大梅沙之旅@周邊景點 (2008-5-1至2008-5-4)

大梅沙最出名係有個長1500米o既海灘，果度有個天幕廣場，仲有個願望塔。
坊間好多網頁都介紹到幾咁正咁！甚至乎稱之為「廣州芭堤雅」，有冇咁誇張呀？
我同小Ａ一定要探過究竟！

由凌海酒店步行至大梅沙，大約十分鐘左右。在雅蘭酒店對面。
第一日到步，嚇左一跳！已經是傍晚６點幾，駛唔駛多人到咁！？

個海灘入夜都仲咁多人，真係奇景！
最得意ｏ既係．．．在沙灘中有個機動遊戲，仲有旁白同振奮的音樂，好多人排隊玩，真有趣！

最後一天，終於放晴了～
我們滿心歡喜再到沙灘拍照。
日間的大梅沙，又是另一番味道！

個沙灘冇咩值得好留戀，因為果度ｄ人太冇公德心了．．．
每隔幾分鐘，就會見到一個人在沙堆吐痰，咁嘔心，真係幾大幾靚都冇用！

大梅沙附近，有個叫湖心島ｏ既地方，是一個渡假區。
那裡有一條酒吧街及一個湖，以及很多歐陸式建築的別墅，都幾特別。
不過很多酒吧及商店仍未開業，到處到靜英英。相信日後一定很熱鬧。

晚上在這裡和友人把酒言歡應該感覺不錯！

大梅沙ｏ既夜景都幾靚，特別係願望塔同湖心島。
想不到綠色的湖都可以化腐朽為神奇。

由於大梅沙在雅蘭酒店對面，所以雅蘭酒店廣場非常熱鬧！
深夜仲有好多人，建議怕嘈的都係避免住雅蘭酒店。

這是雅蘭酒店廣場的地標影相位：「天長地久」

這應該是雅蘭酒店剛落成拍的照片。
第一眼睇到，誰也不相信這就是大梅沙！心諗：有冇咁靚呀？

中國人有本事製造一個漂亮的地方，欲欠缺保養的能力，真可惜！