顯示具有 09 北京文化美食之旅 標籤的文章。顯示所有文章

2010年2月23日星期二

北京凍到震之旅 Day4b (前門西河沿街)

Day4 (2009.12.27)

話說由酒店前來，又塞了45分鐘。
一下車，陽光普照，今天明顯比昨天和暖。

望過去是一排小店，前門大街似乎不在這裡
不過橫掂有時間，就周圍逛下啦

北京最流行的小吃，我地結果都係冇試到

這條前門西河沿街，好像很地道

果然是很地道，有少少鄉村feel，不過講到最地道還是價錢
好多食店和士多，貨品價錢超平，不過敢唔敢買又係另一回事啦

依度都有好多地道小吃

依度都有手信店，我見烤鴨十五蚊半隻，但你敢買嗎？

因為北京好凍，所以川菜好受北京人歡迎，暖身嘛

雖然國內陸續立法禁止食「野味」，但係這種「野味」火鍋還是到處可見

好多桔呀

行到咁上下，見冇乜野行又好凍(一冇太陽就好凍)，所以就返轉頭，
出番大街逛小商店

依d「中國風」啤牌，人仔10蚊副
講真，幾有特色架，雖然香港都有得賣，不過香港賣25蚊
我地買左兩副，一副係中國民間風俗，另一副係三國演義
又有得玩，又有野學，一舉兩得！

依d散字包都係10蚊，幾靚，不過好睇唔好用

繡花鞋就貴d，三十幾蚊

依部就係我尋晚介紹過o既「北京版tuk tuk」哪！

箭樓

下一篇

北京凍到震之旅 Day4c (前門大街)

2010年2月17日星期三

第四天(2009.12.27)

前幾天都沒有介紹早餐，今天開一個post介紹吧！
是次旅程，多得B小姐舅父贊助，才獲得兩晚五星大酒店威斯汀免費住宿
仲包埋兩朝自助早餐tim！

我是一個很重視「早餐」的人，吃過一頓豐富的早餐，當天會覺得充滿能量，工作起來也特別起勁！

以前無論跟團定係自由行，都住過不少酒店，但是我覺得我食過最豐富的，就是威斯汀的早餐。西式日式中式各式其色。(以下這段內容不喜可以略過)
果汁有4種：橙汁﹑菠蘿汁﹑蘋果汁﹑西柚汁，依d唔少得
仲有豆漿﹑凍熱牛奶，咖啡奶茶檸茶檸水，可謂照顧周到。
大酒店都不乏芝士，包餅類都有非常多款！Chocolate muffin﹑Chocolate Croissant﹑丹麥酥﹑小蛋糕﹑肉桂酥等等。煎炸類代表有炸薯餅﹑薯角﹑薯皮﹑煙肉﹑腸仔。冷盤有煙三文魚﹑柏爾馬火腿﹑其他煙燻凍肉都有唔少。日式方面有壽司﹑手卷﹑冷麵﹑凍豆腐﹑墨魚仔﹑螺肉。麥片沙律白粥油條一應俱全，都數唔晒咁多！

直行轉右，就是餐廳的入口

banana bread也不錯

我最愛這個杏仁牛角包，做得很酥脆，每天也要吃一個才罷休。
薯餅嘛，也不賴，還是麥記做得好。
Chocolate muffin，我覺得很好味，但A先生彈到爆！

日式冷盤，我覺得不錯啦

炒蛋是即叫即炒的，不過炒得過熟，蛋汁都變成固體了

依個！絕對是極品！！！我要隆重介紹！
名字已經忘記了，是一種西式精點。
外形像被切去外圍的荷包蛋，裡面充滿蛋汁，底下還有塊多士墊底。
上圖是我自創的食法，把這件食物放在芝士上一齊食，口感及味道也升級，味道配合得天衣無縫。

我好似收左錢咁，不停讚間酒店
A先生就不停彈，話我乜都話好食

對，我冇食過太多好野，所以對我o黎講咁o既質素已經幾滿意
v_v 我都好想好似阿蘇咁，自細屋企有個大廚，所以食到咀叼，識得分辨乜野係好味

食飽飽之後，拿拿臨check-out出去玩！
途經這張大床，「咦？做乜無啦啦有張床o係大堂？」

原來係酒店promotion，一次過購買十晚住宿，就可以把這張「天夢之床」帶回家

唔好睇佢平平無奇，訓過你就知！
我真係好想據為己有！奈何我不是富豪。

截了一部的士，就向前門大街進發！有人一上車就訓

((待續......))

2010年2月7日星期日

北京凍到震之旅 Day3d (鳥巢.水立方.煙袋斜街.什剎海)

Day3　(2009.12.26)

行程: 天安門->故宮->王府井大街->花家怡園->鳥巢+水立方->煙袋斜街->什剎海

烏巢同水立方都好靚，不過果度大到癲線，地鐵站行去都要幾個字．．．

2010年上海世博會中國展館，係咪好有中國味道呢？

看見如此宏偉壯觀的國家體育館鳥巢，我們都不禁跳躍舞動起來！

孖寶兄弟？！

影番張合照先！

到達的時候鳥巢仍然開放，
因為由本月12號開始，鳥巢已經變身為「冰雪樂園」，
只做一季，直至明年2月20日。
詳情請睇下文：

鳥巢下月變身冰雪樂園12月19日迎客套票120元 (轉載)

其實我地好想去架，不過由於今次行程時間實在太少．．．就算近在咫尺都只能望門輕嘆。同佢say個「Hi」之後，連入去參觀下o既時間都冇，就過左對面o既水立方。

相比起來，水立方的夜景漂亮得多～

近睇o既話，真係粒粒精塋通透，脹卜卜，好得意

鳥巢個結構又係冇得頂o既！
建築師真係利害，竟然諗到咁樣設計，
仲符合物理力學承托計算，能夠抵抗9.5級或10級地震！

今日係Boxing Day，水立方對出都有聖誕裝飾應一應節，
國家用行動來回應：「唔好話我地唔入流哪！」
不過這個裝飾，真係唔可以叫靚．．．但係又好多人爭住影喎！

8點幾左右，我地就開始離開去下一站。
沿途都好多小販兜售紀念品，不過我地冇幫襯，
唔係貴定平o既問題，而係．．．．．．
水晶鳥巢煙灰缸，我要o黎有咩用？

奧運中心這段地鐵站年紀最小，所以也是最漂亮的。

係咪好似香港地鐵站呢？

好耐之前講過，北京的設施全部都是「求實用不求美觀」，
所以如果你細心留意的話，會發現所有建設都唔consisent！

新o既都叫做好d

舊o既...真係核突到呢......一d都唔user-friendly

驟眼看冇乜野，細心睇下？
原來係用富有中式味道的光管＋西式雕花砌成的燈飾。

我地搭地鐵，轉左三程車，才去到鼓樓大街站
然後通過舊鼓樓大街，步行了半小時，先來到煙袋斜街。
其實點解要咁轉折呢？直接搭的士咪仲快！
其實睇地圖，鳥巢距離後海真係唔遠，估計應該三十蚊內搞掂！
但係搭地鐵只係兩蚊，咪當散下步囉:p

講開舊鼓樓大街，沿途行過都幾冷清，
除左間唔中見到路旁有ｄ食店之外，街上都冇乜人流，毫不熱鬧。
特別的是，這條街特別多胡同，幾乎行幾步就見到一個！
我諗日抖來可以入去探險下，而家夜媽媽就唔好哪。

煙袋斜街好有特色

是否夜了，人都不是太多，所以行得幾舒服

這裡跟南鑼鼓巷一樣，很多手工藝品

以前煙袋斜街是售賣煙斗煙具的，所以因此而得名。
但今時今日，這種店子已經少之又少。

行行下，被一隻鸚鵡吸引我們視線

依隻係神奇鸚鵡，佢識跟音樂跳舞，又識玩單槓

門外張貼了店主＋小鸚鵡的自述
店主：我曾越獄11次，但都被抓回來，現在只能靠表演賺小費養活自己
鸚鵡：我六月生於北京，我不說話但會跳舞，我更會楊威的單槓表演，歡迎與我合照

雖然店主咁自述自己，唔知真的假，不過我好欣賞佢小店的設計品
特別是這個！！！
它是由紙摺出來的立體公仔，個個都手工精緻，栩栩如生！
有月老，財神，關公，觀音，濟公．．．等等，許多款式。
不過這些製成品只係俾你欣賞，唔賣架！
想要就要自己摺，隔離你見到果d類似post card o既物體，就是了！
每張六蚊，買五送一，作為手信都不錯丫～
除左依樣，店內其他手工藝品都不錯！值得一逛