有獎問答遊戲

近來我好忙...好像消失了一樣...真抱歉!
其實我都唔想的, 因為有一樣更緊要的事要做

不如咁, 我開個題目, 請發揮你們的想像力
「大家估下我近排忙d乜?」

(估中有獎, 答案在兩星期後揭曉!)

大家都是地球同胞, 請捐款幫幫海地人

海地七級大地震, 死傷無數

看見海地人的無助, 缺水缺糧, 我真的感到很心酸


為何四川地震﹑台灣風災, 大家都咁落力去幫手, 有錢出錢, 有力出力


但是當海地發生如此災難時, 竟然冇人伸出援手?


點解救援o既工作會咁慢...黃金72小時竟然冇人救援


只有海地人幫海地人, 48小時缺水缺糧, 真係看得令人心酸





香港人出名有善心, 許多地方發生大災難時, 香港人往往都會捐好多錢救災


但是最近大家關心的, 都圍繞著「起唔起高鐵」, 海地? 聽都未聽過, 就是因為對國家的「陌生」, 所以傳媒懶得報導, 冇報導, 大家對這國家的同理心就細左


傳媒的宣染力真的很重要





發生災難後, 我在網上搜尋資料認識這個國家





天天嘉年華／海地面具節帶來鼻酸式的歡樂


http://www.nownews.com/2008/01/30/11425-2224730.htm





海地這個國家, 原來好貧窮的


海地全國80%的人民生活在貧窮線（聯合國定義：每天收入1美元）以下，超過三分之二的勞工沒有正式工作。長期處於內亂，政局動盪不安，經濟匱乏的環境下，聯合國兒童基金會執行主任威尼曼指出：海地是西半球嬰兒死亡率最高的國家。





美聯社記者拍攝了這一系列的海地生活，在海地，沒錢買物資的老百姓，竟然製作「泥巴餅」在吃，看得真的令人感到鼻酸。

↑泥巴餅的材料：泥巴加上鹽和小小的蔬菜；這是海地人民可以不飢餓的少數選擇之一！

↑海地婦人正拉起曬乾的泥巴餅，仰賴微薄外來援助的海地人民，吃不飽是平常，沒得吃是經常！

↑如果可以選擇，誰會讓孩子去吃泥！

↑只是一張爛紙板，挖兩個洞，就是一個可以令孩子快樂的面具，海地孩子的快樂，真的很便宜！





災難前他們已經好慘, 災難後簡直是雪上加霜


我地香港人真係好幸福





在此呼籲大家, 如果有能力的, 希望大家都去捐d錢幫助佢地, 縱使係$50, $100都好, 有錢的更加要捐多d
克林頓呼籲, 即使是 $1, $2 也好





香港紅十字會呼籲市民捐款


回應國際紅十字會的行動，香港紅十字會呼籲港人慷慨解囊支持今次海地地震的賑災行動。

A) 查詢請致電 2802-0021 或 電郵 international@redcross.org.hk  

B) 香港紅十字會: http://www.redcross.org.hk/tc/home.html

1. 網上捐款
   
   
2. 將捐款直接存入以下香港紅十字會戶口
   「香港紅十字會賑災及發展專戶」:
   匯豐銀行（002-205490-006）
   請將存款收條正本連同捐款表格寄回本會，以便發出捐款收據。
   
   
3. 劃線支票抬頭請寫「香港紅十字會賑災及發展專戶」，請將劃線支票連同捐款表格寄回香港夏愨道33號 香港紅十字會 國際及賑災服務部 收。
   
   
4. 信用咭捐款：請填妥捐款表格並郵寄至本會或傳真至2824-3693。
   
   
5. 透過全港逾960間7-11分店以現金直接捐款，每次最低捐款為港幣一百元。請將現金收據正本連同捐款表格寄回本會。
   
   
6. 透過繳費靈: 商戶編號9167。如未有捐助者編號，請致電本會(2802-0021)索取。請填妥捐款表格並郵寄至本會，以便發出捐款收據。

除此之外, iTunes 也有設立海地捐款服務, 捐款將交到美國紅十字會, 幫助海地嘅死難者!
iTunes 海地捐款連結

yeah~我終於有繪圖版了\(^o^)/

今朝一返到公司，見到自己張枱放左一塊WACOM繪圖板，
WOW！係我架！我勁勁勁開心呀！
雖然我好開心，但因為在公司，所以要掩飾我o既情緒，
不能手舞足蹈，只能在心裡面大叫：
「我終於有繪圖板了，yeah\(^o^)/」
入左依間公司做左3年幾，其實我一直好希望有一塊繪圖板的！
不過等左一年．．．兩年．．．三年．．．
一直都未能如願．．．
或者因為我的職位根本沒有需要卦(我是做3D的)
但自從我轉了design team之後，設計上的工作多左好多
有時真的覺得很不便！
因為上司有新的繪圖板，所以我順理成章地接左佢塊板
(因為其他teamates都已經有板了)
雖然是舊款，但是已經非常滿足了^^

好開心呀好開心呀好開心呀～哈哈哈
咁以後返工lunch得閒都可以畫下畫了^^

A先生又飛走了~

今日, A先生又飛走了~
他今次飛去日本橫濱, 好近東京呢~~~
玩得開心d, 玩埋我果份, 食埋我果份......T^T

Canon PowerShot S90 開箱文

為左個北京之旅...除左買衫買鞋之外，
我仲買左佢---Canon PowerShot S90
真係dup本!!!

其實我想換相機好耐了，原本果部唔係影得差，不過一到夜晚或室內就好唔掂！
因為今次去北京之後短期內都唔會再去，所以為左影靚相，部相機好緊要！
我又唔需要去到DSLR，不過依部「DC王」已經夠晒我用了！
因為佢除左支援手動控制，仲可以影RAW！
真係DC仔一大突破。

我係豐澤買，機價$3580，有勁多野送！
8G SDcard (6class)﹑後備電﹑card reader﹑保護貼﹑相機套(非原裝)﹑大腳架
我仲加左4百蚊買左個意外保，3年內任何意外損壞都有得整，連跌落水跌落地都包，如果整唔到就換過部新o既俾你！又幾抵喎！雖然加埋部機就4千，不過買個保險買個安心，就算真係整爛都唔洗怕！

((試影))

F2.0大光圈真係冇得頂！用AUTO mode 求其影都好靚！

將AV mode，將光圈較到最細，就好容易影到星星燈
此機最細F8.0，不過我發現其實去到F5.6已經好夠，
如果F8.0就好易手震，要用腳架先得。

夜晚都可以拍得如此出色，果然係「夜拍王」！
以後去旅行夜景相都會好靚了^^

用左3年，我部 FX-07 終於可以退役了
以後靚相o既重任就要交俾 S90 啦

新版面，新形象

難得今日興之所致，幫AABB換了新衫，轉了一個新形象
不知大家喜不喜歡呢？^^

令人氣憤的垃圾留言！

每天打開網誌，都看見一堆又一堆的垃圾留言，實在令我很頭痛．．．
我知道除了我之外，不少YAHOO BLOG友都被這些沒意義的垃圾留言所騷擾！
刪除都刪除到手軟了，令我實在很氣憤！>_<
待我寫完菲律賓之旅之遊記後，或者要好好考慮一下網誌「搬家」的問題。

iphone奴隸s

曾經何時誓神劈願打死都不會用iphone的我們，如今都竟然屈服在Apple的威下，成為了iphone的奴隸．．．．．．大勢所趨，這個時代資訊爆炸，吸收資訊已不再居限於家用電腦。而最為方便的，就是這部比手掌大少少的多功能電話，可以用來上網，可以作為導航系統，可以用來睇片﹑播歌。除了沒有特大鍵盤外，根本就猶如一部迷李電腦。原本我打算買Netbook的，但是試用過用事們的iphone後，就屈服了。即使一年前，我都冇諗過我會買iphone，收到的時候．．．仲竟然咁開心興奮，我輸左

忙碌的一星期

這個星期都很忙很忙......
一放工回家便很累了，所以根本籐不出時間寫遊記>_<

這個Blog好像發了霉，蜘蛛網都有了，哈哈

好彩ｏ黎緊有３日假，可以俾我舒舒服服咁做下自己野。

祝大家重陽節假期過得快樂^^

大家一齊笑下啦！

唔知大家有冇睇過監獄兔?
自從上年便開始在網上流傳, 當我第一次接觸「監獄兔」的卡通短片之後......一睇, 就笑到停唔到XD

咁多年來, 監獄兔已經出產到第39集, 好似分左三輯。
第一輯 - 第1話~第19話
第二輯 - 第20話~第29話
第三輯 - 第30話~第39話

每一集只有分零鐘左右, 沒有對白, 只有音樂﹑表情﹑動作, 簡單的原素, 產生的化學作用絕不簡單~

大家未睇過o既, 不訪睇下笑下



想知道更多的人物介紹, 請到監獄兔官方網站
http://www.jianyutu.com/jianyutu.html

冷血的莫拉克

每次看著台灣的風災新聞, 我都感到很心痛...
找到的屍體越來越多...我的心情就越沉重。
這次莫拉克對台灣造成極大的破壞, 不單止導致國家的嚴重損失, 也導致許多人心靈的創傷......

除高雄縣甲仙、那瑪夏鄉等重災區外，嘉義縣昨天也傳出有8000多人受困山區，包括阿里山7個村落千餘名村民生死未卜。

去年我都去過甲仙六龜, 嘉義阿里山, 玩得好開心, 沿途風光明媚
最後3日待在高雄的遊記都未寫好, 想不到, 半年之後...面目全非......

看著風災的新聞, 我都不知道該懷著甚麼心情去寫餘下來的台灣遊記。

但願死難者的家屬們節哀順變。

港鐵 - 東西鐵相連

好消息呀! 港鐵的東鐵線和西鐵線路將於8月16號正式相連了~~~

西鐵線將伸延至紅磡, 多左兩個站, 一係柯士甸站, 二係尖東站
尖東站? 乜唔係一直已經有呢咩?
係呀~~不過尖東站將會由原先o既東鐵線, 轉去做西鐵線o既站之一。
而紅磡將成為東﹑西鐵線的總站。
如果大家以後由沙田﹑大埔等地方搭去尖沙咀, 就麻煩大家在紅磡落車轉一轉線了。

新o既線路開通左之後...住在新界西北區的人有福了~~
乘坐西鐵線出九龍, 最快只需22分鐘, 住屯門o既遠少少, 不過都係33分鐘o者

如果開埋上環至西營盤及堅尼地城等線路, 香港就真正稱得上四通八達了~~
(其實而家都好四通八達啦~)

終於寫晒華東o既遊記!

呼...用左兩日時間, 終於完成埋其餘3日o既遊記, 真係寫死我......
有興趣o既話可以去依度睇, 真係嘔心瀝血呀......
華東日全蝕之旅 網誌全紀錄

經過咁多次旅行之後...我發覺, 有遊記一定要在旅行回來後一星期內寫完。
所以今次我一早在頭一星期寫5日的遊記, 跟住先利用餘下來的weekend, 揀相, 執相, upload相, 到正式post o既時候再加番d補充。我發覺咁樣寫遊記真係快好多同埋冇咁煩。

華東寫完了, 台灣最後果3日仲一路拖......死唔斷氣咁! 因為拖得越耐...記憶就越模糊, 記憶越模糊...就越唔想寫! 我決定今個月內要完成晒所有台灣o既遊記, 等我呀!

舞照跳，馬照跑

幾番掙扎下...最後決定所有活動如期進行

6月13日, 國際旅遊展, 聽講座, 睇表演
6月14日, 挪亞方舟一天遊

網上買了方舟套票 $100

(可遊覽方舟花園、方舟多媒體博覽館、




珍愛地球館及方舟生命教育館)

希望一切順順利利 ^o^

遲來的生日禮物

今早收到一個包裹，第一個反應是：「咦～邊個寄ｏ黎ｏ既呢？」
當我一看到熟悉的字體，便知道是好朋友Ｃ小姐寄來的了，
是Ｂ小姐的生日禮物呢^v^　我立即急不及待打開一看

嘩～～是一個顏色鮮艷的旅行袋，我非常非常喜歡呢～～

Ｃ小姐早前都透露過生日禮物是同旅行有關，真係好適合我去旅行用呀

我最喜愛是這個小鞋子，超可愛，是旅行牌來的^^

謝謝妳，我最好的朋友

我的生日飯

我的生日，Ａ先生帶左我去中環ＳＯＨＯ區的一間小意大利餐廳食。
小意大利餐廳非常骨子，只有１個侍應，卻可以坐２０個客。
我們坐在正中央，點了周打蜆湯，自選８吋ｐｉｚｚａ，秘製辣味雞翼，墨西哥雞肉檸汁扁意粉。食物味道不錯的，埋單＄２８３，在中環區算便宜了～（多謝Ａ先生＞３＜）

然後我們在中環探索了一會，就去了旺角食飯後甜品！
本來想去近來人氣急升的「糖百府」的，但是真係超多人，那個景況起碼在１個鐘先等到＠＠
曾幾何時，我和Ａ先生經過這裡，店小二在門口大力拉客（估計當時是新開張）
我見他賣台式綿花冰，仲話所有綿花冰是由台灣進口，特別綿。
但我們看見店內沒有人客，就沒有進去了。
看似不好吃，誰知．．．走寶了！
當時不費吹灰之力就可以吃到的東西，現在卻要等上一小時之多，真的「秀田冇人耕，耕開有人爭」！結果我們去了對面已有多年歷史的石磨坊，點知都要等．．．
糖百府ｏ既威力係勁到千年來都不變的石磨坊，都要跟風做「冰」，所以話，競爭幾咁重要呢～
我和Ａ先生覺得，在這個供不應求的情況下，在隔離開多間糖水舖應該有得做！分薄佢地ｄ利潤！
真係架．．．只要唔難食，甚至做獨家產品，最好全旺角得你一家有得食！咁樣應該都有得賺～
香港人咁鍾意食糖水，但係旺角區又的確幾缺乏，ｃａｆｅ就超多！真係可以諗諗佢架～～
我抄得左隔離吉舖個招租電話，得閒打去問下幾多錢租先，哈哈

小B生日快樂！

今日係我生日呀，同自己講一句：生日快樂先^^
人越大．．．就越對生日冇咩感覺

可能因為怕老啦

我的生日禮物 WACOM Intuos 4

明天便是Ｂ小姐生日的大日子，Ａ先生今日送左塊繪圖板俾我
係「WACOM Intuos 4」呀～～～～我想要好耐架哪>3<
多謝Ａ先生＞３＜

一返到屋企，我急不及待拆開，立即用佢ｏ黎畫左一幅畫
WACOM 果然係唔同ｄ．．．真係好順，好快！

之前我有塊ｃｈｅａｐ板，但係唔知點解突然間壞左．．．＠＠
跟住就只可以用鉛筆畫完ｓｃａｎ入電腦或者用ｍｏｕｓｅ畫
所以為求快都好少填色～
不過以後有左ＷＡ仔（咁快幫佢改左名？），我就可以隨心所「畫」了^^

入選大富翁2009香港區選拔賽

今日收到個電話...佢話我被抽中參加大富翁2009香港區選拔賽^___^
好開心呀!!!
聽到依個消息果一刻...我個心卜卜咁跳
入選就有機會架哪, 雖然機會只係1/150...
要成功淘汰咁多個參賽者, 過五關斬六將都唔係易事!

5月17號
我會努力比賽架哪!
如果嬴左, 就可以代表香港去拉斯維加斯參加世界大賽...
再嬴埋, 就可以得到十六萬獎金...
(腦海不停幻想中...)
哈哈...我真係發緊夢

大富翁我玩過幾次, 印象中賽果成績都幾好
不過我地個玩法有少少唔同...例如...坐緊監係唔可以收租等
但係原來正宗玩法係可以架!
要刨下參賽規則先得哪

大家祝我好運啦^_^

天空的笑臉

天空的笑臉

昨晚, 天空上出現了一個笑臉, 在香港的西南方 搭公司車的時候, 剛好被我見到, 好得意 金星和木星剛好轉到月亮上方, 碰巧月兒是彎月, 出來的效果十分有趣! 聽聞這個現象, 一百年才出現一次 能夠看到真幸運呢~~^.^

By B小姐