經過8小時的長途機後, 我地人人都帶著疲累的身軀到達布里斯本(Brisbane)機場。澳洲地大, 機場都非常寬大, 周圍環境乾淨舒適! 一出機場, 就排隊等候過海關。進入澳洲, 就開始要放慢腳步, 適應這裡的「慢生活」。澳洲人做事很慢條斯理, 對於急性子的香港人可能會有d唔慣~ 不過我卻非常喜愛這種生活節奏!
過關後司機就在機場等候, 載我地去黃金海岸(Gold Coast)。由Brisbane去Gold Coast大概1個多小時車程,
大家一上車就呼呼大睡......其實周圍風景好靚, 不過實在累得沒有心情欣賞, 用相機快快Snap了幾張相就算。瞓醒就到左第一站: Hyatt Regency Sanctuary Cove。是次行程因為太趕急, 所以我地唔夠時間一次過睇晒咁多間酒店, 所以唯有7個人分開住唔同酒店, 夜晚食飯時一齊分享返~
雖然冇機會住, 但係我地都有時間參觀
Hyatt Regency Sanctuary Cove ^^。依間酒店充滿40年代澳洲風情, 古典歐陸式建築, 柔和嘅顏色, 令人很舒服很放鬆~ 房間有幾種, 最豪華的一間Manor Suite有千幾二千呎, 大房大廳大露台, 好正! 酒店配套非常完善, 還有一間非常漂亮的玻璃教堂, 落地大玻璃讓陽光滲透, 前望翠綠花園及湖景, 湖面上泛起閃閃光芒, 睇到我不禁「嘩」了一聲又一聲! 行程參觀左咁多間, 我最鍾意依間 Wedding Chapel~
除了婚禮場地, 宴會配套都好好, 有兩個「擺酒」場地, The Grange 可以擺15-20圍, 中間仲有個Dancing Area; 另一個 Phoenix Garden Lounge 可以擺3圍, 啱晒有15-30人賓客的新人擺一場溫馨的晚宴。類似嘅Garden Lounge有3個, 分別座落於唔同酒店Building, 就算一日有3個Wedding, 都可以滿足幾對新人的需要, 享有私密空間與賓客暢聚愉快時光。
酒店雖然沒有沙灘, 但有一個人造沙灘泳池, 不算很大但已足夠。這裡寧靜景色漂亮, 充滿著濃濃的渡假風情~~
除了參觀, 我地仲食左個午餐先走, 食物新鮮好味, 讚!
放低第一位團友之後, 我地就繼續上路, 去下一間酒店 Surfers Paradise Marriott Resort。
總結: Hyatt Regency Sanctuary Cove 位於昆士蘭Sanctuary Cove 的中心。酒店四週環繞著一流的運動和休閒設施, 包括寧靜的高爾夫球場和沙灘湖泊。從酒店數分鐘可至華納兄弟電影世界﹑夢幻世界﹑海洋世界和水上公園。 雖然距離市中心遠d, 大概40分鐘車程, 不過我們還是一致讚成 Hyatt Regency Sanctuary Cove 係最適合Honeymoon 同 Wedding 嘅好地方!
((待續......))
司機及車子, 後面放行李, 前面坐人, 咁就唔會逼逼夾, 實用空間好高! 車箱寬敞舒適, 很好睡, 哈!
窗外的風景十分怡人, 隨手snap一張都好靚, 好peaceful~
酒店門外的buggy
一箋吊燈, 都充滿懷舊味道
酒店房的外觀
酒店有個私人碼頭, 遠處停泊了許多遊艇, 因為依區亦係有錢人區, 附近有好多豪宅別墅
除了教堂, 還有另一個婚禮場地, 就在泳池旁, 比較natural
d外國人勁relax, 曬太陽, 睇書
雖然係人造沙灘, 其實都真係幾正架~
依個景就真係無敵喇, 係咪有幾分似迪迪尼呢?
求其影一張都咁靚
酒店餐廳
酒店餐廳
豪華套房個露台
豪華套房's 主人房
特大飯廳, 3代同堂坐晒係度都得
普通客房, 都ok架
廁所都幾乾淨企理
酒店房大樓的樓梯
Reception Venue: The Grange (15-20 tables)
另一宴會場地, Phoenix Garden Lounge (3 tables)
酒店範圍有很多熱帶植物, 樹木茂密高大。
到達 Surfers Paradise Marriott Resort 之前 在車上snap的一張風景相
下一篇
沒有留言:
張貼留言