Blog沒有時間寫, 旅行沒有時間去, 留言沒有時間覆......
今年plan了兩個旅行 - 馬來西亞避世天堂﹑上海世博, 最後都沒有實現......
真係令我感到萬分可惜!
因為轉左行, 現在的工作需要在星期六日工作, 不再是從前的五天工作週, 朝9晚6, 所以要擇日去旅行, 其實是很難的。
幸運地, 這份工作是放紅日公眾假期的, 所以聖誕﹑新年﹑復活節等長假期, 便是我的旅行目標。
向老細申請了聖誕節請假去旅行, 得到了批准, 開心得彈起。
熱門的東南亞地點: 泰國﹑台灣﹑日本﹑印尼﹑北京﹑上海都去過了
下一站想去未去過的國家: 越南 / 韓國
這幾天做了不少資料搜集, 今天和A先生到旅行社「實地考察」,
雖然我很喜歡自由行, 不過我其實不介意跟團,
可惜......太遲了......
找到的 package 或是旅行團, 一係就full晒, 一係就貴到嘔...
越南4日3夜套票要$6xxx, 首爾滑雪團5日4夜要$6xxx
全部都over晒budget!
其實聖誕節, 我預左貴, 但係冇諗過咁貴!
仲要有都係得返極少位, 好似你今日唔book, 聽日你有錢都唔洗旨意去!
budget over左, 咁我問下有冇其他地方選擇啦
布吉 / 沙巴 / 浮羅交怡 / 蘇梅......
「唔好意思呀, 依d全部都full晒喇, 而家我地賣緊新年o既package」
好灰......
難得有幾日假期, 唔通真係要在香港過?
唔得!! 我唔會放棄!
最多機票酒店分開買o既o者, 總會有辦法的!
係呀！我聖誕去張家界呀！有特價機票喎！(南航由廣州來回張家界好似仲係有特價喎！)你去過張家界未呀？你可以考慮下架！我下年都book 咗 機票去吉隆坡同丁加奴(都係睇咗你介紹先知響邊咋！)，仲有就係 CEBU 喇！如果可以既話，機票同酒店分開訂係着數好多喎！不過梗係 D 機票做 PROMOTION 先係咁啦！祝你有個開心既聖誕假期啦！
回覆刪除[版主回覆11/26/2010 00:03:00]多謝你呀~我未去過張家界, 聽人講果度好靚 不過我男朋友暫時唔係太想去中國 所以我都會首選係越南先! 哈哈...你就好啦, 我都好想好想去丁加奴>_< 不過而家冇$$又冇假期...我諗暫時都幾難去到lu 你去完返o黎話我知好唔好玩丫^_~ CEBU係一個好地方, 有特價機票o既時候真係要訂呀 我都祝你聖誕節玩得開開心心^_^
越南要簽證喎！你去河內定係胡志明呀！唔知依家可唔可以攪落地簽證呢？因為去越南領事館簽證，佢唔會即日簽好俾你的，要第二日再去攞的，好嘥時間囉！寧願俾旅行社賺！我去過胡志明巿都OK的，的嘢食都好食架！你跟團定自由行呀！
回覆刪除唔介意坐車既話，可以試下六天越南河內巴士團喎！不過車程好長，我都想等退休後大把時間，將所有價廉物美既巴士團試哂佢！
[版主回覆11/26/2010 23:24:00]我去胡志明~好彩我公司在灣仔, 去越南領事館都好方便 我係自由行呀~~因為跟團太貴, 同埋跟團要被逼浪費時間在購物點! 我都係鍾意自己自由自在, 鍾意幾點起身就幾點起身, 鍾意去邊就去邊