聖托里尼 Santorini 餐廳推介:
La Maison @ Imerovigli (朋友推介)
我沒有嚐過，不過朋友去Honeymoon時試過大讚，是可以一試的西餐餐廳。
Anogi @ Imerovigli
Pizza幾特別，是地中海式，上面有yogurt & 肉丸，其他兩款睇圖吧，八爪魚還不賴的，不過相比起Metaxy Mas Tavern @ Pyrgos，質素差太遠了。在Google打ANOTI是找不到的，搜尋器會自動出了Anogi，是同一間餐廳。
Salt & Pepper @ Fira (好傳統的希臘小餐館, 老闆娘好好人, 酒店可以行過去)
老闆娘似乎是十分好客的，不時看見她和不同客人打交道，熱情地介紹有甚麼好吃的。在當眼處擺放「Slow Food」一字，示意入得嚟，就要融入當地文化，好的美食是要等待。老闆娘首先端上一桶麵包，然後就向我介紹餐牌上的食物，我已記不起已點過甚麼餸菜，看圖吧，雖然外表很特別，但味道都是很好的。
Ammoudi Fish Tavern @ Oia (睇日落正)
口碑好好的海鮮餐廳，是希臘朋友推薦給我的，位於Oia環境優美的Ammoudi beach，出名食海鮮，魚類和八爪魚都十分出色，在日落是份到來，還可以一邊欣賞美麗的日落，一邊享用晚餐。
Metaxy Mas Tavern @ Pyrgos (Super Delicious!!!!) 必試八爪魚, Fava, 青口
這間餐廳主打並非聖托里尼島的菜式，而是位於希臘南部另一大島克里特島(Crete Island)的家鄉菜，不過佢地做得非常成功。食物味道係聖托里尼試過中最好的，尤其係八爪魚，非常淋，肉質鮮甜，從來未食過咁好食的八爪魚。
Mythos Grill House @ Pyrgos (都係好傳統嘅希臘菜)
旅程中食過三次，因為她是我希臘朋友結婚晚宴的場地。提供傳統的希臘菜如炸芝士，味道都是很傳統的，所以唔係好食得慣。
il Cantuccio Restaurant, Italian Cuisine @ Firostefani (Pizza不錯)
好近我入住的酒店，沿著200級樓梯上到頂就是了，是一間意大利餐廳。正不正宗我不敢說，只是味道還不賴，如果想近近地食一餐，她是一個選擇。
米高諾斯島 Mykonos 餐廳推介:
M-eating @ Mykonos Town (牛扒好正)
這是我的朋友推介我去試，價錢唔算貴，食物味道好。抵達第一日就諗住試，點知原來佢晏晝會落場，夜晚才開，於是我夜晚再去過，但沒有book位，full晒，即時book了第二晚再去，佢地預留左個好浪漫嘅Corner位俾我，享受一個人的晚餐。侍應服務好好，我點了一客牛扒，一杯紅酒，還有一些燭光點綴。
Nautilus @ Mykonos Town (海鮮新鮮)
因為吃不到M-eating，所以試了附近這間西餐廳，廚師推薦海鮮湯，是用新鮮魚肉煲成，好鮮甜，還有蜜糖魷魚都好好味。飯後已經好飽，他們硬要送我甜品，是非常甜的不知名東東。
雅典 Athens 餐廳推介:
Chez Michel (希臘朋友推薦)
B小姐逗留雅典的兩天，都是由希臘朋友帶我去的，所以已忘記了餐廳名字。這間Saint Michelle餐廳位於雅典Kolonaki區，是我的希臘朋友推介，他是一個美食愛好者，到任何國家旅遊都對美食很有心得，那由他介紹的Home Town美食應該很不錯吧！如果大家有興趣可以試下。
仲有一間黑店千祈唔好去，叫做 Adrianos, Athens - Restaurant，有位朋友去Honeymoon，見間餐廳setting幾靚，有情調，仲有Live Band，所以冇check過就入左去。點知坐低左之後透過Wifi上網先知道間餐廳專屈錢，好多負評......一開頭已經屈佢地要麵包和水， 4€+3€，佢地食完飯埋單，餐廳要佢地俾多20%做service charge，但事前冇講明，在餐牌上亦冇寫明，所以堅拒俾，走嘅時候都好驚餐廳會尋仇。最大問題係，味道亦好麻麻......餐廳職員對客人囓態度亦有d rude。雖然Tripadvisor只係一個平台，comment不能盡信，不過都有其值得參考嘅地方。通常小妹去到一個陌生地，入餐廳之前都會習慣上一上Tripadvisor睇下間餐廳係咪評分好差先，只要唔係一面太差就ok，但好似這間一面倒嘅負評，真係要小心小心。
*全部餐廳都可以在Tripadvisor搵到架, 建議你地去之前book定位先~
特別係米高諾斯島, walk-in可能未必有位~
沒有留言:
張貼留言