新居買床褥記

很快便搬新居，在考慮該買哪一款床褥。
咁啱今期《選擇》月刊講床褥，正呀！

朋友介紹海馬，亦有人講金美夢，聽講雅蘭都唔錯，睇完消委會做嘅測試報告之後，我地最後買左宜家IKEA嘅【HYLLESTAD 獨立袋裝彈簧乳膠床褥, 特級承托】由而家至10月26日做緊優惠床褥有85折，折左之後5呎售價$4326.5。

揀佢嘅原因係：

１）在家試用１００天
舊年買過張IKEA單人床褥 (款式: MALFORS 泡膠床褥)都係因為依個原因買，可以試瞓舒唔舒服，如果100日內覺得唔舒服，可以隨時退貨或者加錢轉其他款式。So far瞓左一年都覺得好舒服。

２）評分不俗，穩定性最高
《選擇》月刊入面嘅床褥測試報告內，得出最高承托力係澳美斯，不過澳美斯係屬於"硬"，同埋澳美斯係連鎖彈簧，穩定性低，如果伴侶轉身會容易影響另一半。宜家依款雖然在側睡方面唔及澳美斯高分，但係佢係用獨立袋裝彈簧，仲有記憶泡膠，穩定性很相當高，有五粒星星，我地親身試瞓過，轉下身，真係只feel到好輕微郁動，而床褥軟硬度為"中"，其他評分都不錯，所以我地揀左宜家。

３）其他原因
例如：折扣優惠、25年品質保證等都係吸引原因之一。利申：買之前試過睡舒適AG700同金美夢，其他牌子都冇時間去試，覺得IKEA幾舒服就買左lu。

不過，床褥都係好個人，唔好只聽人地講，要親身去試瞓下感受下先。有d人鍾意瞓硬d，有d人鍾意瞓軟d，你同伴侶嘅身高、體重、睡姿都直接影響你地揀床褥嘅標準。
如果你地都想睇返過往《選擇》月刊嘅測試報告，可以登入https://choice.yp.com.hk/，搵返果一期出嚟，購買網上版，指定嘅Topic HK$6，購買全期內容就同報紙檔賣嘅一樣 HK$12。希望資料對大家有用啦，今期係 468期 ( 2015年10月)。