$125, 買左飛, 直接出去就上車, 超快!

一上到車, 我就忍不住睡覺了, 中間停過好幾站落客的, 去到台北車站車程大概是1小時左右。

一落車對面就有的士站, 一切都好順利, 12點我終於到達旅館check-in。

由台北車站去西門町約NT$95, 司機加了我NT$20夜間附加費, Total NT$115。

  

 

下一篇說說「幸福旅店 Happiness Inn Hotel」的體驗

下一篇

台北之旅-Day1【西門町 幸福旅店】